1 कुरिंथीयो 4:4 - खेरलो वचन नोवालो नियम

⁴ काहाकाय मारो मोन माहु काल्लीस वातु माय दोसी नाह ठेराणे, पुण ज्या माय मी बिगेर दोसी नाह ठेरात काहाकाय मार पारेख केरनार मार मालीक हे।

नाहाली

⁴ काहाकाय मारा मोन माहु काल्लोबी वातून दोषी ठेरावीन नाहं, पुण यान मी निर्दोष ठेरावीन नाहं काहाकाय माहु चौकशी केरणार प्रभु हि,

1 कुरिंथीयो 4:4 ပူးပေါင်းရင်းမြစ်များ

यूहन्ना 21:17

यीशु तिसरी वार पुशो पतरसाह केयो, “एय शिमोन योहानान बेटाख, काय तु माहु मोंग किरेह?” तेवी पतरस दुखी एय गीयो काहाकाय यीशु तिसरी वार ताह इहकेरीन फुशो, “काय तु माहु मोंग किरेह?” तेवी पतरस यीशुह केयो, “एय मालीक, तु आखो जाणेह; तु ज्यो बी जाणेह काय मी तुवाह मोंग केरथु!” यीशु ताह केयो, “मारा मेंड्राह चार।”

प्रेरितान काम 23:1

पौलुस मोटला पोंचान उगे एक नेजेर टाकीन देखीन केयो, “एय इस्राएली बाहख! मी आज वोर बोगवानान केरता बिलकुर हाजा मोना केरीन जीवाय जियेल हे।”

रोमीयो 2:13

काहाकाय बोगवानान सामने नेमाह होमेलनारे देरमी नाह, पुण नेमान पालेन केरनारे देरमी ठेराय जाती।

रोमीयो 4:2

काहाकाय केदी अब्राहाम कामा द्‍वारे देरमी ठेराय जातो, ताहार ताह गोमेंड केरनेन काह बाहानो रेतो, पुण बोगवानान नेजरीम नाह।

1 कुरिंथीयो 4:3

पुण मार नेजरी माय ज्यी जुलूम आत्यी वात हे, काय तुमू नाहते माणहान ईखेह कोरटा माय ली जाईन माणुह पारखी, पुण मी सोता माहुस नाह पारेखणे।

1 कुरिंथीयो 4:5

तानकेरता जाह वोर मालीक नाह आवीत, टेमाह रेन पेल काल्लीस वातीन नियाव मा किरहो, तोस आदारा माय लीकेल वातु उजाला माय देखाड़ी, एने मोनान मतने वातु देखाड़ी, तेवी बोगवानान उगे रेन एकेकान बोड़ाय एय।

2 कुरिंथीयो 1:12

काहाकाय आमु आमरा मोनान ज्यी गोवाय पोर मोठाय केरतेह, काय दुनिया माय एने खास केरीन तुमरी विचीम; आमरो सोबाव बोगवानाह पोटी ओहलो चोखालो एने खेरायी माय एतो, जो सेरीरान इकेल केरीन नाह पुण बोगवानान गीणी हेऱ्यो एतो।

2 कुरिंथीयो 5:10

काहाकाय जोरवरी हे काय आपणो आखान हाल मसीन नियाव केरनेन जागे तान ओंगाण उगड़ी जाय। काय एकेक माणहान जान तान हाजा बाकता कामान बुदलो जा तान सेरीरान द्‍वारे किरेल हेते, ताह जुड़ी।