1 योहान 3:5 - खेरलो वचन नोवालो नियम

⁵ एवी तुमू ज्यो जाणतेह काय तो ज्यानकेरता आवो काय पापाह उखलीन ली जाय; एने ता माय कायच बी पाप नाह सोतो।

नाहाली

⁵ तुमूह मालूम हि कि ते तान केरता प्रगट एनो कि पाप हरिन केरावी; एने तान स्वभावोम पाप नाहं सोतो.

1 योहान 3:5 ပူးပေါင်းရင်းမြစ်များ

मत्ती 1:21

ती एक सोराह जेल्मो देय, एने तु तान नाव यीशु मिलजे, काहाकाय तो आपणा माणहान तान पापाम रेन वोचाड़ी।”

लुका 23:41

आपु ते आपणा नियाव ने गेत डेंड बोगेतणे बाजरेनाह, काहाकाय आपु आपणा कामान गेत तोहलो फोल सापड़ाव रेनाह; पुण ज्यो ते काल्लो गेलेत काम नाह किरेल सुतो।”

लुका 23:47

ज्य आखो देखीन सिपायड़ान मुखी, बोगवानान बोड़ाय केरीन केयो, “खेरीच ज्यो माणुह देरमी ईतो।”

यूहन्ना 1:29

दिहरे दिह बपतीस्मा केरनार योहान यीशुह तान उगे आवतालो देखीन केयो, “दिखो, ज्य बोगवानान गीदल्यो हे, जो दुनियान पाप उखलीन ली जाथे।

यूहन्ना 1:31

माहु मालुम नाह एतो काय तो कुण हे, पुण मी पाण्या केरीन बपतीस्मा ज्यानकेरता केरतीन आवोह काय इस्राएल ने माणहे ताह जाण लेती।”

यूहन्ना 14:30

मी एवी तुमरी हिऱ्यो उंजु जादा वात नाय केरू, काहाकाय ज्यी दुनिया पोर राज केरनार आवीह। मार पोर तान काय आदिकार नाह।

यूहन्ना 8:46

तुमू माय रेन कुण माहु पापी ठेरावेह? मी खेरीच केथु, तीबी मार पोर बुरहो काहा नाह केरते?

2 कुरिंथीयो 5:21

जा पापाह रेन एंजाणल्या एता, ताहाच तो आमरे केरता पाप ठेरायेल काय आमु ता माय एन बोगवानान ओंगाण देरमी बोण जाती।

1 तीमुथीयुस 1:15

ज्यी वात खेरीच एने आखी बातीन माणनेन बाराबोर हे काय मसी यीशु पापी माणहान सुटकारो केरनेन केरता दुनिया माय आयेल, एने ता माय रेन आखा पापीह रेन बी खाराब पापी मी हे,

1 तीमुथीयुस 3:16

ज्या माय संका नाह सोतो काय बोक्‍तीन मालमात ते मोठो हे; तो सेरीर माय एन आवो, चोखाला जीवा माय देरमी ठेरानो, हेरोगदुताह देखानो, एने दिहरा देसा माय तान पारचार एनो, दुनिया माय ता पोर बुरहो केराय गीयो, एने बोड़ाय माय हेरगाम उखलाय गीयो।

तीतुस 2:14

जो सोताह आपणे केरता आप दियेल काय आपुह आखी बातीन खाराब माय रेन सोड़वे, एने आपुह तास ने चोखाला माणहे बाणावी हाजाला कामान केरता, केरीन कायेम तियार रिवो।

इब्रानियो 1:3

तो बोगवान बोड़ाय ने उजेड़ एने तान वेहान साप रूप हे, तोच आख्‍यु वोस्तुह तान ताकेतीन वचना केरीन होमालने। जेवी तो आपुह आपणा पापाम रेन दोव दियेल ईतो, ते तो मोटली बोड़ाय पोर बुहेल बोगवानान जीवड़े उगी बोह गीयो।

इब्रानियो 4:15

काहाकाय आपणो उहलो मुखी चाकर्‍यो नाह सुतो जो आपणी कोमजोरी माय आपु हिऱ्यो दुखी नाय एय सिके, पुण तो आखी वातु माय आमरे गेत पारखाय ते जायेल, तीबी विण पाप निकेलनु।

