Luka 10:22 - Nouveau Testament en Ngombe 1961

²² Sangwa’mbi apa leka losusu ai mbi. Pɛpɛ nongo moto ojebaka yona odi Mwana; Sango pɛ ajebaka. Na pɛpɛ nongo moto ojebaka yona odi Sango; Mwana pɛ ajebaka. Mwana akapala, adi bomoboloja ai moto.

Luka 10:22 ပူးပေါင်းရင်းမြစ်များ

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

Matayo 11:27

Sangwa’mbi apani kpaci a ngando jisusu. Pɛpe nongo moto ojebaka Mwana. Edi oko Sango pɛ yona omojebaka. Pɛpɛ nongo moto ojebaka Sango. Edi oko Mwana pɛ yona omojebaka, Na Mwana akajima, amobolojaka ai bato bo bamojebe.

Matayo 28:18

Yesu abatama na bu, na abala na bu bo, Kpaci esusu epami ai mbi oho Diko na ya nase.

Yoane 1:18

Pɛpɛ nongo moto onɛ Njambe; Mwana-sɔmi omɔci ko yona odi a bupa boSango amobolojai ai so.

Yoane 10:15

o ajebaka mbi Sango na ajebaka Sango mbi. Mbi napaka mohelo mombi a mojɔ mobata.

Yoane 13:3

Yesu ajeba bo Sango ama kina ngando jisusu a mɔmɔ mande. Ajeba koko bo ama donga ai Njambe, na bo adi bosɔmbɔ ai Njambe.

Yoane 17:10

Ngando jimbi jisusu jidi ai wɛ, na ngando jiwɛ jisusu jidi ai mbi.

Yoane 17:2

Wɛ omopa kpaci ai bato basusu, bo apɛ bomɔ bua bodi na bosusu ai bato basusu bamopa wɛ.

Yoane 17:26

Mbi nabolojai kombe ewɛ ai bo, na nâeboloja koko, bo ngɛnjɔ edi wɛ na mbi edae a tei ebu, na mbi a tei ebu.

Yoane 17:5

Sesa, kumeja mbi edɛye a boso bowɛ mɛnɛ, oko na ekumu yena edaka na mbi a boso bo wɛ oko ngondo epetakini yoama.

Yoane 3:35

Sango adi na ngɛnjɔ ai Mwana, na akina mijɔ misusu a mɔmɔ mande.

1 Bakolinto 15:24

Ngɔngɔ jimina, suka emijɔ misusu edoabí. A ehole emina, oko amaka gbokeja makumu masusu, kpaci jisusu, ngulu esusu, asɔmbejabí bokumu ai Njambe Sango.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

Baɛpɛsɔ 1:21

bo anɔe bakumu basusu bou mɛnɛ, na kpaci jisusu, na ngulu jisusu, na makumu masusu, na kombe jisusu boya jia jidi a ehole ye, na a ehole ebodoa.

Baebele 2:8

Odeja ngando jisusu a cina jibibota binde. Yana amopa yo kpaci a ngando jisusu, Njambe aikina nongo eka emɔci yena editi a kpaci ende. Endele ko, so bonɛkini ngando jisusu a cina ekpaci ende.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.

2 Yoane 1:9

Moto yona okinaka njea, pɛ boyeyoa a bokoja boMasiya, aditi na Njambe a tei ende. Yona oyeyoaka a bokoja boMasiya, adi na Sango na Mwana pongono a tei ende.