Yoane 15:4 - Nouveau Testament en Ngombe 1961

⁴ Yeyoani a tei embi, na mbi nâyeyoa a tei enu. Etape, oko etape ngasa, editi nongo na libota. Emiti da a tei ebomwe, etabota nongo mbuma; ino koko boa, omiti yeyoani a tei embi, ôtabotani nongo mbuma.

Yoane 15:4 ပူးပေါင်းရင်းမြစ်များ

Matayo 12:33

Balani bo mole modi mopele, na mbuma jimole jidi koko jipele; isa bo mole modi mobe, na mbuma jimole jidi koko jibe. Ombeteakani mole oko na mbuma.

Luka 8:15

Ijia jikwa a kpɔtɔ jipelejidi oko baya bakaka na babaneaka ebaeli a milema mipele mibowi. Ibo badi na lingbangba, na babotaka mbuma.

Yoane 14:20

Odini bojeba a busa bomina bo mbi nadi a tei eSango, ino a tei embi, na mbi a tei enu.

Yoane 17:23

—mbi a tei ebu, na wɛ a tei embi,—oko boa bokatana bobu bodi bobɔngɔ, na ngondo êjeba bo wɛ oloma mbi, na bo obapalaka o apalaka wɛ mbi.

Yoane 6:56

Iyona oyakaka munu mombi na omwakaka makia mambi ayeyoaka a tei embi, na mbi nayeyoaka a tei ende.

Yoane 8:31

Yesu abala na BaYuda baya bamojimea bo, Okayeyoani a ebaeli embi, odini bacingami bambi na soti.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

2 Bakolinto 13:5

Sakokelejani no bɛnɛ, a bojeba isa odini na ejimeli soti. Samekani no bɛnɛ. Otajebakani bo Yesu Masiya adi a tei enu? Emiti da boa, odini oko badaloi.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Bafilipoi 1:11

Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Bakɔlɔsai 1:27

Mojɔ bo Njambe ajima bo abanejae bo mojɔ mu mobo-mbamake modi mojɔ moekumu enɛnɛ mɛnɛ a tei ebapakano,—cina emina edi Masiya a tei enu, njingo eekumu.

Bakɔlɔsai 2:6

Oko boa, ami no sɔ Kumu Yesu Masiya, toma dalani a tei ende oko boa.

1 Batɛsalɔnike 3:5

A mojɔ momina, naihɔnɔ bo’mba koko, na naloma bo najebe mojɔ moejimeli enu. Nadaka na mokakwano bo Momeki asaka meka no, na elomu esu esaka nama.

Baebele 10:39

Iso ko boditi bato baya basɔmbɔkɔ mandulendule bo bobunge, oko bato baya badi na ejimeli a boheleja miembo Mibu.

1 Yoane 2:6

Moto yona obalaka bo adi a tei ende abwani bodala a njea edalaka yo.

2 Yoane 1:9

Moto yona okinaka njea, pɛ boyeyoa a bokoja boMasiya, aditi na Njambe a tei ende. Yona oyeyoaka a bokoja boMasiya, adi na Sango na Mwana pongono a tei ende.