Yoane 17:3 - Nouveau Testament en Ngombe 1961

³ Bomɔ bua bodi na bosusu bodi oko bo bajebe wɛ, Njambe osoti omɔci, na yona oloma wɛ, oko Yesu Masiya.

Yoane 17:3 ပူးပေါင်းရင်းမြစ်များ

Malako 9:37

Moto na moto yona osɔkɔ bopele okina mwana mokɛkɛlɛkɛ o boa, asɔkɔ mbi; na yona osɔkɔ mbi, asɔkɔ yona olomani, te mbi.

Luka 9:48

na abala na bu bo, Yona osɔkɔ mwana yoyo mokɛkɛlɛkɛ a kombe embi, asɔkɔ mbi mɛnɛ; na yona osɔkɔ mbi asɔkɔ yona olomani. Mojɔ bo yona odi ngɔngɔ jinu basusu, odi ng bosuku oko yo.

Yoane 10:36

obalakani na mbi bo natangolaka Njambe, mojɔ bo nabali bo nadi Mwana ’Njambe, mbi yona ohɛngɛmɛ na Sango, na alomini a ngondo?

Yoane 11:42

Najebi bo okaka mbi bihole bisusu. Nabali boa ko a mojɔ mobato baya bahikaka mbi, bo bajime bo wɛ olomani.

Yoane 14:26

Sango ko âloma Mokɔmeja a kombe embi oko Mwembo Mosɛnɔke. Iyo âkoja no ngando jisusu, na âlɛjɛ no ngando jisusu jibala mbi na nu.

Yoane 17:18

Wɛ olomani a ngondo; oko boa koko, mbi nalomi bo a ngondo.

Yoane 17:21

bo ibo basusu badae oko omɔci, bo badae omɔci a tei esu, o adi wɛ Sesa a tei embi, na mbi a tei ewɛ, bo ngondo ejime bo wɛ oloma mbi.

Yoane 17:23

—mbi a tei ebu, na wɛ a tei embi,—oko boa bokatana bobu bodi bobɔngɔ, na ngondo êjeba bo wɛ oloma mbi, na bo obapalaka o apalaka wɛ mbi.

Yoane 17:25

Sesa, Yona obodongo, ngondo etajebaka wɛ. Mbi ko najebaka wɛ; ibaba pongono bajebaka bo wɛ oloma mbi.

Yoane 17:8

Mbi nabapi bikenge bipani wɛ. Ba’si bikenge bimina; bajebaka na soti bo mbi nadonga ai wɛ, na bajimaka bo wɛ oloma mbi.

Yoane 3:17

Mojɔ bo, Njambe ailoma Mwana’nde a ngondo a bosambeja ngondo; amoloma bo ngondo ehele na nde.

Yoane 3:34

Mojɔ bo yona olomama na Njambe abalaka oko bikenge biNjambe, cina bo yo t’angɛke mwɛngi yana apaka yo Mwembo.

Yoane 5:44

Ino odini bojima na ye? mojɔ bo osɔkɔni oko ekumu enu ai bato batongo; otadukakani nongo ekumu yena ehulaka ai Njambe pɛ.

Yoane 6:57

Sango obomɔ aloma mbi, na bomɔ bombi bodi a tei ende. Oko boa yona oyakaka mbi âda na bomɔ oko a mojɔ mombi.

Yoane 7:29

Mbi namojebaka, mojɔ bo nadonga ai yo, na yo alomani.

Yoane 8:19

Ibo babala na nde bo, Sangwao adi jɔ? Yesu abasɔmbeja bo, Ino otajebakani mbi, na otajebakani Sangwa’mbi. Akɔki no jeba mbi, ka ojebini Sangwa’mbi pongono.

1 Bakolinto 15:34

Sisoani, na dani na yongi epele. Yɛni bokɔ bobe. Natɔndɔkɔ no, a bokeja no sɔni, bo bakina banu batajebaka nongo Njambe.

1 Bakolinto 8:4

Oko boa, a mojɔ moboyaka tito bamasiko mabilimo, bojebaka bo elimo edi eka engasa mɛnɛ a ngondo ye. Njambe adi oko omɔci pɛ, pɛpɛ okina otongo.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

Bafilipoi 3:10

Nakɔ boa bo najebe Masiya, na ndangasa yena engɔ na nde a bogwa, bo nakatane na nde a madingoa mande, na bo nakatane na nde a bogwa bonde

Bafilipoi 3:8

Ee soti, mbi nalangaka ngando jisusu o ngando jingasa pɛ, a mojɔ moejebeli eMasiya Yesu Kumu ombi yena enɔi na yumu. Najima bo nabungejae ngando jisusu a mojɔ monde; najilangaka o pita pɛ, bo Leka lombi loyumu lodae oko Masiya pɛ, na bo nadae a tei ende,

1 Batɛsalɔnike 1:9

Bato bamina babalaka a mojɔ mobodoa bosu ai no, bo o’sɔni so bopele, na bo okwani bosakoa bobilimo, na ohekoani ai Njambe, a bokɔmɛ Njambe osoti na obomɔ,

2 Batɛsalɔnike 1:8

a bokunda likundu na mosa ai baya badi pɛ bojima Njambe, na pɛ bosuma Mwako Mopele moKumu osu Yesu.

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Mokanda Momibae Mosɔnɔ Pɛtɛlo - 2PE 1:2

Yɛ monganji moNjambe monɛngɛe ai no, na bowi pongono, cina eejebeli enu eNjambe na eYesu Kumu osu.

Mokanda Momibae Mosɔnɔ Pɛtɛlo - 2PE 1:3

Njambe, na ngulu ende, abopi bipeeli bisusu bia bibwani na mohelo na ejimeli, cina eejebeli ende yona obea so a ekumu ende na bosɛnɔ bonde.

Mokanda Momibae Mosɔnɔ Pɛtɛlo - 2PE 1:8

Isa odini na ngando jimina, na jikanɛngɛ ai no, jikɔkɔ bo otadani bingbendele na batete a mojɔ moejebeli eKumu osu Yesu Masiya.

1 Yoane 1:2

Bomɔ bomana a bohu. Iso bonɛ bomɔ bomina, botɔndɔkɔ mojɔ momina. Bwɛnji botɔndɔkɔ so no bodi oko bomɔ bua bodi na bosusu, bua bodaka na Sango, na boboloa ai so.

1 Yoane 1:3

Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.

1 Yoane 2:23

Pɛpɛ nongo moto yona onganaka Mwana odi na Sango. Moto ko yona ojimaka Mwana adi na Sango pongono.

1 Yoane 4:6

Iso ko bodi bato baNjambe. Moto na moto yona ojebaka Njambe ahokeaka so; na moto na moto yona oditi moto oNjambe t’ahokeake so. Oko boa bombeteaka mwembo mosoti na mwembo molaboake.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.