Luka 6:20 - Nouveau Testament en Ngombe 1961

²⁰ Yesu anja bacingami bande, na abala bo, Bojongoa ai no bato babokwali, mojɔ bo Bokumu boNjambe bodi ai no.

Luka 6:20 ပူးပေါင်းရင်းမြစ်များ

Matayo 11:5

Baya bagwa miso basɔkɔ njɛnɛ ebu. Bato bamitɛngu badalaka. Bato bamaba bahelaka. Bato babohoka badi na njoki, Bagwake bangɔi, na bato babokwali bakaka Mwako Mopele.

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Matayo 5:1

Yana anɛ Yesu bimumu bibato, awea a mokina mono. Adaka yo oho, bacingami bande badoa ai yo.

Luka 12:32

Yɛni bobanga, bwela bokɛkɛ, mojɔ bo mokano mopele moSangwa’nu modi bo apɛ no Bokumu

Luka 13:28

Okanɛni Abalayama, na Isaka, na Yakobo, na batɔndɔi basusu, a tei eBokumu boNjambe, yana âdumbama no bɛnɛ sokolu, ôyeani bio, na ôdani na bokpɛkpɛnɛ bomino oho.

Luka 14:15

Okina obu yona odaka na nde a mesa, yana aka yo mojɔ momina, abala na Yesu bo, Moto akayaka molɛmbɛ a Bokumu boNjambe âda na bojongoa.

Luka 16:25

Abalayama ko amosɔmbeja bo, Mwana, t’obosae oko bo wɛ osɔ libondo liwɛ lipele yana adaka wɛ a ngondo; Lazalo ko asɔ oko libondo libe. Edɛye ko yo adi na sepi ya, na wɛ odi na monɔngɔ.

Luka 4:18

Mwembo moKumu modi ai mbi, Gina bo ahɛngɛ mbi a botɔndɔ bato babokwali Mwako Mopele; Alomini bo najebejae masungu mojɔ mobocingoa, Bo natɔndɔe bato baya bagwa miso mojɔ mosengo emiso; Alomini bo nabuke minyɔlɔ mibato baya bagboki,

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

2 Bakolinto 6:10

Adi so na molɔbɔ, bosepaka bihole bisusu. Adi so bɛnɛ bato babokwali, bohɛjɛkɛ likonja libato batongo. Bodi boangasa; endele ko, leka losusu lodi oko ai so.

2 Bakolinto 8:2

Bamekama na monɔngɔ monɛnɛ, na badaka na bokwali bonɛnɛ; sepi ebu ko ehɛ oko hohɛ, na badaka na likabo linɛnɛ mɛnɛ.

2 Bakolinto 8:9

Ojebakani monganji moKumu osu Yesu Masiya; nongo adaka yo konji, akindoa moto obokwali a mojɔ monu, bo bokwali bonde bopɛ no makonja manɛnɛ.

1 Batɛsalɔnike 1:6

Okoanani na su, na Masiya pongono, yana asɔ no Ebaeli a minɔngɔ minɛnɛ, na osepani na sepi eMwembo Mosɛnɔke.

2 Batɛsalɔnike 1:5

Mojɔ momina modi embete bo Njambe asambejaka bojo; odingoakani a mojɔ moBokumu boNjambe, na yo abɔngejaka no a mojɔ moBokumu bomina.

Yakobo 1:12

Moto akahɔnɔ bomeka, moto omina adi na bojongoa; mojɔ bo, akapasama adi bosɔ likongo libomɔ lidikeja Njambe ai baya bamo-palaka.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

Boboloja 2:9

Mbi najebaka monɔngɔ mowɛ, na bokwali bowɛ (nongo adi wɛ na likonja). Najebaka mojɔ momasingi mabato baya baba-laka bo badi BaYuda, na baditi BaYuda; badi oko sinagoge eSatana.