गलातीयो 3:1 - खेरलो वचन नोवालो नियम

¹ एय विणएकल्या गलातीयावाला, कुण तुमूह मोह लियेल हे? तुमरे डोलान सामने यीशु मसी ते खुरूसखाम पोर हुतरोच देखाड़ाय जायेल ईतो।

नाहाली

¹ हे, बुद्धिहीन गलतीकरा माय वाला, तुमरे पोर कूण जादू किरील हि? तुमु ता आखान ओगांण यीशु मसीहान क्रुस पोर केवी चेढाईल एता ज्यान पुरो वर्णन आपील दियील!

गलातीयो 3:1 ပူးပေါင်းရင်းမြစ်များ

मत्ती 24:24

काहाकाय जुठा मसी एने जुठा जाणकार उठ बोहती, एने मोटली निसाणी, एने बोंगलाड़ टाके ओहला कामे देखाड़ती काय केदी एय सेकी ते निवाड़ेलाह बी खोवाड़ देती।

मत्ती 7:26

तिहेस केरीन जो कुण मार वचनाह होमलीन तान गेत नाह किरेत तो फोगा माणहान गेत हे, तान गेर तो रेटा माय बांदेह,

लुका 24:25

तेवी यीशु ताह केयो, “एय विणएकल्या, तुमू बोगवानान जाणकारान आखी वाती पोर बुरहो केरनेन काहा दिरा हेते?

प्रेरितान काम 16:6

ता फ्रुगीया एने गलातीया देसा माय रेन गीया, काहाकाय चोखालो जीव ताह आसीया माय वचन केणेन केरता मोना किरेल एतो।

प्रेरितान काम 6:7

बोगवानान वचन पोसेरते गीयो। एने यरूशलेम माय चेलान गेणती जुलूम वोदते गियी, एने चाकर्‍यान एक मोटलो सोमाज ज्या बोरहाह मान्नार बोण गीयो।

रोमीयो 10:16

पुण ता आखा हाजाली खोबरी पोर द्यान नाह देना: यशाया किथे, “एय मालीक, कुण आमरी खोबरी पोर बुरहो किरेल हे?”

रोमीयो 2:8

पुण जा माणहे स्वार्थी हेते एने खेरायीह नाह मानते, काहाकाय खाराब काम केर सेकती ओहला आखा माणहा पोर बोगवान तान राग टाकी।

रोमीयो 6:17

पुण बोगवानान दन्यवाद एय काय एक टेम तुमू गुलाम एता पुरा मोना केरीन ग्रहण केऱ्या जा माय खेराय जुड़ेह एय काय तुमू जा पापान गुलाम एता एवी मोना केरीन ता हिकवोणाह मान्नारे एय गीया, जान केरता तुमू होपायेल एता,

1 कुरिंथीयो 11:26

काहाकाय जाह वोर तुमू ज्‍यु रूटो खातेह एने ज्या सिंगुल माय रेन पितेह, ते मालीकान मोतीह जाह वोर तु नाह आवीत, पारचार केरती रिवो।

1 कुरिंथीयो 2:2

काहाकाय मी ज्यो ठाण लियेल ईतो, काय तुमरे विच माय यीशु मसी मतलब खुरूसखाम पोर चेड़ायेल मसीह सोड़ीन दिहरी काल्लीस वातीह नाह जाणेत।

2 कुरिंथीयो 10:5

तानकेरता आपु केल्पना माय एने एकेक मोठी वातुह, जी बोगवानान ओलखात ने विरोद माय उठीह, पाड़ देतेह; एने एकेक बावनाह कोंडीन मसीन उकुम माणनार बाणाव देतेह।

2 कुरिंथीयो 11:3

पुण मी बिथु काय जिहकेरीन गेयड़ेक तान उशारी माय हवाह बेहकायेल, तिहेस केरीन तुमरो मोन ता खेरलाय एने चोखाला माय जो मसी हेऱ्यो एणे जुवे, खाराब नाय केराय जाय।

गलातीयो 1:2

एने आखा बायाख ने उगे रेन जा मार हेऱ्या हेते, गलातीयान मोंडलीह नमस्‍कार मोकेलतेह।

गलातीयो 1:6

माहु आश्‍चर्य ईथे काय जो तुमूह मसीन गीण माय हाद्यो ताह तुमू ओला उतवाल्या एगदी दिहरीस हाजाली खोबरीन केरता बोटेकणे बाजरेनाह।

गलातीयो 2:14

पुण जेवी मी दिख्यो काय ता हाजाली खोबरीन खेराय पोर हुतरा नाह चालते, ते मी आखान सामने पतरसाह केयो, “जेवी तु यहुदि एन बिगेर यहुदिन गेत जीवनो जिवेह यहुदिन गेत नाह ताहार तु बिगेर यहुदिह यहुदिन गेत चालनेन काहा किथे?”

