Yoane 9:3 - Nouveau Testament en Ngombe 1961

³ Yesu abasɔmbeja bo, Te nongo yo isa baboti bande baya bakɔ bobe; adi boa bo Njambe anejae bilomu binde a tei ende.

Yoane 9:3 ပူးပေါင်းရင်းမြစ်များ

Matayo 11:5

Baya bagwa miso basɔkɔ njɛnɛ ebu. Bato bamitɛngu badalaka. Bato bamaba bahelaka. Bato babohoka badi na njoki, Bagwake bangɔi, na bato babokwali bakaka Mwako Mopele.

Yoane 11:4

Aka Yesu mwako momina, abala bo, Yogo ye editi ebogwa. Edi oko a mojɔ mobokumeja Njambe, na bo Mwana ’Njambe asɛ ekumu a mojɔ momina.

Yoane 11:40

Yesu ko abala na nde bo, Mbi nabaliti na wɛ bo odi bonɛ ekumu eNjambe okada na ejimeli?

Bikɔmɛli 28:4

Yana anɛ bato bangando njɔ acingi a ebɔ ePaulo, babalana a tei ebu bo, Moto yoyo adi mowoi soti. Aheli a madiba; Iyo ko yona osambejaka ajimiti bo ahele.

Bikɔmɛli 4:21

Babakanea koko na babacingoa; bato basusu basakoaka Njambe a mojɔ momondumba momina; oko boa baihɔnɔ bokɔ na bu nongo mojɔ, oko a mojɔ mobato bangando.

1 Yoane 4:16

Iso bojebaka na bojimaka ngɛnjɔ eNjambe ai so. Njambe adi ngɛnjɔ. Moto yona odi a tei engɛnjɔ adi a tei eNjambe, na Njambe adi a tei ende.

1 Yoane 4:9

Ngɛnjɔ eNjambe eboloa a tei esu oko na mojɔ mu, bo Njambe aloma mwana’nde obotama omɔci a ngondo, bo so bohele a mojɔ monde.