Tito 2:5 - Nouveau Testament en Ngombe 1961

⁵ bo badae na yongi epele, te nongo na ndukeli, bato babingi a elomu endako jibu, bato baepaeli na lisuma ai bami babu, bo Ebaeli eNjambe etasamboa.

Tito 2:5 ပူးပေါင်းရင်းမြစ်များ

Bikɔmɛli 9:36

Okina mocingami adaka a Yopa, kombe ende Tabita. (Cina ekombe emina edi Dɔkasi.) Mwali omina adaka na bingi enɛnɛ a mojɔ mobilomu bipele, na akɔkɔ bato monganji bou mɛnɛ.

Bikɔmɛli 9:39

Oko boa Pɛtɛlo angɔ na akɛ na bu. Yana amea yo, bakɛ na nde a ekenge endako a mboba ediko. Bali-babogwa basusu badaka ena na bamoyeaka. Ibo baneja Pɛtɛlo kasaka na lɔpu jima kɔ Dɔkasi, yana adaka yo a tei ebu.

Baloma 14:16

Isa mokina mojɔ mua modi mopele a miso mawɛ, modi mobe a miso mabato batongo, pɛ bokɔ mojɔ momina.

Baloma 2:24

Mojɔ bo mosɔnɔmɔ bo, Kombe eNjambe esamboi a tei ebapakano a mojɔ monu.

1 Bakolinto 11:3

Endele ko, napalaka bo ocingeeni bo Masiya adi molo momoto; molo momwali modi oko muma’nde; na Njambe adi molo moMasiya.

1 Bakolinto 14:34

edi bo bali badae bogo a makita maDenga. Baditi na kpaci ebobala, na Mibeko mibalaka bo badi boda na lisuma.

Baɛpɛsɔ 5:33

Oko boa, yɛ moto na moto adae na mwali onde ngɛnjɔ o asapalaka yo mɛnɛ, na mwali adae na lisuma ai muma’nde.

Bakɔlɔsai 3:18

Ino bali, toma dani na lisuma ai bami banu; obwanini boda boa a tei eKumu.

1 Timoteo 5:10

Adi boda na esako epele a mojɔ mobikɔmɛli binde bipele, mwali yona obɔkɔ bana, yona odaka na monganji ai bakɛndɛli, yona ososa bibota bibato baDenga, yona okɔmeja bato baya badaka na monɔngɔ, na odaka na bingi a ngando jisusu jipele.

1 Timoteo 6:1

Bato basusu baya badi a libuli babwani boda na lisuma ai baswa’bu, bo kombe eNjambe etasamboa, na bokoja bosu pongono.

Tito 2:4

Badi bopa bileho bipele; oko boa badi bokoja bali baya badi oko baseka pɛ, bo badae na epaeli ai bami babu na ai bana babu,