1 कुरिंथीयो 14:3 - खेरलो वचन नोवालो नियम

³ पुण जा बोगवानान उगे रेन जाणाव केरतेह, आत्मिक उन्नती दिलासो एने दिर ने केरता माणहाह संबोदित किरेह।

नाहाली

³ पुण तो ज्याह बोगवाना फायरीन बोलणेन वरदान जुडील हि, तो माणहाह आत्मा माय, मजबूत, उत्तेजन, एने शान्ति पोचाडीने बोलीह हि.

1 कुरिंथीयो 14:3 ပူးပေါင်းရင်းမြစ်များ

लुका 3:18

इहीचकेरीन केरीन योहान जुलूम हिकवोण आपीन माणहाह हाजाली खुबेर होमलावते रिनो।

प्रेरितान काम 13:15

मुसान नेम एने जाणाव केरनारान पुस्तेक माय रेन वाचणेन पासाण यहुदिन बोक्ती केरन्या गेरान आदिकारी ता फाय केय मोकल्या, “एय बाहख, आमु ज्यो होदतेह काय केदी तुमरी फाय माणहाह उत्साह केरनेन केरता काह वात एय ते किवो।”

प्रेरितान काम 14:22

एने विश्वासीन मोनाह मोजबुत किरते रेना, एने ज्यो उत्साह किरते रेना काय बोरहान खेरायी माय टिकीन रिवो। एने ज्यो हिकवोण आपताला, “आमुह मोटलो दुख वेठीन बोगवानान राज माय रिगणे पोड़ी।”

प्रेरितान काम 15:32

यहुदा एने सिलास ज्या खुद जाणाव केरनार एता, केरीन ता जुलूम वातु से विश्वासीह हिकवोण आप्या, एने दिलासो आपीन मोजबुत केऱ्या।

प्रेरितान काम 4:36

युसूफ नावान साइप्रसान एक लेवी ईतो जान नाव प्रेरित न्या बरनबास मतलब उत्साह आपणार मीलेल एता।

प्रेरितान काम 9:31

इहकेरीन आखा यहुदिया, एने गेलील एने सामरीया माय मोंडलीह सान्ती जुड़नी। एने तान उन्नती एते गियी, एने ती मालीकान बिय एने चोखाला जीवान उत्साह माय चालते एने वोदते गियी।

रोमीयो 12:8

जो पारचार केरनार एय, तो पारचार केरने माय लागेल रेय; दान आपणार उत्साह से आपी; आदिकारी तान काम खुसी से केरी; जाह किव केरनेन दान हे तो खुसी से केरी।

रोमीयो 14:19

तानकेरता आपु त्यु वातु माय कायेम लागेल रिज्यो जा माय मेल एने एका दिहरान उन्नती एय।

रोमीयो 15:2

आपणे माय रेन एकेक जाण आपणा आहेंल्याह तान बोलाय ने केरता खुस केरी काय तान बोरहा माय उन्नती एय।

1 कुरिंथीयो 10:23

थोड़ाक माणहे केतेह, “आखी वातु केरनेन सुट हे।” एने दिहरा माणहे केतेह, “आखो काय केरनेन हाजो हे।” पुण सोब वोस्तु माय वोड़ती नाह एणे।

1 कुरिंथीयो 14:12

तानकेरीन तुमू बी जुलबुखे आत्मिक वरदानान दुंदी माय रिहो, ते ओहली कोसीत किरो काय जीवान ता वरदानान द्‍वारे मोंडलीन वोड़ती एय।

1 कुरिंथीयो 14:17

तु ते हास केरीन उपकार मानीह, पुण दिहरान वोड़ती नाह एत।

1 कुरिंथीयो 14:26

तानकेरता एय बाय बोणहा काय केरने जुवे? जुलबुखे तुमू एकठा एतेह, तुलबूखे एकेकान मोना माय गीत, एने पारचार, एने एंजाणल्ली बाषा, एने उजेड़, एने एंजाणल्ली बाषान मतलब केणेन रेणे आखो काय आत्मिक वोड़तीन केरतास एणे जुवे।

1 कुरिंथीयो 14:31

काहाकाय तुमू आखा एक एक केरीन बोगवाना उखीर रेन आयेल जाणाव ने पारचार केर सेकतेह, काहाकाय आखा हिके एने आखाह दिलासो जुड़ सेकी।

1 कुरिंथीयो 8:1

एवी मुरतीन ओंगाण चेड़ायेल खाणान बाराम आपु जाणतेह काय आपु आखाह इकेल हे, मोठवाय पायदा केरने पुण मोंग केरीन वोड़ती ईथे।

2 कुरिंथीयो 1:4

तो आमरे आखा संकटाम आमुह दिलासो आपेह, एने आमु ता दिलासान कारेण जो बोगवान आमुह आपेह, ता माणहाह बी दिलासो आप सेकी जा काल्ली बी बातीन संकटाम एती।

2 कुरिंथीयो 2:7

तानकेरता ज्यो हाजो हे काय तुमू तान गुनाह माफ किरो, एने ताह दिलासो आपु, ओहलो नाय एणे जुवे काय ओहलो माणुह दुखा माय बुड़ जाय।

इफिसीयो 4:29

तुमरा मुयाम रेन हानिकारक खाराब वात नाय निकले, पुण जो हाजो रेय जी हाजी हे, एने आखान फायदान केरता एय, काय होमेलनारान जीवणाम गीण लावी।

इफिसीयो 6:22

ताह मी ज्यानकेरता तुमू फाय मोकलेल काय तुमू आमरी खुसीह जाणे, एने तो तुमरा मोनाह उत्साहित केरी।

