Luka 11:41 - Nouveau Testament en Ngombe 1961

⁴¹ Enɔi na bopele bo osɛnojaeni ngando jia jidi a tei enu; oko boa bikɔmɛli binu bisusu bidi bobɔngɔ.

Luka 11:41 ပူးပေါင်းရင်းမြစ်များ

Matayo 26:11

Bato babokwali badi na nu na bosusu; mbi ko naditi na nu na bosusu.

Matayo 5:42

Moto aka’nga wɛ eka, mopa; t’obulɛe oko moto yona opalaka boboa njabo ai wɛ.

Malako 7:19

Gina bo, etakweaka nongo a molema monde. Ekweaka oko a sɔpɔ, na emanaka a njima; oko boa, mia masusu mabwani na boyaka.

Luka 12:33

Ingɛjɛni leka lonu; kɔni matɔngi malikonja a mojɔ monu maya matagwa; sɛlingoani likonja liyumu oho Diko lia litasia nongo, mojɔ bo mobi atabatama oho, na mosokoto pɛ bobeja.

Luka 16:9

Mbi natɔndɔkɔ no bo, Bolojani babinao na likonja linu, nongo likada eka ebe, Oko boa likataka na nu, badi bosɔ no a ndako jibu na bosusu.

Luka 18:22

Aka Yesu ekenge emina, abala na nde bo, Mojɔ motaki na wɛ oko momɔci pɛ. Peta’ngɛjɛ Ieka lowɛ losusu, pa likonja limina ai bato babokwali, bo okonje leka lonɛnɛ loyumu oho Diko; osa ko odoe a bocingama na mbi.

Luka 19:8

Sakayo ko ama; abala na Kumu bo, Kumu, ika; mbi nadi bokaba leka lombi mabondo mabae, na nâpa likina ai bato babokwali. Isa natombi eka emoto na bokosea, nâmosɔmbeja leka lonɛi.

Bikɔmɛli 10:15

Aka koko kɔpi emina bo, Isa Njambe asɛnojai eka, wɛ obwaniti boenyamoa.

Bikɔmɛli 11:29

A mojɔ momina, bacingami bajima bo balome toma a bokɔmeja baninga baya badaka a Yuda, moto na moto o abwana yo bokɔ.

Bikɔmɛli 24:17

Ama mbi yeyoa bohali bianga binɛnɛ, nami doa oko a bokɔ bato balikota limbi monganji, na a bopa bipeeli.

2 Bakolinto 8:12

Isa moto adi na posa ebopa epeeli, abwani bopa libondo lilikonja lipeli yo; isa apeliti likonja abwaniti bopa.

Baɛpɛsɔ 4:28

Isa moto adaka mobi, abwaniti boba na ikina. Abwani bokɔ elomu epele na mɔmɔ mande, bo adihe likonja a bopa baya badi na taka.

Tito 1:15

Ngando jisusu jidi jisɛnɔke ai bato basɛnɔke. Pɛ nongo mojɔ momɔci ko modi mosɛnɔke ai bapɔke na ai bato baya badi pɛ bojima, mojɔ bo milema Mibu, na bilɛli bibu, bidi bipɔke.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

Baebele 6:10

Mojɔ bo Njambe t’abungake mojɔ; atabosa elomu enu, na epaeli enejaka no a kombe ende yana akɔmɛkɛ no bato baNjambe, na obakɔmɛkɛni oko e dɛye.

Yakobo 1:27

Ejimeli esoti yena edi na bosɛnɔ a miso maNjambe Sangwa’su edi oko ye,—a bonja bana-bamalike na bali-babogwa a minɔngɔ Mibu, na a bosabanea, pɛpɛ nongo litɔnɔ lipita jingondo.