प्रेरितान काम 1:15 - खेरलो वचन नोवालो नियम

¹⁵ थोड़ाक दिह्यान पासाण विश्वासी माणहान मिटींग एती, ती टेम माय कोम से कोम एक होव विह माणहे एता, बायाख ने विची माय रेन पतरस उबरीन केणे बाज गीयो,

नाहाली

¹⁵ तान दिहामाय पतरस बायाकामाय जे एक होव वीस माणुह ईतोउबरीन रेयीन, केहू लागिल.

प्रेरितान काम 1:15 ပူးပေါင်းရင်းမြစ်များ

मत्ती 13:31

यीशु ताह उंजु एक किस्सो केयो, “हेरगान राज राईन दाणान गेत हे, एक माणुह ता दाणाह ली जाईन तान खेताम पेरेह।

लुका 22:32

पुण मी तार केरता विन्ता किऱ्यो काय तारो बुरहो कोमजोर नाय एय; एने जेवी तु मार फाय पुशो आवहे, ते तारा बायाख ईमोत आपजे।”

यूहन्ना 14:12

मी तुमूह खेरीच केथु: मार पोर बुरहो केरनारे जा काम मी केरथु, ताह रेन बी मोटला काम किरहो, काहाकाय मी आबाख फाय जाथु।

यूहन्ना 21:23

तानकेरता यीशुन अनुयायी बाहख माय ज्यी वात पोसरी गियी काय ज्यो चेलो नाय मोरी। तीबी तो मोरी नाय इहकेरीन यीशु ताह कियेल नाह ईतो; पुण ज्यो केयो, “मी आवुह ताह वोर तो जीवतालो रेय। ओहली मारी मोरजी रेय ताहार तुवाह ज्यासे काय?”

प्रेरितान काम 10:23

तेवी पतरस ताह गेरा माय हादिन पावणाय किऱ्यो। एने दिहरे दिह पतरस ता हिऱ्यो गीयो; एने याफा हेयरावाला बायाख माय रेन थोड़ाक विश्वासी ता हेऱ्या गीया।

प्रेरितान काम 11:1

ओवता प्रेरित एने विश्वासी बाहख जा यहुदिया माय एता, होमल्या काय बिगेर यहुदि बी बोगवानान वचन मान लियेल हेते।

प्रेरितान काम 11:12

तेवी जीव माहु केयो काय कायच विचार नाह केरता ता हिऱ्यो जा। ओवता ज्या सोव विश्वासी बाहख बी मार हेऱ्या आवा, एने आमु ता कुरनेलीयुस माणहान गेर जायेल।

प्रेरितान काम 11:26

एने जेवी बरनबास शाऊलाह मिलनो ते ताह अन्‍ताकिया माय लावो, एने इहकेरीन एनो काय ता दुयू ताहरी एक वोरीह वोर मोंडली माय ईलीमिलीन जुलूम होवटा माणहाह हिकाड्या, एने चेलाह मसी ज्यो नाव पेल्‍ली वार अन्ताकियाम जुड़नो।

प्रेरितान काम 11:29

तेवी चेला निर्णय केऱ्या काय यहुदिया माय रेणारे विश्वासी बायाख ने मोदेक ने केरता आपुह पुरवाय तोलो दान मोकली।

प्रेरितान काम 12:17

तेवी पतरस ताह आथा केरीन ईसारो किऱ्यो काय ठावका रिवो, एने ताह केयो काय मालीक किहकेरीन माहु जेलीम रेन बाहेर निकलील। एने पोशो पतरस ताह केयो, “याकुब एने बायाख ज्यी आखी वात केय दिज्यो।” तेवी तो गेराम रेन निकलीन दिहरे जागे जात रिनो।

प्रेरितान काम 14:2

पुण बुरहो नाह केरनारे यहुदि बिगेर यहुदि माणहान मोना माय विश्वासी बायाख ने विरोद ईरेचेड़ाया, एने तान मोन माय जेहेर बोर देना।

प्रेरितान काम 15:1

ओवता थोड़ाक माणहे यहुदिया रेन अन्‍ताकिया माय आवीन विश्वासीह हिकाड़ने बाज गीया, “केदी मुसान नेमान गेत तुमरो खेतना नाय एय ताहार तुमरो सुटकारो नाह एय सिकेत।”

प्रेरितान काम 15:3

ओवती मोंडली ताह आदेक वोर पोचाड़ देनी; तेवी ता फीनीके एने सामरीया माय रेन गीया, एने ता ज्यी जाणकारी कितेन गीया काय बिगेर यहुदि माणहे किहीक बोगवाना फाय आवा; ज्यो होमलीन आखा विश्वासी जुलूम खुस एय गीया।

