Yuda 1:4 - Nouveau Testament en Ngombe 1961

⁴ Cina bo bakina bato bakwei a tei enu na poloso, bato babe baya bahekojaka monganji moNjambe a bosambolu, na banga-naka Moswa na Kumu osu omɔci, Yesu Masiya. Mokindo mobato bamina mokoleama ehele.

Yuda 1:4 ပူးပေါင်းရင်းမြစ်များ

Matayo 13:25

Yana ko adaka bato bahwɛli, soki ende adoa. Iyo ana ngua jinjani a esika edaka lɔsɔ, na ayana.

Yoane 17:3

Bomɔ bua bodi na bosusu bodi oko bo bajebe wɛ, Njambe osoti omɔci, na yona oloma wɛ, oko Yesu Masiya.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

Bikɔmɛli 15:24

Iso boka bo bakina bato basu bakɛ oho ai no, na banɔngeja no, na bakeja no mokakwano a milema. Baikɛ nongo na kpaci esu.

Bagalata 2:4

Bakina baninga babokosea ko bakwea kɛngi a tei esu na poloso, bo bakoke-lejae bosɔmi bosu bua bodi na su a tei eMasiya Yesu, a bohuleja so a libuli.

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

Baɛpɛsɔ 4:14

Bobwaniti boda koko bana bakɛkɛ, baya bahombahombaka na bapɛpɛnɛkɛ na pwea jisusu jibokoja bobato baepulu baya badi na poloso a bokoja ngando jibokosea.

1 Timoteo 5:8

Isa moto atabaneaka bato bande mɛnɛ, na bato badenga dinde mɛnɛ, moto omina angani ejimeli, na anɔi mopakano na bobe.

2 Timoteo 2:12

Bokayeyoa na lingbangba, bôkumejama koko na nde. Bokamongana ko, yo adi bongana so.

2 Timoteo 3:6

Pɛ bopangana nongo na bato baya badi na bikɔmɛli bimina. Mojɔ bo bakina babu bakweaka a tei ebato na poloso, na bapangoaka bali ba yɛmbu baya bangwai muna mojibe jibu, bali baya badingoaka na posa jibe jinɛnɛ,

1 Pɛtɛlo 2:16

Odini na bosɔmi; pɛ ko bojimani bo bosɔmi bonu bodae mokalo a mojɔ mobokɔ bobe; dani o babuli baNjambe.

1 Pɛtɛlo 2:8

na Litai limina lidi bosakeja bato, Lidi litai linɛnɛnɛ a bokweja bato. Mojɔ bo basakaka libaku cina bo batasumaka Ebaeli; suka ebu edi boa.

1 Pɛtɛlo 4:18

Isa moto obodongo adi bohela oko na pasa, mojɔ momoto mobe, na moto yona odi pɛ bojima Njambe, môda bo?

Mokanda Momibae Mosɔnɔ Pɛtɛlo - 2PE 2:10

ju oko baya badi babuli baposa jibu jibe jibosambolu, na basɛtojaka bato bakpaci. Bato bamina badi na jala na libwano botɔ. Te babangake bololea ngando jiekumu.

Mokanda Momibae Mosɔnɔ Pɛtɛlo - 2PE 2:7

Aheleja Loto, moto oejimeli, yona odaka na monɔngɔ a mojɔ mobikɔmɛli bibosambolu bibato babe.

Mokanda Momibae Mosɔnɔ Pɛtɛlo - 2PE 3:7

Busa ko na ngondo yena edi e dɛye jibaneamaka cina eebaeli emina a mojɔ mobotumba; jihɛngɛmɛ a bo’mba busa boEsambi na bodumba bobato babe.

1 Yoane 2:22

Odi mokosei nda? Oko yona onganaka bo Yesu adi Masiya. Iyo adi Soki-eMasiya, oko yona onganaka Sango na Mwana.

Yuda 1:15

Bo asambejae bato basusu, Na bo adumbe bato basusu babe, A mojɔ mongando jisusu jibe jikɔ bo, Na bibaeli bisusu bibe bibala bato babe a mojɔ monde.

Yuda 1:18

Babala na nu bo bato babiloli badi bodoa a masu masuka, baya badi bosuma oko posa jibu bɛnɛ pɛ.

Boboloja 15:4

Ee Kumu; odi pɛ bosuma, pɛ bokumeja kombe ewɛ nda? Mojɔ bo, odi mosɛnɔke oko wɛ pɛ. Makota masusu madi bodoa a bosakoa wɛ, Mojɔ bo masambeja mawɛ maboloi a bohu.