Luka 13:34 - Nouveau Testament en Ngombe 1961

³⁴ Ee Yelusalema! Yelusalema! Owakani batɔndɔi, na olakani bato matai baya badoaka na bwɛnji ai no. Mbi nadaka na posa bihole binɛnɛ bo nabolee bana banu, o aboleaka kɔkɔ bana bande bo babolame a cina jimapapulapu mande, ino ko oipalakani.

Luka 13:34 ပူးပေါင်းရင်းမြစ်များ

Matayo 22:3

Aloma bakɔmɛli bande a ndɔsɔ ebato baya bama yo bea a lihango. Ibo ko balona bodoa.

Matayo 22:6

Bakina batongo bapea bakɔmɛli bande, babasamboja, na babawa.

Luka 15:28

Mwana omina akɛnjɔ na alona bokwea. Sangwa’nde amana, na amongɔɔnɔ bo akwee.

Luka 19:44

Bâdumba wɛ nase, na bana bawɛ baya badi a tei ewɛ pongono. Batakina nongo litai liwɛ limɔci a diko dilitai litongo, mojɔ bo oijeba ehole edoa Njambe ai wɛ.

Luka 23:28

Yesu ko ahekoa, abala na bn bo, Ino bana-bali baYelusalema, t’oyeeni oko a mojɔ mombi; yeani oko a mojɔ monu bɛnɛ na bana banu.

Bikɔmɛli 7:52

Batata banu baikputoa bodingoja batɔndɔi basusu. Bawa batɔndɔi baya batɔndɔ eyou bo Yona Mosɛnɔke adi bodoa ngɔngɔ. Ino ko odini bakabi na bawoi bande,

Bikɔmɛli 7:59

Yana alaka bo Sɛtɛpano matai, yo anga bo, Kumu Yesu, asɔ mwembo mombi.

Bikɔmɛli 8:1

Bato baDenga diYelusalema babanga bonɛ monɔngɔ monɛnɛ a busa bomina, na banangana bo basusu a Yuda na Samalia. Badika a Yelusalema oko babwɛnji pɛ.

Boboloja 11:8

Njemba jibu jidikabí a licilinga lingando yena enɛnɛ; kombe engando emina edi oko mondɛ, edi Sɔdɔmɔ na Ejipito, esika egwa Kumu a mole-mobokea.