कुलुसी 1:15 - खेरलो वचन नोवालो नियम

¹⁵ नाह देखाणार बोगवानान वेह रूप हे मसी एने तो आखी बाणायेल चिजी माय रेन पेल्लो पायदा ईयेल बिटोख हे।

नाहाली

¹⁵ तो अदृश्य बोगवानान रूप दृश्य रूप हि तो आखा सृष्टीतील जेष्ठ हि.

कुलुसी 1:15 ပူးပေါင်းရင်းမြစ်များ

यूहन्ना 1:1

सुरवात माय सोबदो एतो; एने सोबदो बोगवाना हेऱ्यो एतो, एने सोबदो बोगवान ईतो।

यूहन्ना 1:14

एने सोबदो माणहान सेरीर बोणीन आवो, एने गीण एने खेराय माय पाको एन आमरी विचीम रिनो। एने आमु तान ओहली बोड़ाय देख्या, जिहकेरीन आबाख ने एकुस बेटाख ने बोड़ाय।

यूहन्ना 1:18

बोगवानाह कुण केदी नाह देख्यो। एकुस बिटोख जो आबाख ने बाराबोर हे, एने बोगवाना हेऱ्यो बोह रिनोह, ताच ने उगे रेन बोगवान सोताह देखाड़ेल हे।

यूहन्ना 14:9

यीशु ताह केयो, “एय फिलीपुस, मी ओला दिह वोर तुमरी हिऱ्यो हे, तु माहु नाह जाणेत काय? जो कुण माहु दिखेल हे, तो मार आबाख दिखेल हे।” ते तु काहा किथे, “आमुह आबोख देखाड़?”

यूहन्ना 15:24

केदी मी तान विची माय तो काम जो दिहरा केदिस नाह केऱ्या, ता नाय किरतो, ताहार ता पापान दोसी नाय ठेराता; पुण ता माहु एने मारा आबाख दुयाह बी देख्या एने दुयू हेऱ्या दुसमोनाय केऱ्या।

यूहन्ना 3:16

काहाकाय बोगवान दुनियाह ओहलो मोंग किऱ्यो काय तो तान एकुस मोंगाल्ला बेटाख आप दिनो, काहाकाय जो कुण ता पोर बुरहो केरी तो खेतेम नाय एय, पुण जेलेमक्यो जीवाय सापड़ावी।

रोमीयो 8:29

काहाकाय जाह तो पेलुस रेन जाण जायेल हे ताह पेलुस रेन ठेरायेल बी हे काय ता तान बेटाख ने वेहा माय एय जाय, काहाकाय तो जुलूम बाय बोणहा माय जेठालो ठेराय।

2 कुरिंथीयो 4:4

एने ता अविश्वासीन केरता जान इकेल ज्या दुनियान देव जो सैतान हे आंदलो केर दियेल हे। काहाकाय मसी जो बोगवानान वेह रूप हे तान चोमेकणार हाजाली खोबरीन उजालाह ता देख नाय सेकी।

2 कुरिंथीयो 4:6

काहाकाय बोगवानुच हे जो कियेल, “आंदारा माय उजालो चोमके,” एने तोस आमरा मोना माय चोमेकनो काय बोगवानान बोड़ाय ने ओलखातान उजालो यीशु मसीन मुया केरीन उजालो एय।

फिलेपियो 2:6

जो बोगवानान वेह रूपाम एन बी तो सोताह, बोगवानान गेत नाह सोमज्यो जा माय तो जोड़ाय जाय।

कुलुसी 1:13

एने तो आपुह आदारलान आदिकार माय रेन सोड़व्यो, एने तान मोंगाल्ला बेटाख ने राज माय होमालीन लायेल हे।

1 तीमुथीयुस 1:17

जो कायेम ने राजा हे, एने कायेम खेतेम एण्यो नाह सोतो, एने नाह दिखेल ता एकुच बोगवानान मान एने बोड़ाय कायेम ने कायेम एती रेय। आमेन।

1 तीमुथीयुस 6:16

एने जेलेमक्यो तास ने हे, एने जेलेमक्या उजाला माय रीथे, एने ताह नाह माणुह देख्यो एने नाय केदी देख सेकी। तास ने मान एने राज जेलेमक्यो रेय। आमेन।

इब्रानियो 1:3

तो बोगवान बोड़ाय ने उजेड़ एने तान वेहान साप रूप हे, तोच आख्‍यु वोस्तुह तान ताकेतीन वचना केरीन होमालने। जेवी तो आपुह आपणा पापाम रेन दोव दियेल ईतो, ते तो मोटली बोड़ाय पोर बुहेल बोगवानान जीवड़े उगी बोह गीयो।

इब्रानियो 1:6

एने जुलबुखे पेल्ला बेटाख दुनिया माय लावीन किथे, “बोगवानान सोब हेरोगदुत तान सोराह नमस्‍कार केरी।”

इब्रानियो 11:27

बोरहास केरीन राजान रागाह नाह बिन तो मीस्राह सोड़ दिनो, काहाकाय तो नाह दिखेल ताह सुमजो देखतीन मोजबुत रिनो।

प्रकाशितवाक्य 3:14

लोदिकिया मायवाली मोंडलीन खुबेर पोचाड़नार हेरोगदुताह ज्यो लिख: “जो आमेन, बोरहावालो एने खीरलो गोवाह हे, एने बोगवानान बाणावोट ने आदिकारी हे, तो ज्यो किथे।