Yakobo 3:2 - Nouveau Testament en Ngombe 1961

² Iso basusu bodi na mabunga manɛnɛ. Isa moto aditi nongo na libunga a ebaeli ende, adi moto mobɔngɔke mɛnɛ yona odi na ngulu bo asangbindee mokuku mosusu.

Yakobo 3:2 ပူးပေါင်းရင်းမြစ်များ

Matayo 12:34

Ino bana banjɔ! Adi no bato babe, odini bobala mijɔ mipele na ye? Mojɔ bo monɔkɔ mobalaka oko mijɔ mia minɛngi a molema,

Matayo 12:37

Odi bolonga a mojɔ mobikenge biwɛ, na bikenge biwɛ bidi bodumba wɛ pongono.

Baloma 3:10

Mosɔnɔmɔ koko bo, Moto obodongo aditi, pɛpɛ nongo omɔci.

Baloma 7:21

Oko boa, mojɔ monɛkɛ mbi moMobeko modi oko mu;—nakapala bokɔ bopele, bobe bodi na mbi.

1 Bakolinto 9:27

Nadingojaka na nagbokejaka mokuku mombi, bo nasaka samboe, mbi yona otɔndɔ Mwako Mopele ai bato, batongo.

Bagalata 3:22

Misɔnɔ ko minejaka bo bato basusu badi cina ebobe, bo baya bajimaka basɛ njikano, oko na ejimeli ai Yesu Masiya.

Bagalata 5:17

Mojɔ bo posa jimokuku jinaka na Mwembo, na posa jiMwembo jinaka na mokuku; jilonanaka oko bolonana, bo otakɔni ngando jipalaka no.

Bakɔlɔsai 1:28

Iso botɔndɔkɔ mwako monde; bolehaka bato basusu, na bokojaka bato basusu na bowɛi bosusu, bo bokwejae a boso boNjambe moto na moto mobɔngɔke a tei eMasiya.

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

Baebele 13:21

Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

Yakobo 1:26

Isa moto alɛkɛ bo adi na ejimeli ai Njambe, pɛ ko bogbokeja yemi ende, akoseaka molema monde mɛnɛ; ejimeli emoto omina edi eka engasa.

Yakobo 1:4

Lingbangba ko libwani bokɔ elomu ebɔngɔke mɛnɛ bo odaeni bato babɔngɔke, pɛ botaka nongo mokina mojɔ.

Yakobo 2:10

Mojɔ bo, moto aka-kputoa na mojɔ momɔci pɛ, adi na lindo jiMibeko misusu, nongo akasuma misusu mitongo.

1 Pɛtɛlo 3:10

Mojɔ bo, Isa moto apalaka mohelo, Isa apalaka bonɛ masu mapele, Yɛ akine bobala bobe na yemi ende, Na bokosea na biposo bimonɔkɔ monde.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.