Yoane 1:14 - Nouveau Testament en Ngombe 1961

¹⁴ Ebaeli ekindoa moto, na yo ayeyoa a tei esu; aluma na monganji na Soti. Iso bonɛ ekumu ende, ekumu eMwana-sɔmi omɔci yona odonga ai Sango.

Yoane 1:14 ပူးပေါင်းရင်းမြစ်များ

Matayo 1:16

Yakobo abota Yosepa muma ’Malia, na Yesu yona odi na kombe Masiya abotama na nde.

Luka 2:11

Moheleja abotami ai no busa bu a ngando eDawidi, Kumu Masiya.

Luka 2:7

Abota mwana’nde oboso, mwana-momi. Amodinga na bisenja, na amosambea a yulu edia dibingbende, cina bo ndako epasaje eidaka na pokiso a mojɔ mobu.

Luka 9:32

Pɛtɛlo ko na bacingami batongo baya badaka na nde, bangbɔngɔkɔ na hiɔ; endele ko, badika misu. Oko boa banɛ ekumu ende, na bami babae baya badaka na nde.

Yoane 1:1

Ebaeli edaka kanga a bobanga mɛnɛ. Ebaeli edaka na Njambe. Ebaeli edaka Njambe.

Yoane 11:40

Yesu ko abala na nde bo, Mbi nabaliti na wɛ bo odi bonɛ ekumu eNjambe okada na ejimeli?

Yoane 14:6

Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Yoane 14:9

Yesu abala na nde bo, Pilipo, mbi nayeyoi na nu ekoka ye, na ojebakini mbi? lyona oni mbi ani Sango pongono. Oko boa, obalaka bo, Aneja so Sango, mojɔ moye?

Yoane 17:22

Mbi nabapi ekumu epani wɛ, bo badae oko omɔci, o adi so omɔci,

Yoane 17:24

Sesa, posa embi edi oko bo baya bapani wɛ badae na mbi a esika edi mbi, bo banje ekumu embi, oko ekumu epani wɛ; mojɔ bo odaka na mbi ngɛnjɔ oko ngondo epetakini yoama.

Yoane 18:37

Pilato abala na nde bo, Oko boa odi Kumu? Yesu amosɔmbeja bo, Wɛ mɛnɛ obali bo nadi Kumu. Cina ebobotama bombi, cina ebodoa bombi a ngondo edi oko bo natate tati a mojɔ moSoti. Moto na moto yona odi moto oSoti akaka monɔkɔ mombi.

Yoane 2:11

Yesu akɔ embete ye ende eboso oko a Kana, ngando eGalile, na aneja ekumu ende; na bacingami bande bamojimea.

Yoane 3:16

Mojɔ bo Njambe apalaka ngondo na ngɛnjɔ yeye; apa Mwana’nde obotama omɔci pɛ, bo moto na moto yona omojimeaka asɛ bomɔ bua bodi na bosusu.

Yoane 3:18

Moto akamojimea, atasamba nongo. Moto amiti mojimea, yo asamba eyou, cina bo aijima kombe eMwana ’Njambe obotama omɔci.

Yoane 6:51

Mbi nadi molɛmbɛ mobomɔ mua mohula oho Diko. Moto akayaka molɛmbɛ mu, âda na bomɔ oko na bosusu mɛnɛ. Na molɛmbɛ môpa mbi modi oko munu mombi; namopa a mojɔ mobomɔ bongondo.

Yoane 8:32

Ôjebani mua mosoti, na Soti êcingoa no.

Bikɔmɛli 13:33

yo angameja sako emina ai so bana babu yana angɔjɔ yo Yesu. Mojɔ momina mosɔnɔmɔ koko a yembo ebibae bo, Wɛ odi Mwana ’mbi; naboti wɛ busa bu.

Baloma 8:3

Mojɔ bo Njambe aloma Mwana’nde mɛnɛ a mojɔ mobobe, o ekua emunu mobobe, a bodumba bobe a munu. Mibeko miibwana bokɔ boa a mojɔ moboyɛmbu bomunu.

