Luka 4:25 - Nouveau Testament en Ngombe 1961

²⁵ Mbi natɔndɔkɔ no na soti bo, bali-babogwa badaka banɛnɛ a Yisalaele a masu maEha, yana adipama Diko bianga bisato na songe basamano, a ehole edaka linjale linɛnɛ a ngondo esusu.

Luka 4:25 ပူးပေါင်းရင်းမြစ်များ

Matayo 20:15

Nakapala bokɔ na likonja limbi boa, modi mojɔ mombi mɛnɛ. Odi na mbi lipɔle mojɔ bo nadi na likabo?

Luka 10:21

Yesu aluma na sepi eMwembo Mosɛnɔke a ehole emina, na abala bo, Sesa, Kumu oDiko na nase, mbi nasakoaka wɛ, cina bo obomba ngando ji ai bato babowɛi na bato baejebeli, na ojibolojai ai bana bakɛkɛ. Ee Sesa, monganji momina modaka bolulea bowɛ.

Baloma 9:15

Mojɔ bo Njambe abala na Mose bo, Nakajima bo nakee bato wa, nadi boba’kea wa. Nakajima bo nadae na molema moyɛmbu ai bato, nadi boda na molema moyɛmbu ai bo.

Baloma 9:20

Wɛ ko, wɛ moto, odi nda? Wɛ obwani boboma kitɛ na Njambe? Teni edi bobala na mobomi oteni bo, Okɔi mbi boa mojɔ moye?

Baɛpɛsɔ 1:11

Lisango lisu lidi a tei ende, lia lihɛngɛmɛ na mokano monde yona okɔkɔ ngando jisusu na bowɛi na bolulea bonde mɛnɛ.

Baɛpɛsɔ 1:9

Ajima bo ajebejae so cina ebolulea bonde, na aneja so bo cina emokano monde edi bo

Yakobo 5:17

Elia adaka moto na ekɔmɛli emoto o adi so bɛnɛ. Iyo anga Njambe na bingi bo mbua atakwa, na mbua aikwa a ngondo bianga bisato na songe basamano.

Boboloja 11:6

Ibo badi na kpaci a bokanda busa bo mbua atakwa a masu mabiseko bibu. Na badi na kpaci a bokindoja madiba makia, na a boloma bego bisusu a ngondo yana apalaka bo.