Yakobo 4:8 - Nouveau Testament en Ngombe 1961

⁸ Sabateani na Njambe, na yo adi bosabatea na nu. Ino bato babe, sɛnojani mɔmɔ manu. Ino bato babokosea, sɛnojani milema minu bopɛɛ.

Yakobo 4:8 ပူးပေါင်းရင်းမြစ်များ

Matayo 12:33

Balani bo mole modi mopele, na mbuma jimole jidi koko jipele; isa bo mole modi mobe, na mbuma jimole jidi koko jibe. Ombeteakani mole oko na mbuma.

Matayo 15:2

Bacingami bawɛ batasumaka mijɔ mibatata cina eye? Te basosake nongo mɔmɔ mabu a mojɔ mobo yaka.

Matayo 27:24

Pilato anɛ bo mojɔ mobeha, na bo wokowoko ekɛke oko bohɛ. Oko boa yo atomba madiba, asosa mɔmɔ mande a boso bolikita, na abala bo, Lindo jimakia mamoto yo obodongo jiditi nongo ai mbi. Edi oko mojɔ monu.

Bikɔmɛli 15:9

Isona bo bodi oko amɛci a boso bonde, na yo asɛnojai milema mibu a mojɔ moejimeli.

2 Bakolinto 7:1

Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

1 Timoteo 2:8

Napalaka bo bami ba’nge a bisika bisusu, na bangɔjɔe mɔmɔ masɛnɔke, pɛpɛ kɛlɛ, pɛpɛ kitɛ.

Baebele 10:22

bobwani bobatama na molema mosoti na ejimeli enɛnɛ, pɛpɛ kitɛ, na milema misu mibɔtɔnɔke na ejebeli ebobe, na mikuku misu misosamake na madiba mapele.

Baebele 7:19

(Mojɔ bo Mobeko moibɔngeja eka). Na njingo etongo eboloi yena enɔi na bopele, na so bodi bobatama na Njambe oko na njingo emina.

Yakobo 1:8

mojɔ bo adi moto omilema Mibae, na ekɔmɛli ende esusu edi na mokakwano.

Yakobo 3:17

Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

1 Pɛtɛlo 1:22

Lisuma linu a mijɔ miSoti lisɛnojai milema minu, bo odaeni na epaeli esoti ai baninga; oko boa toma palanani na ngulu emilema minu.

1 Pɛtɛlo 3:21

Madiba mamina madi embete ebatisimo; batisimo emina editi a bodongeja mbindo a mokuku; edi oko mojimo momolema mopele ai Njambe, na ehelejaka no e dɛye cina ebongɔ boYesu Masiya a bogwa.

1 Yoane 3:3

Moto na moto yona odi na njingo emina ai yo, asasɛnojaka o adi yo mosɛnɔke.