Monɔngɔ ai no basɔni na BaPalusi, no bakosei! Mojɔ bo odipakani njea eBokumu boDiko ai bato. Otakweakani ena no bɛne, na otapakani njea ebokwea ai bato baya bapalaka bokwea.
Monɔngɔ ai no basɔni na BaPalusi, no bakosei! Okatoakani ndako jibali-babogwa, na okoseakani mojɔ na bingeeli binu biyaibiyai. Mokindo monu mônɔ na bopipo a mojɔ momina.
Bakina batɔndɔi na bakoja badaka a Denga diAntiokia; Balanaba na Simeona Nigela; Lukio, moto oKulene, na Manae (bamobɔkɔ na kumu Elode a bwɛngɛ bobu) na Saula.
Njambe akolea bato a tei eDenga, boso oko babwɛnji, na ngɔngɔ jibu oko batɔndɔi. Bacingi na bu ngɔngɔ oko bakoja, na bato baya bakɔkɔ mindumba, bato basengo, bakɔmeja, bato babilomu, bato bakɔpi jinɛnɛ.
Mojɔ bo, iso basusu bodi bo’ma a bohu a boso bomongbɛlɛngɔ moesambi eMasiya, bo moto na moto asɛ ndese ende a mojɔ mobopele, isa a mojɔ mobobe bokɔ yo a mokuku mu.
Sumakani basuku banu, na kɔni o apalaka bo, mojɔ bo badi o banjeli bamilema minu, o bato baya badi boneja elomu ebu. Kɔni bo elomu ebu edae na sepi, te nongo na manji, osaka samboani no bɛnɛ.