Luka 9:26 - Nouveau Testament en Ngombe 1961

²⁶ Isa moto a’kaka sɔni a mojɔ mombi na bibaeli bimbi, Mwana ’Moto âmokea sɔni yana âdoa yo a ekumu ende na ekumu eSango na babwɛnji basɛnɔke.

Luka 9:26 ပူးပေါင်းရင်းမြစ်များ

Matayo 16:27

Mojɔ bo, Mwana ’Moto adi bodoa na babwɛnji bande a ekumu eSangwa’nde, na adi bokaba ai moto na moto libondo lia libwani na bikɔmɛli binde a ehole emina.

Matayo 25:31

Mwana ’Moto akadoa na babwɛnji bande basusu a ekumu ende, adi boda a ngɛndɛ eekumu ende.

Matayo 26:64

Yesu amosɔmbeja bo, O abali wɛ. Mbi ko natɔndɔkɔ no bo odini bonɛ Mwana ’Moto na mobondo a dɔngɔ diebɔ ebami eNdangasa, na akadoe a diko dibiyembi biDiko.

Malako 8:38

Moto na moto yona okaka sɔni a mojɔ mombi na bikenge bimbi a tei eelulu ye ebɔɔli na bobe, Mwana ’Moto âmokea sɔni a bodoa bonde a ekumu eSangwa ’nde na babwɛnji basɛnɔke baDiko.

Yoane 12:43

Na esako ebato, na ekumu eNjambe, bapala gbo oko esako ebato.

Yoane 5:44

Ino odini bojima na ye? mojɔ bo osɔkɔni oko ekumu enu ai bato batongo; otadukakani nongo ekumu yena ehulaka ai Njambe pɛ.

Bikɔmɛli 10:22

Ibo basɔmbeja bo, Okina kapitɛni obasoda, kombe ende Kɔlunelio, asɔbi bwɛnji ai obwɛnji oDiko bo alome ndɔsɔ ewɛ a bosɔ eleho ewɛ; yo adi moto oyongi epele, asumaka Njambe, na adi na gala epele a tei eBaYuda basusu.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

2 Bakolinto 12:10

Oko boa, nasepaka na boyɛmbu, na biloli, na minɔngɔ, na madingoa, na jɔɔlɔ, a mojɔ moMasiya. Mojɔ bo, ehole edi mbi na bwɛmbu, ehole edi mbi na ngulu oko yena.

Bagalata 6:14

Mbi ko naditi nongo na ekina ekumu etongo, oko yena emole-mobokea moKumu osu Yesu Masiya, mojɔ bo ngondo ebakeama a mole-mobokea ai mbi, na mbi nabakeama a mole-mobokea a ngondo, a mojɔ monde.

1 Timoteo 5:21

Mbi nalehaka wɛ a hoso boNjambe, na Masiya Yesu, na babwɛnji baDiko baya bahɔmɔ, bo okɔe ngando jimina na bojo mɛnɛ; da na ekɔmɛli emɔci ai bato basusu amɛci.

2 Timoteo 1:12

na nadingoaka a mojɔ momina; pɛ mojɔ, naditi nongo na sɔni, cina bo mbi najebaka yona ojimaka mbi, na najebaka na soti bo yo abwani bobanea mua mopeja mbi yo, oko a Busa bomina.

2 Timoteo 2:12

Bokayeyoa na lingbangba, bôkumejama koko na nde. Bokamongana ko, yo adi bongana so.

Baebele 11:26

Na biloli a mojɔ moMasiya, na leka loyumu loEjipeto, yo ajima bo biloli a mojɔ moMasiya binɔi na yumu, mojɔ bo abakea miso mande a ndese.

Baebele 13:13

A mojɔ momina, atombaka so muna mobiloli a mojɔ monde, kinani bomane ai yo a sokolu engando.

Yuda 1:14

Anoka, yona odaka a elulu esambo ngɔngɔ jiAdama, apa koko eseko a mojɔ mobato bamina; abala bo, Anjani, Kumu akɛkɛ adoe na mandundu mabasɛnɔke bande

Boboloja 1:7

Hokeani; akɛkɛ adoe na biyembi. Miso masusu madi bomonɛ, na baya bamondea pongono. Na makota masusu mangondo mâyea bio a mojɔ monde. Ee, Amen.

Boboloja 20:11

Nanɛ ngɛndɛ enɛnɛ epu, na yona odaka a ngɛndɛ. Ngondo na busa bacia boso bonde, na baibo loa koko.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 3:5

Iyona ogbokejaka adi bolwa bisenja bipu boa, na mbi nitahakoa kombe ende a mokanda mobomɔ. Nâjima kombe ende a boso boSangwa’mbi na a boso bobabwɛnji bande baDiko.