Baloma 9:5

Batata badi oko batata babu, na Masiya amana a mbota ebu. Bojongoa ai Njambe yona onɔi basusu, oko na bosusa. Amen.

1 Bakolinto 15:47

Moto oboso ahula a kpɔtɔ, moto onase. Moto obabae ahula oho Diko.

2 Bakolinto 12:9

Iyo ko abala na mbi bo, Monganji mombi mobwani na wɛ, mojɔ bo ngulu embi edi boboloa na soti oko a tei eboyɛmbu. A mojɔ momina, nadi bosakumeja na sepi mɛnɛ a mojɔ moboyɛmbu bombi, bo ngulu eMasiya edae ai mbi.

Bagalata 4:4

Yana ko abwana ehole, Njambe aloma Mwana’nde yona obotama na mwali, yona obotama cina jiMibeko,

Baɛpɛsɔ 3:8

Mbi nasɔ monganji mu, bo nabolojae ai bapakano mijɔ miyumu miMasiya mia midi na bonɛtɔ, oko mbi yona odi ngɔngɔ jibasɛnɔke basusu,

Bakɔlɔsai 1:19

Mojɔ bo Njambe ajima na bolulea bonde bopele bo bonjambe bonde bosusu bodae a tei ende,

Bakɔlɔsai 2:3

Mijɔ misusu miyumu Mibowɛi na miejebeli midi a tei ende.

Bakɔlɔsai 2:9

Mojɔ bo bonjambe bosusu mɛnɛ bodi a tei eMasiya o mokuku,

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

Baebele 1:3

Iyo adi bolailai boekumu eNjambe; adi elimo esoti eNjambe, na abeaka ngondo jisusu na ebaeli engulu ende. Ama yo pa lisiko a mojɔ mojibe, ami ko da oko a dɔngɔ diebɔ ebami eKumu oDiko.

Baebele 1:5

Njambe abala na okina obwɛnji-odiko ekina ehole bo? Wɛ odi Mwana’mbi, Mbi naboti wɛ busa bu isa Mbi nâda Sangwa’nde, Na yo âda Mwana’mbi.

Baebele 10:5

A mojɔ momina, Masiya, yana adoa yo a ngondo, abala bo, Wɛ t’opalake masiko na bipeeli; Osɛlingoi ko mokuku a mojɔ mombi;

Baebele 2:11

Mojɔ bo, yona osɛnojaka, na baya basɛnɔi badi na sango omɔci. A mojɔ momina yo aditi na Sɔni a bobabakea kombe bananango.

Baebele 5:5

Oko boa, Masiya aisabakea Nganga Monɛnɛ yo mɛnɛ. Okina amohɔ, oko yona obala na nde bo, Wɛ odi Mwana’mbi; Mbi naboti wɛ busa bu.

1 Yoane 4:14

Iso bonɛ, na botɔndɔkɔ bo Sango aloma Mwana’nde o Moheleja ongondo.

1 Yoane 4:9

Ngɛnjɔ eNjambe eboloa a tei esu oko na mojɔ mu, bo Njambe aloma mwana’nde obotama omɔci a ngondo, bo so bohele a mojɔ monde.

2 Yoane 1:7

Mojɔ bo bakosei banɛnɛ banangani a ngondo, baya batajimaka bo Yesu Masiya adoa o moto. Yona odi boa adi mokosei, na adi soki-eMasiya.

Boboloja 19:13

Aiwaka kasaka eyai yena edaka na matɔnɔ mamakia, na kombe ende edi Ebaeli eNjambe.

Boboloja 21:3

Naka koko kɔpi epipo ekamane a ngɛndɛ bo, Anjani; etondo eNjambe edi a tei ebato. Iyo adi boda na bu. Ibo badi boda bato bande, na Njambe yo mɛnɛ adi boda na bu.