प्रेरितान काम 16:2

तो लुस्रा एने इकुनियुम ने विश्वासी बायाख माय हाजो एदमी ईतो।

प्रेरितान काम 16:40

पौलुस एने सिलास जेली माय रेन निकलीन लुदियान गेर गीया, एने ताहरी विश्वासी बायाख मिलीन ताह उत्साह ने वातु केया, एने जात रेना।

प्रेरितान काम 17:10

विश्वासी बाहख चालोच रातीम रात पौलुस एने सिलासाह बिरीया माय मोकेल देना; एने ता ताहरी पोचीन यहुदिन बोक्ती केरन्या गेरा माय गीया।

प्रेरितान काम 17:14

तेवी विश्वासी बाहख पौलुसाह देरीया निही जाणेन केरता चालोच मोकेल देना, पुण सिलास एने तीमुथीयुस ताहरीच रेय गीया।

प्रेरितान काम 17:6

पुण जेवी ताहरी ताह नाह सापोड़नो, तेवी ता यासोन एने थोड़ाक विश्वासी बायाख गावान आदिकारी फाय गीहलीन ली गीया एने आयड़ीन केणे बाज गीया, “ज्या माणहे आखी जागे तेकलीत पायदा केर दियेल हेते! एने न्या बी आव लागेल हेते,

प्रेरितान काम 18:18

पौलुस जुलूम दिह वोर कुरिंथीयो माय रिनो ओवतो विश्वासी बायाख ने खुबेर लेन डोंडह्या माय बोहीन सीरीया देसाम गीयो एने ता हेऱ्या प्रिस्‍का एने अक्विला ज्या गीया। तान बाद्या एती, केरीन तो किंख्रिया माय तान मुंडान टाली केरायो।

प्रेरितान काम 18:27

जेवी अपुल्लोस ती पार आखाया जाणेन ठेरायो, तेवी इफिसुस ने विश्वासी बाहख तान ईमोत वोड़ाया, एने आखायान विश्वासी ज्यो लेख्यो काय ता ताह हास केरीन मीले; एने तो ताहरी पोचीन जा बोगवानान गीणान द्‍वारे विश्वास किरेल एता, ता माणहान तो जुलूम मोदेक किऱ्यो।

प्रेरितान काम 21:17

जेवी आमु यरूशलेम माय पोचना, ते विश्वासी बाहख जुलूम खुसी माय आमरो स्वागत केऱ्या।

प्रेरितान काम 21:20

ज्यो होमलीन ता बोगवानान बोड़ाय केऱ्या, एने पौलुसाह केया, “एय बाहख, तु ते दिखेह काय यहुदि माय रेन एजार माणहे बुरहो किरेल हेते, ता आखा नेमान बाराम उत्साही रेणारे हेते।

प्रेरितान काम 21:7

तेवी आमु सुर रेन पाण्याम जाणो पुरो केरीन पतुलीमयीस माय पोचना, एने विश्वासी बायाख मिलीन आमु ता हेऱ्या एक दिह रेना।

प्रेरितान काम 22:5

मुखी चाकऱ्या एने आखा डायडाया मी तुमूह खेरी केथु ज्यी वातीन पुरावो हे मी दमिश्‍क माय यहुदि बायाख ने नावा पोर चिट्ठी बी लियेल ईतो। दमिश्‍क माय जाणेन केरता जा माणहे ज्यी वाटे चालतेह ताह बांदिन यरूशलेम माय लेन आवो काय ताह डेंड आपाड़ सेकु।”

प्रेरितान काम 28:14

ताहरी आमुह थोड़ाक विश्वासी बाहख मीलना, ता आमुह हात दिह वोर ता फाय रेणेन केरता विन्ता केऱ्या। इहकेरीन आमु रोम हेयराम आवा।

1 कुरिंथीयो 15:6

उवतो यीशु पाच होवाह रेन बी जादा विश्वासी बाय बोणहा एकठोस देखानो, ता माय रेन जुलूम जाणे एवी वोर जीवताला हेते, पुण थोड़ाक मोर गीयाह।

प्रकाशितवाक्य 11:13

तुलेचबूखी देरती फाटनी, एने हेयरान दाहवो बाग पोड़ गीयो; ती देरती फाटतास हात एजार माणहे मोर गीया। एने बाकी वोचेल माणहे बिय गीया एने बोगवानान बोड़ाय केऱ्या।

प्रकाशितवाक्य 3:4

पुण सरदीस माय तुमरी फाय थोड़ाक माणहे ओहला बी हेते जा तान फाड़काह एठा नाह केऱ्या। ता दोवल्या फाड़का पेरीन मार हेऱ्या फिरती, काहाकाय ता ज्यी लायकीन हेते।