कुलुसी 4:8

ताह मी ज्यानकेरता तुमरी फाय मोकलेल हे, काय तुमूह आमरी देशा मालुम एय जाय एने तो तुमरा मोनाह उत्साहित केरी।

1 थिस्सलुनिक्यो 2:11

तुमू जाणतेह काय आमु तुमरी हेऱ्या तिहेकेरीन वेवार केरतेह, जिहकेरीन आबोख तान सोरा हेऱ्यो वेवारो किरेह, एने तिहेस केरीन आमु बी तुमू माय रेन आखाह हिकाड़तेन।

1 थिस्सलुनिक्यो 2:3

काहाकाय आमरो हिकवोण खाराब विचारा माय एने उशारी माय नाह एतो;

1 थिस्सलुनिक्यो 3:2

एने आमु तीमुथीयुसाह, जो मसीन हाजाली खुबेर माय आमरो बाहख एने बोगवानान सेवक हे, ज्यानकेरता मुकलेल काय तुमूह मोजबुत केरी एने तुमरा बोरहान बाराम सोमजाड़ी।

1 थिस्सलुनिक्यो 4:1

तान केरता एय बाय बोणहा, आमु तुमूह विन्ता केरतेह एने मालीक यीशु माय सोमजाड़तेह काय तुमूह कोहली चाल चालीन बोगवानाह खुस केरने जुवे, एने ज्यो तुमू आमु फाय रेन हिकेल हेते, एने तुमू ताज ने गेत वागतेह, एने ताज माय वोड़ती जावु।

1 थिस्सलुनिक्यो 4:18

केरीन ज्यी वातु माय एका दिहराह दिलासो आप्या किरो।

2 थिस्सलुनिक्यो 3:12

ओहला माणहाह आमु मालीक यीशु मसी माय उकुम आपतेह एने सोमजाड़तेह, काय हास केरीन जीवाय जिवी एने काम काज केरीन रूटो खाया केरी।

1 तीमुथीयुस 1:4

ताह तुमू इहकेरीन किवो काय जुठी वार्ता एने जेलेम ने वंसावली पोर मोन नाय लागाड़े, जाकेरीन बोलाचाल एतेह एने बोगवानान ती योजनान गेत नाह, जो बोरहा पोर आदारीत हे।

1 तीमुथीयुस 4:13

जाह वोर मी नाय आवो, ताह वोर चोखाली पुस्तेक वाचीन होमलाड़नेन, एने पारचार किरते एने हिकाड़ने माय खुस रे।

1 तीमुथीयुस 6:2

एने जान मालीक बुरहो केरनार हे ताह ता बाहख हे केरीन तान ईजुत उड़ावणे नाय जुवे, पुण तान होवटीह सेवा चाकरी केरी, काहाकाय जा तान फायदो उखेलतेह ता बुरहो केरनारे एने मोंगाल्ला माणहे हेते, ज्यी वातुह हिकाड़ते एने सोमजाड़ते रे।

2 तीमुथीयुस 4:2

काय तु वचनान पारचार केर, टेम माय एने बिगेर टेम माय तियार रे, आखी बातीन सेहणे माय एने हिकवोण हेऱ्यो उत्साह आपीन जोर दे, एने दोपकाव एने सोमजाड़।

तीतुस 1:9

एने तो विश्वासयोग्य वचना पोर जो देरमान पारचारान गेत हे, मोजबुत रेय काय उत्साहित एन खेरलो हिकवोण माय पारचार केर सिके, एने जा विरोद केरतेह तान मुय बोंद केर सिके।

तीतुस 2:15

पुरा आदिकार माय ज्‍यु वातुह हिकाड़, जिहकेरीन तु विरोदीह दोपकावेह एने उत्साहित किरेह, ज्या माय कुण बी तुवाह नेचो सोमेजणे नाय जुवे।

तीतुस 2:6

इहीचकेरीन जुवान एदम्याह सोमजाड्या केर काय सोता पोर काबु केरनार बोणी।

तीतुस 2:9

पावराह सोमजाड़ते रे काय आप आपणा मालीकान ताबाम रेती, एने आखी वातु माय ताह खुस केरी, पुण पोशो उलटो जापाप नाय आपी।

इब्रानियो 10:25

एने एका दिहरा हेऱ्या एकठा एणेन नाय सोड़ी, जिहकेरीन काय कोलाक ने रिती हे, पुण एका दिहराह उत्साहित केरती रिवो; एने जीहे जीहे ता दिह्याह आहने आवतालो दिखहो तिहे तिहे उंजु बी ज्यो केऱ्या किरो।

इब्रानियो 13:22

एय बाय बोणहा, मी तुमूह विन्ता केरथु काय ती हिक ने वातुह वेठ लिवो, काहाकाय मी तुमूह जुलूम सारांश माय लिखेल हे।

इब्रानियो 3:13

पुण जाह वोर तो दिह, “जाह आज ने दिह केतेह,” आपणे ओंगाण हे दाड़ीन दिह एका दिहराह उत्साहित केरती रिवो, ओहलो नाय एय काय तुमरे माय रेन कुण बी तान पापान दोका माय आवीन वातड़ो एय जाय।

1 पतरस 5:12

मी सिलवानुस ने उगे रेन, जाह मी बोरहावाला सोमेजथु, थोड़ोक माय लेखीन तुमूह सोमजाड़ेल हे, एने ज्यी गोवाय दियेल हे काय बोगवानान खेरलो गीण ज्योस हे, ज्यास माय मोजबुत रिवो।

यहुदा 1:20

पुण एय मोंगाल्ला, तुमरा चोखाला बोरहा माय तुमू वोड़ती केरतीन एने चोखाला जीवा माय विन्ता केरतीन,