Luka 8:13 - Nouveau Testament en Ngombe 1961

¹³ Ijia jidi a litai, oko baya bakaka na basɔkɔ ebaeli na sepi. Bapeliti ko njeli; ejimeli ebu etayeyoaka ehole eyai, na bangwaka a ehole ebomeka.

Luka 8:13 ပူးပေါင်းရင်းမြစ်များ

Malako 6:20

Aihɔnɔ ko, mojɔ bo Elode abangaka Yoane. Ajebaka bo adi moto obodongo, moto mosɛnɔke, na amokakela. Nongo adaka yo na mokakwano a molema yana akaka yo Yoane, amoka na sepi.

Luka 8:12

Ijia jidi a dɔngɔ dinjea, oko baya bakaka. Satana ko adoaka na acinoaka ebaeli emina a milema mibu, bo basaka jima na basaka hela.

Luka 8:14

Ngua jia jikwa a tei enjani jidi oko bato baya bakaka, bayanaka na bakinaka bo ebaeli egboke na mikakwano, na likonja, na ngando jingasangasa jingondo. Ibo babotaka oko mipapa pɛ.

Yoane 15:2

Iyo atɛndɔkɔ bitape bimbi bisusu bia bidi pɛ bobota mbuma. Na alenaka suka jibitape bisusu bia bibotaka, bo libota lihɛe.

Yoane 15:6

Moto amiti yeyoa a tei embi, âdumbama o ekɔmɛli eetape, na âhɔlɔngɔnɔ. Bandoaka bitape bimina, babidumbaka a mosa na bingoaka.

Yoane 5:35

Yoane adaka paka yena eyoaka, na epaka bohu; na odakani na posaa bosepa a mojɔ mobohu bonde ekina ehole.

1 Bakolinto 13:2

Namiti da na epaeli, nadi eka engasa mɛnɛ; nongo nakatɔndɔ mwako, nongo nakacingea ngando jibombamake, nongo nakada na ejebeli esusu, nongo nakada na ejimeli enɛnɛ a bodongeja meno minɛnɛnɛ, pɛ mojɔ.

1 Bakolinto 15:2

Ohelani oko na mwako momina, okamobaneani bopele—omiti kɔni boa, ejimeli enu edi eka engasa.

Bagalata 3:1

Ino BaGalatia, ino bindanga. Oseli no nda? ino baya banɛ na miso manu Yesu Masiya a mole-mobokea, bohu mɛnɛ.

Bagalata 3:4

Minɔngɔ minɛ no midaka oko ngasa? Isa midaka ngasa soti?

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Bakɔlɔsai 2:7

Kinani njeli jinu jidae a tei ende; dani bambilimake a diko dieyoeli ecina yena edi a tei ende, o asɔ no bokoja; dani koko na bosakoa bonɛnɛ ai Njambe.

1 Batɛsalɔnike 3:5

A mojɔ momina, naihɔnɔ bo’mba koko, na naloma bo najebe mojɔ moejimeli enu. Nadaka na mokakwano bo Momeki asaka meka no, na elomu esu esaka nama.

1 Timoteo 1:19

Pea ejimeli boku na molema mopele pongono. Bakina bato balona mojɔ momina, na bapengoi a njea eejimeli.

Baebele 10:39

Iso ko boditi bato baya basɔmbɔkɔ mandulendule bo bobunge, oko bato baya badi na ejimeli a boheleja miembo Mibu.

Yakobo 2:26

Mokuku mokada ngasa, pɛpɛ mwembo, modi oko mogwake; ejimeli edi koko boa; isa eciniti na bikɔmɛli edi eka ego.

Mokanda Momibae Mosɔnɔ Pɛtɛlo - 2PE 2:20

Mojɔ bo, isa babɔtɔnɔ na bosɔtɔ bongondo cina eejebeli eKumu na Moheleja osu Yesu Masiya, na basɔmbi koko, na bagboki na ngando jimina, moda mobu mongɔngɔ monɔi moda mobu moboso na bobe.

Mokanda Momibae Mosɔnɔ Pɛtɛlo - 2PE 2:22

Mokina mondɛ mosoti mongami na bu bo, Mbwa asɔmbi a mikango minde mɛnɛ; okasosa ngulube adi bosabilingana a masɛtɛ.

1 Yoane 2:19

Bahɔtɔnɔ na su oko bobɔtɔnɔ; baidaka bato basu. Akɔki bo da bato basu ka bayeyoi na su. Bamana ko, na mojɔ momina monejaka bo baditi bato basu, bo basusu mɛnɛ.

Yuda 1:12

Bato bamina badi mabaku a kola jinu. Bapehti nongo sɔni a mojɔ moma-tanga mabu. Posa jibu jidi oko ai bo bɛnɛ pɛ. Badi biyembi ngasa pɛ madiba, bia bipɛpɛnɛkɛ na pwea; badi o mele mikakanake miyanga mia midi mitete, Mibikoamake, mia migwi bihole bibae.