Matayo 7:11 - Nouveau Testament en Ngombe 1961

¹¹ Oko boa, isa ino ojebakani bopa bana banu leka lopele, nongo adi no bato babe, esingaiti Sangwa’nu yona odi oho Diko! Iyo âpa leka lopele ai baya bamongaka.

Matayo 7:11 ပူးပေါင်းရင်းမြစ်များ

Matayo 23:9

T’obeeni oko moto ya nase sangwa’nu; mojɔ bo odini na Sangwa’nu oko omɔci, na yo adi a Diko.

Matayo 7:10

Na mwana’nde akamo’nga swi, adi bomopa njɔ?

Yoane 3:16

Mojɔ bo Njambe apalaka ngondo na ngɛnjɔ yeye; apa Mwana’nde obotama omɔci pɛ, bo moto na moto yona omojimeaka asɛ bomɔ bua bodi na bosusu.

Baloma 3:19

Bojebaka bo bikenge bibalaka Mibeko bidi oko a mojɔ mobato baya badi cina jiMibeko. Oko boa pɛpɛ nongo monɔkɔ modi bosalongeja, na ngondo esusu edi bojima kpaci eNjambe a bosambeja.

Baloma 3:9

Oko boa nde? Iso BaYuda bodi na Iikina lilonga? Pɛpɛ nongo mweka! Mojɔ bo bonejai boso bo bato basusu boya badi a libuli libobe, BaYuda na BaEla pongono.

Baloma 8:32

Iyo aijuma Mwana’nde mɛnɛ; amopa a mojɔ mosu basusu. Oko boa, atabakea a epeeli ende, epeeli eleka losusu? Njambe akahɔ bato, odi bolanga bobe bobu nda? Njambe alongejaka.

Bagalata 3:22

Misɔnɔ ko minejaka bo bato basusu badi cina ebobe, bo baya bajimaka basɛ njikano, oko na ejimeli ai Yesu Masiya.

Yakobo 1:17

Bipeeli bisusu bipele, na toma jisusu jibɔngɔke, jihulaka oho diko ai Sango obohu bosusu. Iyo adi na bosusu oko tungu emɔci; esie ebohekoa bonde editi.

1 Yoane 3:1

Anjani ngɛnjɔ enɛnɛ epa Njambe so, bo so bodae na kombe jibana baNjambe. Na bodi bana baNjambe. A mojɔ momina, ngondo Pejebake so, mojɔ bo eimojeba yo.

1 Yoane 4:10

Iye edi ngɛnjɔ, te bo so bodaka na ngɛnjɔ ai Njambe, oko bo yo adaka na ngɛnjɔ ai so, na aloma Mwana’nde bo adae lisiko a mojɔ mojibe jisu.