Yoane 11:52 - Nouveau Testament en Ngombe 1961

⁵² te a mojɔ molikota limina pɛ, oko bo abolee bana basusu baNjambe baya banangana a esika emɔci.

Yoane 11:52 ပူးပေါင်းရင်းမြစ်များ

Luka 15:8

Isa okina mwali adi na likonja, pata domi, na emɔci ekabunga na nde, atayoja paka a bo’mbɔ ndako a boduka na bingi oko a ehole êboloja yo pata emina?

Luka 2:32

Bohu a bohoja makota, Na ekumu a mojɔ moYisalaele bato bawɛ.

Yoane 1:12

Ibaya ko bamosɔ, oko baya bamojimeaka, yo abapa kpaci bo badae bana baNjambe.

Yoane 1:29

Yana ahoa busa, Yoane anɛ Yesu akadoe ai yo, na abekoa bo, Anjani Mwana-Bata oNjambe yona odongejaka bobe bongondo!

Yoane 10:16

Nadi koko na bata batongo baya bacingiti na likutu di. Nadi bodoa na bu pongono, na bâka monɔkɔ mombi. Oko boa bwela bôda oko omɔci, na mobanei omɔci.

Yoane 12:32

Mbi ko nakangɔjɔmɔ a diko dingondo, nâbilea bato basusu ai mbi.

Bikɔmɛli 18:10

Mbi nadi na wɛ; pɛpɛ nongo moto odi bobakea ebɔ ai wɛ a bobeneja wɛ, mojɔ bo mbi nadi na bato banɛnɛ a ngando ye.

Baloma 3:29

Njambe adi Njambe oBaYuda pɛ? Aditi Njambe obapakano pongono? Ee, adi Njambe obu pongono.

Baloma 4:17

Mosɔnɔmɔ koko bo, Mbi nakɔi wɛ tata omakota manɛnɛ. Adi tata osu a miso maNjambe yona ojimea yo, oko Njambe yona opaka bomɔ ai bagwake, na abeaka leka lua loditi, bo lodae.

Baɛpɛsɔ 1:5

Ahɛngɛ so na ngɛnjɔ ende bo bodae bana bande mɛnɛ balisango cina eYesu Masiya. Mokano monde modaka boa na sepi,

Baɛpɛsɔ 3:11

Mokano mokana yo a libangake a tei eMasiya Yesu Kumu osu modaka boa.

Yakobo 1:1

Njɛbɛ embi Yakobo, mokɔmɛli oNjambe na oKumu Yesu Masiya, ai makota domi-na-mabae maya manangana.

1 Pɛtɛlo 1:1

Mbi Pɛtɛlo, obwɛnji oYesu Masiya, ai bato bangabi baya banangana a Ponto, Galatia, Kapodokia, Asia, na Bitunia,

1 Yoane 2:2

Iyo adi lisiko a mojɔ mojibe jisu, te jisu pɛ, oko a mojɔ mojibe jingondo esusu.

1 Yoane 3:1

Anjani ngɛnjɔ enɛnɛ epa Njambe so, bo so bodae na kombe jibana baNjambe. Na bodi bana baNjambe. A mojɔ momina, ngondo Pejebake so, mojɔ bo eimojeba yo.

1 Yoane 3:10

Bodi bombetea bana baNjambe na bana baSatana oko na mojɔ momina. Moto amiti da na ekɔmɛli ebodongo aditi moto oNjambe, na moto yona odi na mwangwa’nde soki koko boa.

1 Yoane 3:2

Baninga, so bodi bana baNjambe oko e dɛye. Bojebakini elimo esu engɔngɔ; endele ko, bojebaka bo yo akadoa a bohu, so bodabí na elimo ende, mojɔ bo bodi bomonɛ o adi yo.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;