गलातीयो 3:3

काय तुमू ओला विणएकल्या किहीक बोणतेह! बोगवानान जीवान द्‍वारा सुरवात केरतेह; एने एवी तुमरी ताकेती केरीन पुरा केरने होदतेह?

गलातीयो 4:9

पुण एवी जा तुमू बोगवानाह ओलखी लियेल हेते एने बोगवान तुमूह ओलख्यो, ते ती कोमजोर एने बिगेर कामान पेल्‍ली हिकवोणान वातुन उगे काहा फिरतेह, जान तुमू पोशा गुलाम बोणने होदतेह?

गलातीयो 5:11

पुण एय बाय बोणहा, केदी मी आज बी जीहे काय थोड़ाक माणहे सोमेजतेह खेतनान ज्यो पारचार केरथु ते माहो एवी वोर काहा सेतावेह? तेवी मसीन खुरूसखाम ने कारीन पायदा ईयेल सोब बादा खेतेम एय जाणे जुवे।

इफिसीयो 3:8

माहु पोर जो आखा चोखाला माणहा माय रेन आत्याम रेन बी आत्यो हे, ज्यी गीण आप्यो काय मी बिगेर यहुदिह मसीन जेलेमकी देनान हाजाली खुबेर होमलावु।

इफिसीयो 4:14

ज्यानकेरता काय आपु ओंगाण सोरान गेत नाय रेय, जो देरीयान लाटान गेत जी उगे ती उगे उसेलने फिरवाय जाणे, एने माणहान ठेग विद्यान वादोण एने माणहान चेतराय ने द्‍वारे वोयते जाथे।

इफिसीयो 5:15

तानकेरीन तुमू किहीक जीवतेह, तान बाराम जोगवीन रिवो। एने फोगा माणहान गेत मा ईहो, पुण एकेल वाला माणहान गेत बुणो।

2 थिस्सलुनिक्यो 1:8

एने जा बोगवानाह नाह ओलेखते एने आपणा मालीक यीशुन हाजाली खोबरीह नाह मानते, ताह डेंड आपी।

1 तीमुथीयुस 6:4

ताहार तो गोमेंड केरनार बोण जायेल हे, ताह खेरली बोक्‍तीन बाराम कायच बी नाह मालुम सोतो एने तो सोबदा पोर बोलाचाल केरनार कुयराय, राड़ चिहटा एने गेलेत सेंका केरनार बोण जायेल हे।

इब्रानियो 11:8

बोरहास केरीन अब्राहाम जेवी आयेल ईतो ते उकुम मानेन ओहली जागे निकेल गीयो जाह मिरास माय लिण्यो ईतो; एने ज्य नाह जाणतालो काय मी का जाथु, तीबी निकेल गीयो।

इब्रानियो 5:9

उवतो खिरो एय जाणे से, आपणा सोब उकुम मान्नारान केरता जेलेमक्या कालान सुटकारान कारेण बोण गीयो,

1 पतरस 1:22

जेवी तुमू बायबांडलान केरता बिगेर कोपेट मोंग ने केरता खेरायीह पालेन केरीन तुमरा मोनाह चोखा किरेल हेते, ते पुरो मोन लागाड़ीन एका दिहरा हेऱ्या जादा मोंग किरो।

1 पतरस 4:17

काहाकाय तो टेम आव लागेल हे, काय पेल बोगवानान माणहास ने नियावान सुरवात एय। केरीन नियावान सुरवात आपणे फाय रेन एय ताहार तान सेवेट काय एय, जा बोगवानान हाजाली खोबरीह नाह मानते?

2 पतरस 2:18

ता फालतुक गोमेंड ने वातु केर केरीन लुच्‍चाय ने कामान द्‍वारा ता माणहान सेरीरान लालचाय माय फोसाड़ लेतेह, जा एवी एवीच बोटकेल माय रेन निकलेल हेते।

प्रकाशितवाक्य 18:3

काहाकाय आखा देस तान दारो मतलब खाराब ने बियावी ओहली आदेतीह पियेल हेते। ज्यी देरतीन राजा ती हेऱ्या खाराब सिनालो किरेल हेते, एने देरतीन वेपारी तान हुख ने कारेण मालदार एती गीयाह।”

प्रकाशितवाक्य 2:20

पुण माहु तुमरी विरोद ज्यो केणु हे: तुमू इजेबेल नावान ती बायकुन वेठथे, जी सोताह बोगवानान खुबेर पोचाड़नार हे किथे। ती सोतान हिकवोण ने द्‍वारे मार सेवकाह सिनालो केरने एने मुरतीह चेड़ावो चेड़ायेल खाणो खाणेन केरता गेलेत आगवाय किरेह।