1 कुरिंथीयो 9:26 - खेरलो वचन नोवालो नियम

²⁶ तानकेरता मी बिगेर निसाणीन नाह दोवेड़थु, एने नाह वारा माय दुमा देथु।

नाहाली

²⁶ तामुळे मी पुण ता प्रकारे दोवडणे; जे लक्ष्य एक हि, मी पुण ज्योच प्रकारे माणहान जुलाते लेडाणे पुण वारामाय त्यासारखो नाहं.

1 कुरिंथीयो 9:26 ပူးပေါင်းရင်းမြစ်များ

मत्ती 11:12

योहान बपतीस्मा केरनारान टेम रेन एवी वोर हेरगान राज माय जोरलेन रिगणो एतेन आयेल हे, एने ताकेतवाला ताह सांडाड़ लेतेह।

लुका 13:24

यीशु ताह केयो, “हाकड़ा बायणाम जाणेन कोसीत किरो, काहाकाय मी तुमूह केथु काय जुलूम जाणे रिगणेन कोसीत केरती, एने ता रिग नाय सेकती।

1 कुरिंथीयो 14:9

इहीचकेरीन तुमू बी केदी जिबी केरीन साप साप वातु नाय किहो, ते जो काय केवाथे, ताह माणहे किहीक सोमेजती? तुमू ते वारा हेऱ्या वातु केरनारे ठेराहो।

2 कुरिंथीयो 5:1

काहाकाय आमु जाणतेह काय देरतीन आवाल्या थोड़ीक वार ने केरता हेत्यु, जो आमरो सेरीर हे पाड़ाय जाय, एने आमुह बोगवाना उगे रेन हेरगा माय एक ओहलो सेरीर जुड़ी जो आथा केरीन बाणायेल गेर नाह, पुण जेलेमक्योस हे।

2 कुरिंथीयो 5:8

तानकेरता आमु ईमोत बांदिन रेतेह, एने सेरीराह रेन आंगे एन बोगवाना हेऱ्यो हेरगावाला गेराम रेणे जुलूम हाजो सोमेजतेह।

गलातीयो 2:2

बोगवानान मारो जाणो बोगवानान गेत एनो, एने जी हाजाली खुबेर मी बिगेर यहुदि माय पारचार केरथु, तीह मी ताह केय दिनो, पुण कुवालोच ताह जा मोटला सोमजाय जाताला, काहाकाय इही नाय एय काय मारी ज्यी टेमीन नाहते पासाणली दोवेड़ फालतुक ठेराय।

इफिसीयो 6:12

काहाकाय आपणी लेड़ाय लुय एने माहा हेऱ्यो नाह सोती, पुण हेरगान मुखी हेऱ्यी एने आदिकारी हेऱ्यी एने ज्यी दुनियान आंदारान ताकेत हेऱ्यी, एने ता खाराबान आत्मिक सेना हेऱ्यी हे, जा जुगाम हेते।

फिलेपियो 1:21

काहाकाय जीवाय ज्यी काय हे? मार केरता जीवाय मसी हे। एने मोत मार केरता फायदो हे।

कुलुसी 1:29

एने ज्याह पुरो केरनेन केरता मी मसीन मोटली ताकेत जी माहु जुड़ेह एने जी मार माय काम किरेह तीन वापेर केरती लेन मी केठीण मेहनेत एने संगर्ष केरथु।

2 तीमुथीयुस 1:12

ज्यानकेरता ज्यो दुख मी वेठथु, तीबी लाजवात नाह, काहाकाय मी जा पोर बुरहो किरेल हे, ताह मी जाणथो; एने माहु बुरहो हे काय तो मार ईसाह ते दिह वोर राखवाली केर सिकेह।

2 तीमुथीयुस 2:5

एने केदी दोवेड़नार नेमान गेत नाय दोवड़ी ताहार ताह ईनाम नाय जुड़ी।

2 तीमुथीयुस 4:7

मी हाजी दोवोड़ दोवेड़ लीदोह, मारो दोवड़नो मी पुरो केर लियेल हे, एने बोरहान राखवाली मी किरेल हे।

इब्रानियो 12:1

ज्यानकेरीन जेवी काय गोवाय देणारान ओहलो मुठलो वादलो आपु कोंड रेनोह, ते आवो, एकेक रोकणार वोस्तु एने फासाड़नार पापाह सेटो केरीन, ती दुवेड़ जी माय आपुह दोवेड़नो हे, दिर केरीन दोवेड़ता,

इब्रानियो 4:1

जेवी आराम माय रिगणेन वायदो एवी वोर हे, ते आपुह बिणे जुवे, ओहलो नाय एय काय तुमरे माय रेन कुण बी ताह रेन एंजाणल्यो रेय जाय।

1 पतरस 5:1

तुमरे माय जा डावाला हेते, मी तान गेत डावालो एने मसीन दुखान गोवा हे। एने आवणार बोड़ाय माय बेचकाएन ताह ज्यो सोमजाड़थो,

2 पतरस 1:10

तानकेरता एय बाय बोणहा, तुमरी हादावणीन एने तुमरी निवोड़ मोजबुत केरनेन उंजु जादा कोसीत केरती जावो, काहाकाय केदी इहकेरीन किरहो ताहार केदी बी ठोकेर नाय खाहो।