Matayo 27:4 - Nouveau Testament en Ngombe 1961

⁴ Abala na bu bo, Mbi nakɔi mojɔ mobe. Nakabi mopindea. Bamosɔmbeja bo, Mojɔ mowɛ mɛnɛ, te mosu!

Matayo 27:4 ပူးပေါင်းရင်းမြစ်များ

Matayo 27:19

Yana adaka Pilato a mongbɛlɛngɔ moesambi, mwali onde amolomea monɔkɔ bo, Pɛ bokɔ nongo mojɔ ai moto yona obodongo; mojɔ bo mbi nati njɔti a mojɔ monde, na nadi na monɔngɔ monenɛ a mojɔ momina busa bu.

Matayo 27:54

Kapitɛni obasoda, na baya badaka na nde a bokɛngɛlɛ Yesu, yana anɛ bo bojonga bongondo, na mijɔ mia mitongo, bangbɛngbɛmɛ na bɔ. Babala bo, Moto yoyo adaki Mwana oNjambe soti!

Luka 23:22

Pilato abala na bu bala ejisato bo, Mojɔ moye? Bobe bokɔi yo nda? Mbi naniti nongo mojɔ na nde mua mobwani na mokindo mobogwa. Oko boa nadi bomotua, na nâmocingoa.

Luka 23:41

Iso bobwani na mokindo momina; bosɔkɔ oko ndese ejibe jisu; yo ko akɔiti nongo mojɔ mobe.

Luka 23:47

Yana anɛ kapitɛni obasoda mojɔ momina, asakaoa Njambe, na abala bo, Iyo adaki moto mopele soti.

Yoane 19:7

BaYuda bamosɔmbeja bo, Iso bodi na mobeko. A mojɔ momobeko momina, mokindo mua mobwani na nde modi oko bogwa. Mojɔ bo abali bo adi Mwana ’Njambe.

Bikɔmɛli 13:28

Nongo adaka bo pɛ bonɛ mojɔ na nde mua mobwana na mokindo mobogwa, ba ngɔɔnɔ Pilato bo amowejae.

Baloma 3:19

Bojebaka bo bikenge bibalaka Mibeko bidi oko a mojɔ mobato baya badi cina jiMibeko. Oko boa pɛpɛ nongo monɔkɔ modi bosalongeja, na ngondo esusu edi bojima kpaci eNjambe a bosambeja.

1 Timoteo 4:2

cina epoloso ebakoja babokosea. Milema Mibato bamina midi o migo.

Tito 1:16

Batɔndɔkɔ na monɔkɔ bo bajebaka Njambe; bamonganaka ko na bikɔmɛli bibu. Badi bato babosambolu, bato balipanga; babɔngiti nongo na ekwa ekɔmɛli epele.

Baebele 7:26

Nganga monɛnɛ yona odi boa abwana na su soti, mosɛnɔke, pɛpɛ nongo lindo, pɛpɛ nongo litɔnɔ, mobɔtɔnɔke na babe, yona ongɔjɔmɔ a Diko yena enɔi.

1 Pɛtɛlo 1:19

osikoamani oko na makia mayumu maMasiya, o makia mamwana-bata yona opeliti nongo litɔnɔ, pɛpɛ nongo ehuli.

1 Yoane 3:12

Bobwaniti boda na ekɔmɛli eKaina, yona odaka moto oSatana na awa mwangwa’nde. Na awa mwangwa’nde mojɔ moye? Mojɔ ke bo bikɔmɛli binde mɛnɛ bidaka bibe, na bia bimwangwa’nde bidaka bipele.

Boboloja 11:10

Bato bangondo basepabí na enanga enɛnɛ, na bapanabí leka a mojɔ momina, cina bo batɔndɔi ba babae bama nɔngeja bato bangondo.