Yoane 1:34 - Nouveau Testament en Ngombe 1961

³⁴ Mbi namoni mbi mɛnɛ, na natɔndɔkɔ na soti bo Iyo adi Mwana ’Njambe.

Yoane 1:34 ပူးပေါင်းရင်းမြစ်များ

Matayo 11:27

Sangwa’mbi apani kpaci a ngando jisusu. Pɛpe nongo moto ojebaka Mwana. Edi oko Sango pɛ yona omojebaka. Pɛpɛ nongo moto ojebaka Sango. Edi oko Mwana pɛ yona omojebaka, Na Mwana akajima, amobolojaka ai bato bo bamojebe.

Matayo 16:16

Simona Pɛtɛlo amosɔmbeja bo, Wɛ odi Masiya, Mwana ’Njambe obomɔ.

Matayo 17:5

Yana abalaka yo boa, eyembi ebolailai ebahua oko bohua. Na kɔpi emana a eyembi bo, Iyo adi Mwana ’mbi ongɛnjɔ; nadi na nde sepi. Mohokeani.

Matayo 26:63

Yesu ko ahogoga oko bogo, Oko boa nganga monɛnɛ abala na nde koko bo, Mbi nabekeaka wɛ a kombe eNjambe obomɔ; tɔndɔ so isa we odi Masiya, Mwana oNjambe.

Matayo 27:40

Saheleja wɛ mɛnɛ, wɛ yona obwani bobuka tempelo na boengɔjɔ koko na masu masato! Isa odi Mwana oNjambe, donga a mole-mobokea, na tita ya.

Matayo 27:43

Adaka na ejimeli ai Njambe. Isa Njambe amopalaka, yɛ amohelejae edɛye; mojɔ bo abali bo, Mbi nadi Mwana oNjambe.

Matayo 27:54

Kapitɛni obasoda, na baya badaka na nde a bokɛngɛlɛ Yesu, yana anɛ bo bojonga bongondo, na mijɔ mia mitongo, bangbɛngbɛmɛ na bɔ. Babala bo, Moto yoyo adaki Mwana oNjambe soti!

Matayo 3:17

Na kɔpi emana oho Diko bo, Iyo adi Mwana’mbi ongɛnjɔ. Nadi na sepi a mojɔ monde.

Matayo 4:3

Momeki adoa ai yo na abala bo, Isa wɛ odi Mwana ’Njambe, bala na matai mama bo mabongoe milɛmbɛ.

Matayo 4:6

Adi bopa babwɛnji bande monɔkɔ a mojɔ mowɛ, Na bâbanda wɛ na mɔmɔ mabu, Bo ebota ewɛ esaka lakimea a litai.

Matayo 8:29

Ibo babekoa bo, Wɛ Mwana oNjambe, mojɔ mosu na wɛ modi bo? Odoi ya a bonɔngeja so oko ehole esu ebwanakini?

Malako 1:1

Bobanga boMwako Mopele moYesu Masiya, Mwana oNjambe.

Malako 1:11

Kɔpi emana koko oho Diko bo, Wɛ odi Mwana ’mbi ongɛnjɔ; sepi embi esusu edi ai wɛ.

Luka 1:35

Obwɛnji amosɔmbeja bo, Mwembo Mosɛnɔke môdoa ai wɛ. Ndangasa eYona oBonɔ êhua wɛ, na yona ôbotama na wɛ âbeama mosɛnɔke, Mwana oNjambe.

Luka 3:22

na Mwembo Mosɛnɔke motita ai yo o ekɔmɛli esungu. Kɔpi emana koko oho Diko bo, Wɛ odi Mwana’mbi ongɛnjɔ. Nadi na sepi enɛnɛ a mojɔ mowɛ.

Yoane 1:18

Pɛpɛ nongo moto onɛ Njambe; Mwana-sɔmi omɔci ko yona odi a bupa boSango amobolojai ai so.

Yoane 1:49

Natanaele amosɔmbeja bo, Labi, wɛ odi Mwana oNjambe. Odi Kumu oYisalaele.

Yoane 10:30

Iso na Sangwa’mbi bodi oko omɔci.

Yoane 10:36

obalakani na mbi bo natangolaka Njambe, mojɔ bo nabali bo nadi Mwana ’Njambe, mbi yona ohɛngɛmɛ na Sango, na alomini a ngondo?

Yoane 11:27

Iyo amosɔmbeja bo, Ee Kumu; mbi najimaka bo wɛ odi Masiya, Mwana ’Njambe, yona odaka na sako ebodoa a ngondo.

Yoane 19:7

BaYuda bamosɔmbeja bo, Iso bodi na mobeko. A mojɔ momobeko momina, mokindo mua mobwani na nde modi oko bogwa. Mojɔ bo abali bo adi Mwana ’Njambe.

Yoane 20:28

Toma amosɔmbeja bo, Kumu ombi na Nja-mbe ombi!

Yoane 20:31

Ibi ko bisɔnɔmi bo ojimeni bo Yesu adi Masiya, Mwana oNjambe, na bo odaeni na bomɔ a kombe ende, oko a mojɔ moejimeli.

Yoane 6:69

Iso bojimaka na bojebaka bo wɛ odi Yona Mosɛnɔke oNjambe.

Baloma 1:4

Iyo ko akuma o Mwana ’Njambe na ndangasa a njea eMwembo mobosɛnɔ, yana angɔ yo a tei ebagwake.

2 Bakolinto 1:19

Iso na Silwano na Timoteo botɔndɔ no oko mwako moMwana ’Njambe, Yesu Masiya. Iyo aditi Ee na Pɛpɛ; a tei ende edi oko Eɛ.

Baebele 7:3

Apeliti sango isa nango, pɛpɛ koko mbota; masu mande pɛpɛ libangake, ehelo ende pɛpɛ suka; adi nganga na bosusu na elimo eMwana ’Njambe.

1 Yoane 2:23

Pɛpɛ nongo moto yona onganaka Mwana odi na Sango. Moto ko yona ojimaka Mwana adi na Sango pongono.

1 Yoane 3:8

Moto yona okɔkɔ bobe adi moto oSatana, mojɔ bo Satana akɔ bobe a bobanga mɛnɛ, na akɔkɔ bobe oko e dɛye. Cina ebodoa boMwana ’Njambe edi oko bo abejae bilomu biSatana.

1 Yoane 4:9

Ngɛnjɔ eNjambe eboloa a tei esu oko na mojɔ mu, bo Njambe aloma mwana’nde obotama omɔci a ngondo, bo so bohele a mojɔ monde.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.

2 Yoane 1:9

Moto yona okinaka njea, pɛ boyeyoa a bokoja boMasiya, aditi na Njambe a tei ende. Yona oyeyoaka a bokoja boMasiya, adi na Sango na Mwana pongono a tei ende.

Boboloja 2:18

Sɔnea obwɛnji oDenga diTwatila bo, Mwana ’Njambe abalaka mijɔ mimi, oko yona odi na miso mamosa mongoake, na bibota binde o mboa jipele jibolailai.