Luka 6:13 - Nouveau Testament en Ngombe 1961

¹³ Yana ahoa busa, abolea bacingami bande. Ahɔ domi-na-babae a tei ebu, na ababakea kombe babwɛnji.

Luka 6:13 ပူးပေါင်းရင်းမြစ်များ

Matayo 10:2

Kombe jibabwɛnji domi-na-babae oko jiji; yona oboso oko Simona yona odi na kombe Pɛtɛlo, na mwangwa’nde Andalea; Yakobo mwana ’Sebede, na mwangwa’nde Yoane;

Matayo 19:28

Yesu abala na bu bo, Mbi natɔndɔkɔ no na soti bo Mwana ’Moto akadabí a ngɛndɛ eekumu ende a ngondo eyene, ino baya bacingami na mbi odabíni a mingbɛlɛngɔ domi-na-mibae a bosambeja makota maYisalaele domi-na-mabae.

Matayo 9:36

Yana anɛkɛ yo bimumu bibato, aba’keaka wa. Mojɔ bo badaka na mokakwano na bwɛmbu, o ekɔmɛli ebata baya bapeliti mobanei.

Malako 6:30

Babwɛnji batitana ai Yesu, na bamotɔndɔ ngando jisusu jima bo kɔ, na jima bo koja.

Malako 6:7

Abolea bacingami domi-na-babae, na abanga bobaloma babae-babae. Abapa kpaci a bomeja miembo mibe.

Luka 11:49

Bowɛi boNjambe bobala a mojɔ momina bo, Mbi nâbalomea batɔndɔi na babwɛnji; bâwa bakina, na bâdingoja batongo.

Luka 22:30

bo oyakeni na omwakeni a mesa mambi; na ôdani a mingbɛlɛngɔ a bosambeja makota maYisalaele domi-na-mabae.

Luka 6:14

Simona (amobakea koko kombe Pɛtɛlo), mwangwa ’nde Andalea, Yakobo na Yoane,

Yoane 4:33

A mojɔ momina, bacingami babalana bo, Isa moto amolwɛi eka a boyaka?

Bikɔmɛli 1:13

Amea bo oho, bakwea a ndako, oko a ekenge esamaka bo a mboba ediko. Badaka ena oko Pɛtɛlo na Yoane; Yakobo na Andalea; Pilipo na Toma; Balatelemi na Matayo; Yakobo mwana oAlape, Simona Selote, na Yuda mwana oYakobo.

Baɛpɛsɔ 2:20

Babwɛnji na batɔndɔi badi eyoeli-ecina enu, na Masiya Yesu yo mɛnɛ adi litai limogbukusu.

Baɛpɛsɔ 4:11

Na bipeeli bipa yo bidaka bo bakina bato badae babwɛnji, bakina batɔndɔi, bakina balehi, na bakina bo badae banjeli na bakoja,

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Mokanda Momibae Mosɔnɔ Pɛtɛlo - 2PE 3:2

bo otabosani mijɔ Mibala batɔndɔi basɛnɔke eyou, na mobeko moKumu na Moheleja mosɔ no ai babwɛnji banu.

Boboloja 12:1

Embete enɛnɛ emana oho Diko, oko mwali yona olwa modika-busa o bisenja. Songe adaka a cina jibibota binde, na adaka na likongo a molo monde, oko njɔtɔ domi-na-babae.

Boboloja 18:20

Sepani oho Diko a mojɔ mongando emina; Ino basɛnɔke, na babwɛnji-baDiko, na batɔndɔi, sepani koko, Mojɔ bo Njambe alongejai no na amodumbi yo.

Boboloja 21:14

Mongba mongando modaka na eyoeli-ecina, mboba domi-na-jibae, na kombe jibabwɛnji domi-na-babae ba-Mwana-Bata jidaka a mboba jimina.