इब्रानियो 7:26

उहलोस मुखी चाकर्‍यो आपणी गिरेज पुरी केर सेकी, जो चोखालो, विणदोसी, एने जा माय काय पाप नाह सुतो, एने पापीह रेन आंगे किरेल हे, एने हेरगाह रेन बी उचो विसायेल हे।

इब्रानियो 9:26

नाहते दुनियान सुरवाती रेन ताह जाहार ताहार दुख उखेलने पोड़तो; पुण एवीन कालान सेवली बुखेत तो एकुस वार देखायेल काहाकाय आपणास बोलीदानान द्‍वारे पापाह सिटो केर दे।

इब्रानियो 9:28

जिहकेरीन मसी बी मोकतास ने पापाह उखेलनेन केरता एक वार बोली ईयेल; एने जा माणहे तान वाट जोवतेह तान सुटकारान केरता दिहरे वार बिगेर पाप उखलेल देखाय जाय।

1 पतरस 1:18

काहाकाय तुमू जाणतेह काय तुमरो खाराब बोलनो चालनो जो डायडाया रेन चालते आवणे बाजरेनोह, ताकेरीन तुमरो सुटकारो होना चांदी मतलब खेतेम एणार चिजीन द्‍वारा नाह एनो;

1 पतरस 1:20

बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो।

1 पतरस 2:22

तो पाप नाह किऱ्यो, एने तान मुयाम रेन कोपेट ने काल्ली वात नाह निकेलनी।

1 पतरस 2:24

यीशु खुद आपणा पापाह तान सेरीर पोर लेएन खुरूसखाम पोर चेड़ गीयो, ज्यानकेरता काय आपणा पापान केरता मोरी एने नियाव केरनारान केरता जीवे: तान मार खाणे से तुमू हुदरी जायेल हेते।

1 पतरस 3:18

ज्यानकेरता मसी बी आखा पापान केरता एकुस वार मुरेल काय आपुह बोगवानान आहने खेरला बोणावीन पोचाड़ी एने तो सेरीरा केरीन ते माराय गीयो, पुण जीवा माय जीवाड़ाय गीयो।

1 योहान 1:2

तो जीवाय आमुह देखानो, एने ताह आमु देख्या, एने तान गोवाय देतेह; एने ता जेलेमक्या जीवणान खुबेर तुमूह आपतेह तो आबाख हेऱ्यो एतो एने एवी आमरी विचीम आवो।

1 योहान 1:7

पुण तो जिहकेरीन उजाला माय हे, केदी आपु बी तिहेस केरीन उजाला माय चालहु, ते आपणी एका दिहरा हेऱ्यी मेल एय जाथे, एने तान बिटोख जो यीशु हे तान लुय आपणा आखा पापा माय रेन चोखो किरेह।

1 योहान 2:1

एय मारा सोरा, तुमू पाप नाय केरने जुवे केरीन मी ज्यो तुमूह लेखथु; एने केदी एगदो पाप केरी, ते आबाख फाय आपणो एक मोदेक केरनार हे, मतलब सिदो यीशु मसी।

1 योहान 2:2

एने तोस आपणा पापाह माफ किरेह, एने आपणा ओलाच नाह पुण आखी दुनियान माणहान पापाह बी माफ किरेह।

1 योहान 2:29

तो सिदो हे ज्यो तुमू एवी जाणतेह, ते जो कुण खेरला काम किरेह, तो बोगवाना फाय रेन पायदा एनोह।

1 योहान 3:8

जा माणहे पाप केरतेह ता सैतानान उगे रेन हेते, काहाकाय सैतान सुरवाती रेन पाप केरती आयेल हे। एने सैतानान कामाह खेतेम केरनेन केरता बोगवानान बिटोख आयेल।

प्रकाशितवाक्य 1:5

एने मसी यीशुन उगे रेन, जो खीरलो गोवाह हे, एने मुरेल माय रेन जीव उठणार पिल्लो एने देरतीन राजान आदिकारी हे। तुमूह गीण एने सान्ती जुड़ी। तो आपुह मोंग किरेह एने तो तान लुय केरीन आपणा पापा माय रेन आपुह सोड़व्यो।