1 तीमुथीयुस 6:19 - खेरलो वचन नोवालो नियम

¹⁹ एने ओंगाण ने केरता एक हाजो पायो बांद मेली काय खेरला जीवणाह काबाम केर लेय।

नाहाली

¹⁹ ओगाण टायमाकेरिन एक हाजो पाया टाकिलो ज्यान मुळे खेरा जीवनाह विसीन लेहु.

1 तीमुथीयुस 6:19 ပူးပေါင်းရင်းမြစ်များ

मत्ती 19:21

यीशु ताह केयो, “केदी तु खिरो बोणने हुदेह ते जा, तारो मालदेन वेचीन गेरब्याह आपदी, एने तुवाह हेरगाम मालदेन जुड़ी; एने आवीन मार पासाण चाल पोड़।”

लुका 12:33

तुमरो मालदेन वेचीन बुखल्याह आप दिवो, तुमरी केरता नोवाली वाहली तियार किरो जी जुनी नाय एणे जुवे, एने हेरगा माय मालदेन टुलो किरो जो गेटेत नाह एने चोरटा बी चोरी नाय केरी एने ओदाय बी नाह लागेत।

लुका 16:25

पुण अब्राहाम केयो, “एय बेटा, एर केर काय तु तारे जीवाय माय मोंज किऱ्यो, पुण लाजर वेला किरेल ईतो। पुण एवी तो न्या हुक हुदेरनोह, एने तु वेला केरने बाजरिनोह।

लुका 16:9

एने यीशु ताह केयो, “अन्याय केरीन दुनियान मालदेन से तुमरे केरता जोड़ीदार बाणाव लिवो, काहाकाय जेवी तो निवरी जाय, ते ता तुमूह जेलेमक्यो खेतेम नाह एणे ता माय लेय लेती।

लुका 18:2

“एक गावा माय नियाव केरनार रेतालो, तो नाह ते बोगवानाह बितालो एने माणहान बी फिकेर नाह केरतालो।

लुका 18:22

ज्य होमलीन यीशु आदिकारीह केयो, “तुवाह एक वात एवी केरनु हे, तारो आखो काय वेचीन गेरब्याह वाट दे; एने तुवाह हेरगा माय मालदेन जुड़ी, एने आवीन मार पासाण चाल।”

गलातीयो 5:6

जेवी मसी यीशु माय एक एतेह, तेवी नाह खेतनान काह काम हे, एने नाह बिगेर खेतनान एणेन; पुण फोक्‍तो बोरहान जो मोंगान द्‍वारा ईथे।

इफिसीयो 3:17

एने बोरहान द्‍वारे मसी तुमरा मोना माय बोही काय तुमू मोंग माय मोजबुत एने पाको एन,

फिलेपियो 3:12

ज्यो मतलब नाह काय मी सापड़ाव लियेल हे, नाहते खेरलो बोण जायेल हे; पुण ती वोस्तुह देरनेन केरता दोवड़ीन जाथु, ज्यानकेरता मसी यीशु माहु दिरेल ईतो।

फिलेपियो 3:14

निसाणीन उगे दोवड़ीन जाथु, काय तो ईनाम सापड़ावु ज्यानकेरता बोगवान माहु मसी यीशु माय उपेर हादेल हे।

1 तीमुथीयुस 6:12

बोरहान एक हाजी दोवेड़; एने ता जेलेमक्या जीवणाह दिरले, जान केरता तुवाह बोगवान हादेल एतो एने मोकतास गोवान सामने हास केरीन मानेल ईतो।

2 तीमुथीयुस 1:1

पौलुस ने उगे रेन मसी यीशु माय जो जेलेमक्यो जीवाय ने वायदो हे, तान बाराम गोसणा केरनेन केरता बोगवानान मोरजीन गेत प्रेरित हे,

2 तीमुथीयुस 2:19

तीबी बोगवान बाणायेल पाको पायो बोणीन रीथे, एने ता पोर सिक्को बी लागाड़ेल हे: “मालीक तान जा माणहे हेते ताह ओलखेह,” एने “जो कुण मालीकान नाव लिथे, तो अन्याय केरने से वोचीन रेय।”

1 पतरस 1:4

काय ता आदिकाराह सापड़ावे जो बोगवाना फाय रेन जुड़ेह, जो खेतेम नाह एणार सोतो, हाजो एने जेलेमक्यो हे तो तुमरी केरता हेरगा माय मीलेल हे;