Tito 3:7 - Nouveau Testament en Ngombe 1961

⁷ bo bolonge cina emo-nganji monde, na bo bodae basangoli babomɔ bua bodi na bosusu o adi so na njingo.

Tito 3:7 ပူးပေါင်းရင်းမြစ်များ

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Malako 10:17

Amana Yesu a bodala a njea, moto omɔci apota ai yo. Atita na magbunda a boso bonde na amohɔjɔ bo, Mokoja mopele, êkɔ mbi ndeni bo nasangoe bomɔ bua bodi na bosusu?

Baloma 11:6

Bohɔ bomina bodi a mojɔ momonganji moNjambe, te nongo a mojɔ mobilomu. Eipeta da boa, ka monganji moNjambe moditi monganji mosoti.

Baloma 3:24

Balongaka ko na monganji moNjambe o epeeli, a mojɔ molisiko lia lidi a tei eYesu Masiya.

Baloma 3:28

Mojɔ bo, iso bojebaka bo moto adi bolonga oko a mojɔ moejimeli, te nongo a mojɔ mobilomu biMibeko.

Baloma 4:16

Mojɔ mosusu mocingi oko na ejimeli pɛ. Oko boa koko, sako emina edi mojɔ momonganji moNjambe, na edi ai bana basusu baAbalayama—te nongo ai baya bajimaka Mibeko pɛ, oko ai baya badi na ejimeli eAbalayama; mojɔ bo, yo adi tata osu basusu.

Baloma 4:4

Moto akakɔ elomu, likonja lisɔkɔ yo liditi epeeli; abwani bosɔ likonja limina.

Baloma 8:17

Isa bodi bana, bodi koko sangoli, sangoli jiNjambe, na bosangoanaka na Masiya. Bokadingoa na nde, bodi bokuma na nde pongono.

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

Bagalata 2:16

bojebaka bo moto adi bolonga oko a mojɔ moejimeli ai Yesu Masiya pɛ, te nongo a mojɔ mobilomu biMibeko; mojɔ bo so bɛnɛ bojimea Masiya Yesu bo bolonge a mojɔ moejimeli ai Masiya, te nongo a bilomu biMibeko; cina bo pɛpɛ nongo moto odi bolonga a mojɔ mobilomu biMibeko.

Bagalata 3:29

Isa odini bato baMasiya, odini bana baAbalayama, na basangoli banjikano.

Bagalata 4:7

Oko boa oditi koko mobuli, odi mwana mɛnɛ. Na adi wɛ mwana, odi sangoli, cina emonganji moNjambe.

2 Batɛsalɔnike 2:16

Yɛ Kumu osu Yesu Masiya yo mɛnɛ, na Njambe Sangwa’su, yona opala so na opa so bogɔmbeja bua bodi na bosusu, na njingo epele oko na monganji monde. Yɛ agɔmbejae milema minu na ambihmejae no a bilomu bisusu bipele, na bikenge bisusu bipele.

Tito 1:2

bo badae na njingo ebomɔ bua bodi na bosusu, bomɔ bodikeja Njambe a libangake mɛnɛ; na yo Pakputojake nongo sako.

Tito 2:11

Mojɔ bo monganji moNjambe moboloa a bohu a boheleja bato basusu.

Tito 2:13

Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

Baebele 1:14

Babwɛnji-baDiko basusu baditi miembo Mibokɔmeja? Abalomaka bo bakɔmɛe basangoli bamobelo.

Baebele 11:7

Noa asɔ eleho ai Njambe a mojɔ mo ngando jidaka yo pɛ bopeta nɛ na miso; ahokea, na ayoa masua oko a mojɔ moejimeli, bo ahelejae denga dinde. Oko boa adumba ngondo, na asangoa bodongo bua bocingi na ejimeli.

Baebele 11:9

Adaka mokɛndɛli a esika ebodikeja, oko a mojɔ moejimeli; edaka o esika ebato batongo, na yo apika bitondo a esika emina, bo adae ena na Isaka na Yakobo, basangoli na nde babodikeja bomɔci.

Baebele 6:17

Oko boa Njambe abɛlɛ bɛli pongono, mojɔ bo apala bo basangoli bandi-keja bacingee na soti bo bodikeja bonde botakputoa nongo.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

1 Pɛtɛlo 3:7

Ino bami pongono, toma dani na bolɛ ai Bali banu. Dani na lisuma ai bo, mojɔ bo badi ba yɛmbu. Ino na bo pongono odini basangoli bamonganji mobomɔ. Kɔni boa bo mokina mojɔ mosaka bindaneja bingeeli binu.