इफिसीयो 4:14 - खेरलो वचन नोवालो नियम

¹⁴ ज्यानकेरता काय आपु ओंगाण सोरान गेत नाय रेय, जो देरीयान लाटान गेत जी उगे ती उगे उसेलने फिरवाय जाणे, एने माणहान ठेग विद्यान वादोण एने माणहान चेतराय ने द्‍वारे वोयते जाथे।

नाहाली

¹⁴ म्हणजे आमु ज्या ओगाण सोरा नाय रेहू ज्यो माणहान टेगनेन विद्या एने चतुराईनी, भ्रातिच्या मार्गा युक्तीवजेसे एने उपदेशरुपी प्रत्येक वाराआ आतल्या नाय रेहू तोथा फिरीविलो जातेह.

इफिसीयो 4:14 ပူးပေါင်းရင်းမြစ်များ

मत्ती 11:7

जेवी ता तारेन चाल देना, ते यीशु जाणे बुखेत योहानान बाराम माणहाह केयो, “तुमू उजाड़ी माय काय देखणे जायेल एता? काय वाराम आलताला टोकराह?

मत्ती 24:11

मोकतास जुठा जाणकार उठ बोहती, एने मोकतास माणहान मोन बोटकावती।

मत्ती 24:24

काहाकाय जुठा मसी एने जुठा जाणकार उठ बोहती, एने मोटली निसाणी, एने बोंगलाड़ टाके ओहला कामे देखाड़ती काय केदी एय सेकी ते निवाड़ेलाह बी खोवाड़ देती।

प्रेरितान काम 23:21

पुण तान मा मानहे, काहाकाय ता माय रेन चालीह रेन होवटा माणहे पौलुसाह मारनेन पासाण पोड़ रेनाह। जाज्यो ठाण लियेल हेते काय जाह वोर ता पौलुसाह मार नाय टाकती, ताह वोर नाय खाती एने नाय पिते। एवी ता तियार हेते एने तारा निर्णयान वाट जोवणे बाजरेनाह।”

1 कुरिंथीयो 12:2

जेवी तुमू खेरला बोगवानाह नाह ओलेखताला, ते बात बातीन मुरतीन बोक्ती केरताला।

1 कुरिंथीयो 14:20

एय बाय बोणहा, तुमू सोमेज माय सोरा मा बुणो; गेलेत माय सोरान गेत रिवो, पुण सोमेजदारी माय मोठलान गेत बुणो।

1 कुरिंथीयो 3:19

काहाकाय ज्या दुनियान इकेल बोगवानान आहने फोगवाय हे, जीहे केरीन देरेम पुस्तेक माय लिखेल हे, “बोगवान इकेल वालाह तान चेतराय माय फासाड़ दिथे,”

2 कुरिंथीयो 2:17

काहाकाय आमु ता माणहान गेत नाह सोता, जा बोगवानान वचनाह सोतान फायदान केरता वापेर केरतेह, एने बोगवानान आमुह मोकलायेल हे। एने आमु मोनान खेराय माय बोगवानाह आहने जाणीन मसीन पावोरान गेत बोलतेह।

2 कुरिंथीयो 4:2

पुण आमु लाज आवी ओहला कामे सोड़ देना, एने नाह मोठाय माय चालते, एने बोगवानान वचन माय सोतान फायदान केरता बेचेक केरती नाह; पुण खेरायीह देखाड़ीन बोगवानान ओंगाण एकेक माणहान मोना माय आपणे आपाह हाजा ठेरावतेह।

गलातीयो 3:1

एय विणएकल्या गलातीयावाला, कुण तुमूह मोह लियेल हे? तुमरे डोलान सामने यीशु मसी ते खुरूसखाम पोर हुतरोच देखाड़ाय जायेल ईतो।

इफिसीयो 6:11

बोगवानान आखा आथ्‍याराह बांद लिवो, काय तुमू सैतानान योजनान सामने उबरेय सिकहो।

1 तीमुथीयुस 3:6

तो बोरहा माय मोजबुत रेणे जुवे, ओहलो नाय एय काय गोमेंड माय आवीन सैतानान गेत डेंड ने बागी एय जाय।

