Luka 13:24 - Nouveau Testament en Ngombe 1961

²⁴ Iyo abala na bu bo, Kɔni na ngulu enu esusu bo okweeni a modipe mokototake. Mojɔ bo mbi natɔndɔkɔ no bo bato banɛnɛ badi bokenga bokwea ena, na batabɔnɔ bokwea.

Luka 13:24 ပူးပေါင်းရင်းမြစ်များ

Matayo 11:12

Bato babanga bokwea a Bokumu boDiko na bopipo a masu maYoane Mobatisi, na edɛye pongono, bato babotepeli bakweaka ena na bopipo.

Luka 13:23

Okina moto abala na nde bo, Kumu, badi bohela oko bakina bato pɛ?

Luka 21:36

A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.

Yoane 13:33

Bana bambi bakɛkɛ, mbi nitada koko na nu ekoka. Ino ôdukani mbi. Mbi ko nabalaka na nu edɛye, o abali mbi na BaYuda bo, Otahɔnɔkɔni bodoa a esika ekɛkɛ mbi.

Yoane 5:4

mojɔ bo obwɛnji oDiko atita oko a lilebo bikina bihole, na madiba matɔkɔ. Na moto yona otitea a madiba boso yana atɔkɔ madiba, ahela a yogo ende.)

Yoane 6:27

T’okɔeni oko elomu a mojɔ modia dia dibehaka; kɔni ko a mojɔ modia dia diyeyoaka oko a bomɔ bua bodi na bosusu. Mwana ’Moto âpa no dia dimina, mojɔ bo Sango abakea embete ende ai yo.

Yoane 7:34

Ino ôdukani mbi, pɛ ko boboloja mbi, na otahɔnɔkɔni bomea a esika edi mbi.

Yoane 8:21

Yesu abala koko na bu bo, Mbi nakɛkɛ nayane. Ino ôdukani mbi, na ôgwani a bobe bonu. Otahɔnɔkɔni hodoa a esika ekɛkɛ mbi.

Baloma 10:3

Baduka njea ebu bɛnɛ ebodongo, mojɔ bo baimbetea njea ebodongo boNjambe, na baijima bodongo bonde.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

Baebele 4:11

A mojɔ momina, bobwani boda na bingi a bokwea a liheme limina, bo pɛpɛ nongo moto odi bokwa na ekɔmɛli emina elipanga.

Mokanda Momibae Mosɔnɔ Pɛtɛlo - 2PE 1:10

Oko boa baninga, dani na bingi a bongameja bobea bonu na bohɔ bonu. Okakɔni boa otasakani nongo libaku.