प्रेरितान काम 20:31 - खेरलो वचन नोवालो नियम

³¹ तानकेरता जोगवीन रिवो, एने एर किरो काय मी तीन वोरह्या वोर रात दिह आहवा गाली गालीन एका एकाह हिकाड़ेल हे।”

नाहाली

³¹ जानकेरता जागे रीवू एने एर केरतीन रीवू कि तीन वर्षा ताहवोर रात दिह आहवा वोयाडने आखाह चेतावणी आपणेह सुळील नाहं.

प्रेरितान काम 20:31 ပူးပေါင်းရင်းမြစ်များ

मत्ती 13:25

पुण राती आखा माणहे हुव जातेह, ते तान दुसमोन खेताम आवीन जेंगली दाणा पेर दिथे।

मत्ती 3:7

जुलबुखे तो मोकतास फरिसी एने सदुकीह बपतीस्मा लेणेन केरता ता फाय आवताला देखीन तो केयो, “एय गेड़हान पिला, तुमूह कुण हिकाड़ देनोह काय बोगवानान उगे रेन आवणारा रागाह रेन सेटा नाहो?

लुका 21:36

तानकेरता जागताला रिवो, एने देर टेम विन्ता किरते रिवो; तेवी ज्यी आवणार आखी गेटनाह रेन वोचहो एने माणहान बेटाख ने ओंगाण उब रेणेन लायेक बुणो।”

प्रेरितान काम 19:10

दुय वोरह्या वोर इहीचकेरीन ईती रेनो, ता माय आसीया एद्दी माय रेणारे आखा यहुदि, एने बिगेर यहुदि सोब माणहे मालीकान वचन होमेल लेदा।

प्रेरितान काम 19:8

पौलुस यहुदि बोक्ती केरन्या गेरा माय जाईन तीन मोयना वोर बिगेर बियेल बोगवानान राज ने बाराम बोलचाल किरते, एने ताह सोमजाड़ते रिनो।

प्रेरितान काम 20:11

ओवतो पौलुस उपेर गीयो रूटो मुड़ीन खादो, एने ता हिऱ्यो उठ्यान वेगोच वोर वातु किरते रिनो, ओवतो ता रेन पौलुस जात रिनो।

प्रेरितान काम 20:19

मतलब जुलूम गेरबोड़ाय से, एने आहवा गेलावी गेलावीन एने त्यु पारेख माय बी, जो यहुदिन योजनान वोजेसे जी मार पोर आव पुड़ेल एती, मी मालीकान सेवा किरतेच रिनो।

प्रेरितान काम 20:7

जेवी आमु एप्तान पेल्ले दिह हांज पोर रूटो खाणेन केरता एकठा एना। तेवी पौलुस ता हिऱ्यो आदि रात वोर ता हिऱ्यो वातु किरते रिनो, काहाकाय दिहरे दिह जाण्यो ईतो केरीन पौलुस आदि रात वोर हिकवोण दिते रिनो।

प्रेरितान काम 24:17

जुलूम वोरह्यान पासाण मी यरूशलेम माय गेरीब माणहाह दान आपणे, एने बोली चेड़ावणे आयेल हे।

1 कुरिंथीयो 4:14

मी तुमूह लाजवाड़नेन केरता ज्यी वात नाह लिखेत, पुण मार मोंगाल्ला सोरान गेत तुमूह सोमजाड़थो।

फिलेपियो 3:18

काहाकाय होवटास हेते, जा इहकेरीन जीवतेह, जान वात मी तुमूह जाहार ताहार किरेल हे, एने एवी बी रेड़ी रेड़ीन केथु काय ता सोतान बोलनो चालना केरीन मसीन खुरूसखाम ने विरोदी हेते।

कुलुसी 1:28

केरीन आमु मसीन पारचार आखाह केरतेह। एने जो आपुह इकेल हे ती आखी बुद्दीन वापेर केरती लेन आमु आखाह निर्दोस एने हिक आपतेह काहाकाय आपु ताह मसी माय एक व्यक्तिगत एक पुरो माणुह बाणावीन बोगवानान सामने उबराखे।

1 थिस्सलुनिक्यो 5:14

एय बाय बोणहा, आमु तुमूह सोमजाड़तेह काय जा माणहे आलह्या हेते ताह सोमजाड़, एने बितऱ्याह ईमोत आपु, कोमजोराह होमालु, आखान सेहेन किरो।

2 थिस्सलुनिक्यो 2:5

जेवी मी तुमू हिऱ्यो ईतो तेवी ज्यी वातु तुमूह कियेल ईतो, तुमूह इर नाह सोती काय?

2 थिस्सलुनिक्यो 3:8

एने आमु कुणीन बी फुकेट रूटो नाह खादा, पुण तुमू माय रेन कुणी पोर बी बार नाय एय केरीन आमु मेहनेत एने केस्ट केरीन रात ने दिह काम दुंदो किरेल।

2 तीमुथीयुस 4:5

पुण तु आखी परीस्थिती माय सोताह ताबाम मेल दुख विस, हाजाली खोबरीन पारचार ने काम केर, एने तारी सेवाह पुरी केर।

इब्रानियो 13:17

तुमरा अगुवान उकुम मानो एने तान ताबाम रिवो, काहाकाय ता तान गेत तुमरा जीवान केरता जाकता रेतेह जाह लेखो आपणे पोड़ी; ता ज्य काम खुसी माय केरती, नाह काय पेल्‍ली हाह ली लेन, काहाकाय ज्यी हाल माय तुमूह काय फायदो नाय एय।

प्रकाशितवाक्य 16:15

“हुमलो! चोर जिहकेरीन आवीह तिहेस केरीन मी उचकाहुच आव लागुह! बोरकेतवाला ता हेते जा वाट जोवती रेतेह, एने तान फाड़का तियार मेलतेह, ताकाय ताह उगड़ा नाय फिरी एने ताह माणहान ओंगाण लाजवाणे नाय पोड़ी!”