2 तीमुथीयुस 1:15

जा बुरहो केरनारे माणहे आसीया खेड़ा माय हेते, ता मार हेऱ्या रेन सेटा एय गीयाह, ज्यो तुवाह मालुम हे; जा माय फुगीलुस एने हिरमुगीनेस न्या हेते।

2 तीमुथीयुस 3:13

पुण खाराब एने बोटकावणारे माणहे दिहराह ठेगती, एने खुद बी ठेगायेन खाराब कामा माय होवटाह बिगेड़ते जाती।

2 तीमुथीयुस 4:3

काहाकाय ओहलो टेम आवी जेवी माणहे खेरलो हिकवोण नाय वेठ सेकती ता फोक्‍तो सोताह समादान जुड़ी ओहल्यु वातु काना केरीन होमेलनेन केरता आपणा लोब लालुसान गेत आपणी केरता जुलूम होवटा मास्तेर्‍याह टोलीव लेती।

इब्रानियो 13:9

बात बातीन खाराब हिक केरीन मा बोटेक जाहो, काहाकाय मोनान गीण केरीन मोजबुत रेणो हाजो हे, नाह काय ती खाणेन वोस्तु जी पोर काम मेलनाराह काईच फायदो नाह ईनो।

याकुब 1:6

पुण बिगेर सेक माय बुरहो केरीन मांगो, काहाकाय सेक केरनार देरीयान जेलखान गेत हे, जो वारा माय वोयणे एने उसेलने।

याकुब 3:4

सोचो, जारीक काय डोंडह्या कोलाक मोटला रेतेह एने जाल्ला वारा माय चालतेह तीबी एक आत्यीस पतवारी केरीन चालाड़नारान मोरजी पोर फिरने।

2 पतरस 2:18

ता फालतुक गोमेंड ने वातु केर केरीन लुच्‍चाय ने कामान द्‍वारा ता माणहान सेरीरान लालचाय माय फोसाड़ लेतेह, जा एवी एवीच बोटकेल माय रेन निकलेल हेते।

1 योहान 2:19

ता आमरे माय रेन निकलेल, पुण आमरा हाती नाह एता; ता केदी आपणा रेता ते आपणी हेऱ्या रेता। ता माय रेन आपणो कुण नाय मीले ज्यो देखाड़नेन केरता निकेलना।

1 योहान 2:26

मी तुमूह ता माणहान बाराम लिखेल ईतो, जा तुमूह बोटकाड़तेह।

1 योहान 4:1

एय मोंगाल्ला, एक एक जीवा पोर बुरहो मा किरहो, पुण ता जीव बोगवानान उगे रेन हेते काय नाह तान पारेख किरज्‍यो; काहाकाय मोकतास जुठा जाणकार दुनिया माय फिरने बाजरेनाह।

यहुदा 1:12

ता तुमरा मोंगान सबा माय तुमरी हेऱ्या खाता पिता, देरीया माय लिकायेल देगड़ान गेत हेते, एने बिंदास तान पेटाह बोरनारे राखवाल्या हेते; ता वारा माय उड़ीन आयेल ठाल्ला वादला हेते, ता उनालान विण फोल्या जाड़े हेते, जा दुय वार मोर जायेल हेते; एने मुला बेलुच उखील जायेल हेते।

प्रकाशितवाक्य 19:20

ता जेनवेराह एने जुठा जाणकाराह जो तान ओंगाण चोमेत्कार देखाड़तालो, ता दुयूह बोंदी बोणाव लेदा। जो चोमेत्कार केरीन माणहाह ठेगतालो। एने जा माणहे जेनवेरान साप लियेल एता एने जा माणहे मुरतीन पुजा केरताला। जेनवेराह एने जुठा जाणकाराह दुयूह बी हेलेगताला गंदक एने आक्‍ठान जोवरा माय जीवतालाच टाकाय गीया।