Luka 15:6 - Nouveau Testament en Ngombe 1961

⁶ Akamea a ndako ende, âbea bma’nde na mituteano minde, âbala na bu bo, Sepani na mbi, mojɔ bo nabolojai bata ombi yona odaka mobungake.

Luka 15:6 ပူးပေါင်းရင်းမြစ်များ

Luka 1:58

Mituteano minde, na bato badenga dinde, baka bo Kumu amokɔ monganji monɛnɛ, na basepa na nde.

Luka 15:10

Mbi natɔndɔkɔ no bo sepi edi koko boa a tei ebabwɛnji baNjambe a mojɔ momoto omɔci mobe yona ohekojaka molema monde.

Luka 15:24

Mojɔ bo mwana yoyo ombi yona odaka mogwake, adi koko mɔ; adaka mobungake, na aboloi. Oko boa babanga bosepa.

Luka 15:5

Akamoboloja, adi bomobakea a malɔkulɔku mande na sepi.

Luka 15:7

Mbi natɔndɔkɔ no bo, Sepi êda koko boa oho Diko a mojɔ momoto omɔci mobe yona ohekojaka molema monde. Sepi emina edi bonɔ sepi a mojɔ mobato babodongo domi-libwa na libwa baya baditi bohekoja milema mibu.

Yoane 15:14

Ino odini bma’mbi okakɔni ngando jibekeaka mbi no.

Yoane 3:29

Edi oko momi obolongana yona osɔkɔ mwali. Mina’nde momi ko asepaka a boka ebaeli ende, na adi bo’ma mema bo amohokee. Sepi embi edi oko boa; edi enɛnɛ mɛnɛ.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

Bikɔmɛli 15:3

Bato baDenga babasukeja a njea. Badalaa njea ePoinike na Samalia, na batɔndɔ baninga basusu bo bapakano bahekoa ai Njambe. Ibo basepa bou mɛnɛ na mojɔ momina.

Bafilipoi 1:4

Te nakinake bosepa a bingeeli bimbi bisusu a mojɔ monu basusu,

Bafilipoi 2:17

Ee, nongo makia mambi makasopea a diko di epeeli enu elitumbu, oko ejimeli enu, nadi na sepi, na nasepaka na nu basusu.

Bafilipoi 4:1

A mojɔ momina, baninga bambi baepaeli, toma dani bambilimake boa a tei eKumu. Mbi nadi na posa ai no; sepi embi edi ai no, na odini ekumu embi.

1 Batɛsalɔnike 2:19

Njingo esu, na ekumu esu, na likongo lisu lisepi nda, a boso boKumu osu Yesu a bodoa bonde? te no?

1 Pɛtɛlo 2:10

Odakani boso bato bangasa; e dɛye ko odini bato baNjambe. A ehole emina, oipaka, sɔni monganji moNjambe; e dɛye ko osini monganji moNjambe.

1 Pɛtɛlo 2:25

Odakani o bata balaboake; e dɛye ko ohulini ai Monjeli na Mobanei omiembo minu.