Matayo 5:3 - Nouveau Testament en Ngombe 1961

³ Bojongoa ai bato baya basatitejaka a milema, mojɔ bo Bokumu boDiko bodi oko ai bo.

Matayo 5:3 ပူးပေါင်းရင်းမြစ်များ

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

Matayo 11:6

Bojongoa ai moto yona otabunga mojɔ mombi.

Matayo 13:16

Ino odini na bojongoa, mojɔ bo miso manu madi na njɛnɛ, na matoi manu madi na njoki.

Matayo 19:14

Yesu ko abala bo, Kinani bana ba bakɛkɛ; yɛni badoe ai mbi, mojɔ bo Bokumu boDiko bodi oko ai bo.

Matayo 24:46

Moswa’nde akahula, na akamotana a elomu, adi bosepa na mokɔmɛli omina.

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Matayo 3:2

Abala bo, Hekojani milema minu, mojɔ bo Bokumu boDiko boba’i mea,

Matayo 8:11

Mbi natɔndɔkɔ no bo bato banenɛ badi bodonga a ɛsɛta na wɛsɛta, na bâda a bidie bibu a dɔngɔ diAbalayama na Isaka na Yakobo a Bokumu boDiko.

Malako 10:14

Yana anɛ Yesu mojɔ momina akɛnjɔ oko bokɛnjɔ, na abala na bu bo, Kinani bana bakɛkɛlɛkɛ badoe ai mbi; yɛni bobasia, mojɔ bo Bokumu boNjambe bodi oko ai bato baya badi o bana baba.

Luka 11:28

Yesu ko abala bo, Badi na bojongoa soti oko baya ba’kaka na basumaka Ebaeli eNjambe.

Luka 18:14

Mbi natɔndɔkɔ no bo yo ayana a ndako ende na lilonga, te nongo yona otongo. Mojɔ bo moto na moto yona osakumejaka, âsamboa; yona ko osatitejaka âsɔ ekumu.

Luka 22:29

Sangwa’mbi apani bokumu. A mojɔ momina, mbi napaka no bisika a bokumu bombi,

Luka 22:30

bo oyakeni na omwakeni a mesa mambi; na ôdani a mingbɛlɛngɔ a bosambeja makota maYisalaele domi-na-mabae.

Luka 4:18

Mwembo moKumu modi ai mbi, Gina bo ahɛngɛ mbi a botɔndɔ bato babokwali Mwako Mopele; Alomini bo najebejae masungu mojɔ mobocingoa, Bo natɔndɔe bato baya bagwa miso mojɔ mosengo emiso; Alomini bo nabuke minyɔlɔ mibato baya bagboki,

Yoane 20:29

Yesu abala na nde bo, Wɛ ojimi mojɔ bo oni mbi na miso. Bojongoa ai bato baya bajimaka, nongo adi bo pɛ bonɛ na miso.

Yakobo 1:10

na moto olikonja akasamboa, yɛ asepe pongono, mojɔ bo yo adi bogwa o agwaka malɛkɛ manjienjie.

Yakobo 1:12

Moto akahɔnɔ bomeka, moto omina adi na bojongoa; mojɔ bo, akapasama adi bosɔ likongo libomɔ lidikeja Njambe ai baya bamo-palaka.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

Boboloja 19:9

Obwɛnji abala koko na mbi bo, Sɔnɔ mojɔ mu; Bojongoa ai bato baya babeami a libonje libolongana boMwana-Bata. Na abala na mbi bo, Bikenge bimina bidi bikenge biNjambe na soti mɛnɛ.

Boboloja 22:14

Bojongoa ai bato baya basosaka bisenja bibu, bo badae na njea ebodoa a mole mobomɔ, na njea ebokwea a midipe mingando.

Boboloja 3:17

Obalaka bo, Mbi nadi konji; nakonji makonja manɛnɛ; pɛpɛ nongo eka etakaka na mbi. Otajebaka bo odi na esɔpi, na eduku, na bopu, na miso magwake, na bo odi mbundu.