1 कुरिंथीयो 2:1 - खेरलो वचन नोवालो नियम

¹ एय बाय बोणहा, जेवी मी बोगवानान मालमात होमलाव तीन तुमू फाय आवुह, तेवी बोल नाहते इकेल हाजाला हिऱ्यो नाह आवो।

नाहाली

¹ हे बायहो, जेवी मी बोगवानान वचन केतेन तुमरेहे-यो आवो, ते शब्द एने ज्ञान से नाहा आवो.

1 कुरिंथीयो 2:1 ပူးပေါင်းရင်းမြစ်များ

प्रेरितान काम 20:21

पुण पापा माय रेन मोन फिरावीन बोगवानान उगे वोलो, एने आपणा मालीक यीशु मसी पोर बुरहो केरने ज्यान बाराम यहुदि एने बिगेर यहुदि न्याह मी गोवाय देतालो।

प्रेरितान काम 22:18

एने मी ताह दिख्यो काय मालीक माहु काय किथे, “उतवाल्युह यरूशलेम रेन निकेल जा, काहाकाय ता माणहे मार बाराम तारी गोवाय नाय मानती।”

रोमीयो 16:18

काहाकाय ओहला माणहे आपणा मालीक मसीन नाह, पुण सोतान पेटान सेवा केरतेह; एने मोट मोठ्यु वातु से सीदा सादा मोनान माणहाह बोटकाव देतेह।

रोमीयो 16:25

ता बोगवानान बोड़ाय एय जो ता बोरहान गेत तुमूह मारी हाजाली खुबेर मतलब यीशु मसीन हिकवोणीन पारचारान गेत स्थिर केर सिकेह, ता बेदान उजालान गेत जो जेलेमक्योस लिकायेल ईतो।

1 कुरिंथीयो 1:17

काहाकाय मसी माहु बपतीस्मा केरनेन नाह, पुण हाजाली खुबेर होमलावणे मुकलेल हे, ज्यी खुबेर माणहान एकेलीन गेत होमलावणेन नाह, तान केरता काय मसीन खुरूसखाम पोर मोरनेन ताकेत फालतुक नाय खोवाय।

1 कुरिंथीयो 1:6

काय आमरी खुबेर यीशु मसीन बारा माय तुमू माय मोजबुत निकेलनी।

1 कुरिंथीयो 2:13

जाह आपु माणहान हिकाड़ेल एकेलीन वातु माय नाह, पुण बोगवानान जीवान हिकाड़ेल वातु जा माय बोगवानान जीव हे ताह आमु आत्मिक वातु होमलावतेह।

1 कुरिंथीयो 2:4

मार वचन एने मार पारचार माय एकेलीन लालचावणेन वातु नाह, पुण बोगवानान जीवान ताकेतीन पुरावो ईतो।

1 कुरिंथीयो 2:7

पुण आमु बोगवानान तो लिकायेल इकेल, मालमात ने रिती पोर केतेह, जाह बोगवान केल बाणावणेन पेलुच रेन आमरी बोड़ाय ने केरता निवाड़ेल हे।

2 कुरिंथीयो 10:10

काहाकाय ता केतेह, “तान पोत्री ते ओलवी एने कमजोर हे; पुण जेवी तो सामने रिथे, ते तो सेरीराम कमजोर एने तान वचन फालतुक मालुम पुड़ेह!”

2 कुरिंथीयो 11:6

मी बोलने माय एनाड़ी हे, तीबी इकेल माय नाह। आमु ज्यु एकेक वातु माय आखी बातीम तुमरी केरता केरीन देखाड़ेल हेते।

2 थिस्सलुनिक्यो 1:10

ज्यो ते दिह एय, जेवी यीशु तान चोखाला माणहाम बोड़ाय होदणे एने आखा बुरहो केरनाराम बोंगलाणेन कारीन एणेन केरता आवी। एने तुमू बी ता माय बाग लिहो; काहाकाय आमरी गोवाही पोर तुमू बुरहो किरेल एता।

1 तीमुथीयुस 1:11

ज्योस बोरकेतवाला बोगवानान बोड़ाय ने ती हाजाली खोबरीन गेत हे, जो माहु होपेल हे।

2 तीमुथीयुस 1:8

तानकेरता आमरा मालीकान हाजाली खोबरीन गोवाय केरीन, एने माहु रेन जो मसीन केयदी हे लाजवाहे मा, पुण ती ताकेत जी बोगवान तुवाह आपेल हे, तान गेत मार हिऱ्यो दुख उखलीन।

1 योहान 4:14

आमु देख बी लियेल एने गोवाही देतेह काय आबोख सोराह दुनियान सुटकारो केरनेन केरीन मोकलेल हे।

प्रकाशितवाक्य 1:2

योहान बोगवानान वचन एने मसी यीशुन गोवाही। मतलब जो काय तो दिखेल ईतो तान गोवाय दिनो।

प्रकाशितवाक्य 1:9

मी योहान, तुमरो बाहख यीशु मसीन कारेण दुख एने राज एने दिर माय तुमरी हिऱ्यो बागीदार हे। मी पतमुस नावान टापु माय बोगवानान वचन एने यीशुन गोवाय केणेन कारेण बोंदी ईतो।

प्रकाशितवाक्य 19:10

तेवी मी तान आरादना केरनेन केरता तान पाया हिऱ्यो पोड़ गीयो। पुण तो माहु केयो, “देख, इहकेरीन मा केरी, मी तार गेत एने दिहरा बुरहो केरनारान गेत एक पावोर हे, ता आखा यीशु देखाड़ेल खेरायीह देर रेनाह। बोगवानान आरादना किर!” काहाकाय जो खेराय यीशु देखाड़ेल हे तो जाणकाराह खुस किरेह।