Luka 23:5 - Nouveau Testament en Ngombe 1961

⁵ Ibo ko bahɛjɛ bingi. Babala bo, Iyo apangoaka bato a makota masusu maYuda. Abanga bokoja oho Galile, na edɛye amei oko ya.

Luka 23:5 ပူးပေါင်းရင်းမြစ်များ

Matayo 11:1

Yana asieja Yesu bileho bimina ai bacingami bande domi-na-babae, adonga a esika emina bo akojae na atɔndɔe mwako a ngando jibu.

Matayo 2:1

Yana abotama Yesu a Bɛtɛlɛmɛ a likota liYuda, a ehole ekumu Elode, bato babowɛi badonga a ɛsɛta, na bamea a Yelusalema.

Matayo 27:24

Pilato anɛ bo mojɔ mobeha, na bo wokowoko ekɛke oko bohɛ. Oko boa yo atomba madiba, asosa mɔmɔ mande a boso bolikita, na abala bo, Lindo jimakia mamoto yo obodongo jiditi nongo ai mbi. Edi oko mojɔ monu.

Matayo 4:23

Yesu akɛ akadale a likota lisusu liGalile, Akoja bato a sinagoge; atɔndɔ Mwako Mopele moBokumu, na aheleja bato a bego na bipeko tungu jisusu.

Malako 1:14

Iyana asa bo Yoane a blɔkɔ, Yesu akɛ a Galile a botɔndɔ Mwako Mopele moNjambe.

Luka 11:53

Amana yo a esika emina, basɔni na BaPalusi badaka na nde oko soki, na babanga bomodingea na mahɔjɔ manɛnɛ.

Luka 23:23

Ibo ko babɛjɛ bingi; babekoa na bopipo, na ba’nga oko bo agwɛ a mole-mobokea. Oko boa Pilato aka minɔkɔ mibu.

Luka 23:6

Yana aka Pilato ekenge emina, ahɔjɔ isa Yesu adi moto oGalile.

Yoane 1:43

Ahoa koko busa, Yesu adaka na mokano a bokɛ a Galile. Atana Pilipo, na abala na nde bo, Cingama na mbi.

Yoane 19:15

Ibo babekoa bo, Modongeja! Modongeja! Mobakea a mole-mobokea! Pilato abala na bu bo, Nâbakea Kumu onu a mole-mobokea? Basuku banganga basɔmbeja bo, Iso boditi na okina kumu otongo, oko Kaisala pɛ.

Yoane 2:11

Yesu akɔ embete ye ende eboso oko a Kana, ngando eGalile, na aneja ekumu ende; na bacingami bande bamojimea.

Yoane 7:41

Batongo babala bo, Iyo adi Masiya. Bakina ko babala bo, Masiya adi bomana a Galile?

Yoane 7:52

Ibo bamosɔmbeja bo, Adi wɛ koko moto oGalile? Okaduka odi bonɛ bo motɔndɔi atamana nongo a Galile.

Bikɔmɛli 10:37

Ojebakani no bɛnɛ mojɔ mua mobanga a Galile na bokoja boYoane a mojɔ mobatisimo, na monangana a Yuda esusu.

Bikɔmɛli 23:10

Wokowoko ehɛ enɛnɛ, na kapitɛni adaka na bɔ isa badi bolakaka Paulo oko bolakaka. A mojɔ momina, abea basoda bo bamomanejae sokolu, na bakɛ na nde a ndako ebasoda.

Bikɔmɛli 5:33

Yana aka bo bikenge bimina, bakɛnjɔ kɛnjɔ enɛnɛ, na badaka na posa bo babawoe.

Bikɔmɛli 7:54

Yana aka bo bikenge bimina, bakɛnjɔ kɛnjɔ enɛnɛ a milema mibu, na bamokɔ bikɛɛlɛ bimino.

Bikɔmɛli 7:57

Ibo baditea matoi mabu, babekoa na bopipo, na bapota ai yo na mokano momɔci.