1 योहान 4:6 - खेरलो वचन नोवालो नियम

⁶ आपु बोगवानान हेते, एने जा माणहे बोगवानाह जाणतेह, ता माणहे आपणी होमेलतेह; एने जा माणहे बोगवानाह नाह जाणते ता माणहे आपणी नाह होमेलते। इहकेरीन आपु खेरायीन जीवाह एने जुठा जीवाह ओलखी लेतेह।

नाहाली

⁶ आमु बोगवानान हेते. जा बोगवानाह ओलखतेहे, तो आमरो होमलथू; जो बोगवानान नाहं ओळखतेह तो आमरा नाहं होंबलेह. ज्याह प्रकारे आमु सत्यान आत्मा एने भ्रमान आत्माह ओलखी लेणे.

1 योहान 4:6 ပူးပေါင်းရင်းမြစ်များ

लुका 10:22

मारो आबोख माहु आखोच होप दियेल हे, एने कुणीच नाह जाणेत काय बिटोख कुण हे, आबोख उलोस जाणेह, एने आबोख कुण हे ज्य बी कुण नाह जाणेत, पुण बिटोख उलोस जाह देखाड़ेल हे, तोच जाणेह।

यूहन्ना 10:16

मारा दिहरा उंजु बी मेंड्रा हेते, ता ज्या कोठामवाला नाह सोता। पुण माहु ताह बी लावणे जोरवरी हे; काय ता मार बोली होमेलती, तेवी तान एकुस टुलो एने एकुस गोवाल रेय।

यूहन्ना 10:27

मारा मेंड्रा मारो आवाज होमेलतेह; मी ताह जाणथु, एने ता मार पासाण पासाण चालतेह।

यूहन्ना 10:3

तानकेरता बायणान राखवाल्यो बायणो उगाड़ दिथे, एने मेंड्रा तान आवाज होमेलतेह, तो तान मेंड्राह नाव लेन हादेह, एने ताह बाहेर ली जाथे।

यूहन्ना 13:20

मी तुमूह खेरीच केथु: “जो मार मोकेलनाराह स्वीकार किरेह तो माहु स्वीकारेह; एने जो माहु स्वीकारेह तो मार मोकेलनाराह स्वीकारेह।”

यूहन्ना 14:17

तो जीव जो बोगवानान खेरायीह देखाड़ीह। दुनिया ताह स्वीकार नाह किरेत, काहाकाय ता ताह नाह देख सेकते, एने नाह ताह जाणेल हेते। पुण तुमू ताह जाणतेह, काहाकाय तो तुमरी हिऱ्यो रीथे एने तुमरी माय हे।

यूहन्ना 15:26

पुण जेवी तो मोदेक केरनार आवी, जाह मी तुमरी फाय आबाख फाय रेन मोकलुह, मतलब खेरायीन जीव जो आबाख फाय रेन निकलेह, ते तो मारी गोवाय देय;

यूहन्ना 16:13

पुण जेवी जीव आवी, जो बोगवानान खेरायीह देखाड़ीह, तो तुमूह खेरायीन वाटी पोर ली जाय। काहाकाय तो तान खुद ने आदिकार से नाय केय, पुण जो काय होमली तोस केय, एने एणार्‍यु वातु तुमूह केय।

यूहन्ना 18:37

पिलातुस यीशुह फुशो, “ते काय तु राजा हे?” यीशु जापाप आप्यो, “तु ठिख किथे काय मी राजा हे। मारो जेल्मो लेणेन कारेण ज्योस हे काय मी दुनिया माय खेरायीन बाराम गोवाय देव। जो कुण बी खेरायी हेऱ्यो समंद मिलेह, तो मारो होमलेह।”

यूहन्ना 20:21

यीशु पुशो ताह केयो, “तुमूह सान्ती जुड़ी, जिहकेरीन आबोख माहु मुकलेल हे। तिहेच केरीन मी बी तुमूह मोकेलथु।”

यूहन्ना 8:19

ता यीशुह केया, “तारो आबोख काहरी हे?” यीशु जापाप आप्यो, “नाह तुमू माहु ओलेखते, एने नाह मार आबाख ओलेखते, केदी तुमू माहु ओलेखता ते मारा आबाख बी ओलेखता।”

यूहन्ना 8:23

यीशु ताह केयो, “तुमू नेचाला हेते, मी उपेर वालो हे, तुमू दुनियान हेते। पुण मी दुनियान नाह सोतो।

रोमीयो 1:1

पौलुसान उगे रेन जो मालीक यीशु मसीन पावोर हे, जाह बोगवान प्रेरित बोणनेन केरता हादाय जायेल हे, काहाकाय बोगवानान ती हाजाली खोबरीन पारचारान केरता आंगे केरायेल हे।

रोमीयो 11:8

जिहकेरीन लिखेल हे, “बोगवान तान मोनाह आजीन दिह वोर बारी निंद माय टाक मीलेल हे, देखाय नाय ओहला डोला, एने होमलाय नाय ओहला कान आप्यो।”

1 कुरिंथीयो 14:37

केदी एगदो माणुह सोताह बोगवानान उगे रेन आवणेवाली खुबेर जाणकार एने आत्मिक जाण सुमजेह, ताहार ज्यो जाण लेय काय जी वात मी तुमूह लेखथु, तो मालीकान उकुम हे।

2 कुरिंथीयो 10:7

तुमू तीच वातुह दिखो, जी डोलान सामने हे। केदी एगदाह खुद पोर बुरहो एय काय मी मसीन हे, ते तो ज्य बी जाण लेय काय जिहकेरीन तो मसीन हे, तिहेस केरीन आमु बी हेते।

2 थिस्सलुनिक्यो 1:8

एने जा बोगवानाह नाह ओलेखते एने आपणा मालीक यीशुन हाजाली खोबरीह नाह मानते, ताह डेंड आपी।

1 तीमुथीयुस 4:1

चोखालो जीव साप साप किथे काय ओंगाणल्या काला माय बोटकाड़नार खाराब जीवान हिकवोण पोर मोन लागाड़ीन थोड़ाक माणहे बोरहाम रेन बोटेक जाती।

2 पतरस 3:2

काय तुमू ता वचनाह जा चोखाला बोगवानान जाणकार पेलुस रेन कियेल हेते, मालीक एने सोड़ेवणारान ता उकुमाह एर किरो जो तुमरा प्रेरितान द्‍वारा आपायेल ईतो।

1 योहान 4:1

एय मोंगाल्ला, एक एक जीवा पोर बुरहो मा किरहो, पुण ता जीव बोगवानान उगे रेन हेते काय नाह तान पारेख किरज्‍यो; काहाकाय मोकतास जुठा जाणकार दुनिया माय फिरने बाजरेनाह।

1 योहान 4:4

एय मारा सोरा, तुमू बोगवानान हेते, एने जुठा जाणकाराह तुमू जिक लियेल हेते; काहाकाय जो बोगवान तुमू माय हे ताह रेन मुठो हे जो दुनिया माय हे।

1 योहान 4:8

जो कुण मोंग नाह किरेत तो बोगवानाह नाह ओलखेत, काहाकाय बोगवान मोंग हे।

1 योहान 5:19

आपु बोगवाना फाय रेन हेते ज्यो एवी आपु जाणतेह, एने आखी दुनिया ता खाराबान काबाम पोड़ रेनीह।

यहुदा 1:17

पुण एय मोंगाल्ला, ती वातुह तुमू एर मीलो जा आमरा मालीक यीशु मसीन प्रेरित पेलुच केय दियेल हेते।