Yoane 3:34 - Nouveau Testament en Ngombe 1961

³⁴ Mojɔ bo yona olomama na Njambe abalaka oko bikenge biNjambe, cina bo yo t’angɛke mwɛngi yana apaka yo Mwembo.

Yoane 3:34 ပူးပေါင်းရင်းမြစ်များ

Matayo 12:18

Anjani mokɔmɛli ombi. Mbi namohɔi; Nadi na nde ngɛnjɔ. Molema mombi mosepaka na nde, Mbi nâmolwaja Mwembo mombi. Iyo âjebeja makota mangondo mojɔ mobodongo.

Luka 4:18

Mwembo moKumu modi ai mbi, Gina bo ahɛngɛ mbi a botɔndɔ bato babokwali Mwako Mopele; Alomini bo najebejae masungu mojɔ mobocingoa, Bo natɔndɔe bato baya bagwa miso mojɔ mosengo emiso; Alomini bo nabuke minyɔlɔ mibato baya bagboki,

Yoane 1:16

Iso basusu bosɔkɔ monganji monde, monganji oko na bonɛtɔ.

Yoane 15:26

Mbi ko nâ lomea no Mokɔmeja, oko Mwembo mosoti mua momanaka ai Sango. Mokɔmeja omina adonga ai Sango, na akadoa, yo ada motati ombi.

Yoane 16:7

Mbi ko natɔndɔkɔ no oko ngando jisoti. Boyana bombi bodi bobɔngeja no. Mojɔ bo, mbi namiti yana, Mokɔmeja atadoa ai no. Nakayana ko, nâmoloma ai no.

Yoane 3:17

Mojɔ bo, Njambe ailoma Mwana’nde a ngondo a bosambeja ngondo; amoloma bo ngondo ehele na nde.

Yoane 5:26

Sango adi na bomɔ a tei ende mɛnɛ. Oko boa Mwana asɔ epeeli ebomɔ ai yo bo adae na bomɔ a tei ende mɛnɛ pongono.

Yoane 7:16

Yesu abasɔmbeja bo, Bokoja bombi boditi bombi mɛnɛ; bodi oko bokoja boyona olomani.

Yoane 8:40

Oko edɛye, odukakani njea a bowa mbi, mbi yona otɔndɔkɔ no mijɔ misoti misɔ mbi ai Njambe. Abalayama aikɔ nongo boa.

Yoane 8:47

Iyona odi moto oNjambe ahokeaka bikenge biNjambe; oko boa ino otahokeakani, mojɔ ho oditini bato baNjambe.

Bikɔmɛli 1:2

oko a busa botombama yo oho Diko, yana apa yo mibeko ai bacingami bande bahɔmɔke oko na Mwembo Mosɛnɔke.

Bikɔmɛli 10:38

Njambe asuoa Yesu oNasaleta Mwembo Mosɛnɔke na ngulu pongono. Na yo akɛ akadale a ngando na ngando a bokɔ bilomu bipele, na a boheleja bato basusu baya badingoaka na Satana, mojɔ bo Njambe adaka na nde.

Baloma 8:2

Mojɔ bo mobeko moMwembo mosikoa mbi a mobeko mobobe na mobogwa.

Baɛpɛsɔ 3:8

Mbi nasɔ monganji mu, bo nabolojae ai bapakano mijɔ miyumu miMasiya mia midi na bonɛtɔ, oko mbi yona odi ngɔngɔ jibasɛnɔke basusu,

Bakɔlɔsai 1:19

Mojɔ bo Njambe ajima na bolulea bonde bopele bo bonjambe bonde bosusu bodae a tei ende,

Bakɔlɔsai 2:9

Mojɔ bo bonjambe bosusu mɛnɛ bodi a tei eMasiya o mokuku,

Boboloja 21:6

Na abala na mbi bo, Mojɔ mosii! Mbi nadi Alepa na Omega, libangake na suka. Isa moto adi na ekangola emadiba, mbi nadi bomonusa madiba mamolo momadiba mabomɔ; nadi bomopa oko bopa, pɛpɛ bongɛjɛ.

Boboloja 22:1

Anejani koko dua emadiba mabomɔ ekamane a ngɛndɛ eNjambe na eMwana-Bata; madaka na bosangesange bota-latala, na makɛlɛkɛ a ndanda elicilinga lingando.