Luka 10:2 - Nouveau Testament en Ngombe 1961

² Abala na bu bo, Lituna lindongo lidi linɛnɛ; basali ko badi oko baleka pɛ. Oko boa, mgakani Kumu olituna bo alome basali a lituna linde.

Luka 10:2 ပူးပေါင်းရင်းမြစ်များ

Matayo 20:1

Mojɔ bo Bokumu boDiko bodi o moswa’ elomu yona omana ehuma a boduka basali a mojɔ moelomu egbie ende.

Malako 13:34

Mojɔ momina modi o moto yona okɛkɛ mokina mɔngɔ. Akinaka ndako ende a mɔmɔ mabakɔmɛli bande, moto na moto na elomu ende, na akinaka monɔkɔ na sinjili bo abanee ngando bopele.

Malako 16:15

Abala na bu koko bo, Kɛni a ngondo esusu; tɔndɔni bato basusu boya Mwâko Mopele.

Malako 16:20

Ibo ko bakɛ, na batɔndɔ Mwako Mopele a bisika bisusu. Kumu abakɔmeja a elomu, na angameja Ebaeli na bimbete bia bidaka bicingi na Ebaeli.

Luka 9:1

Yesu abolea bacingami bande domi-na-babae. Abapa ngulu na kpaci a bodumba miembo mibe, na a boheleja bato a bego.

Bikɔmɛli 11:19

Bato baya banangana a mojɔ momonɔngɔ mua mobanga na Sɛtɛpano, bakɛ a Poinike na Kupulio na Antiokia, na batɔndɔ Mwako Mopele oko ai BaYuda pɛ.

Bikɔmɛli 13:2

Yana akɔmɛkɛ bo Kumu na bosakoa na bokia bodia, Mwembo Mosɛnɔke mobala bo, Hɛngɛni ai mbi Balanaba na Saula a mojɔ moelomu ebahɔi mbi.

Bikɔmɛli 13:4

Mwembo Mosɛnɔke mobaloma boa na bakɛ a Sɛlukia. Batamba a masua a esika emina, na bakɛ a Kupulio.

Bikɔmɛli 20:28

Mwembo Mosɛnɔke mohɔ no habanei babwela a bobɔkɔ Denga diNjambe dia disikoa yo na makia mande mɛnɛ. A mojɔ momina toma sabaneani no bɛnɛ, na baneani bwela bosusu pongono.

Bikɔmɛli 22:21

Na Kumu abala na mbi bo, Kɛ; mbi nadi boloma wɛ bohali ai bapakano.

Bikɔmɛli 8:4

Bato baya banangana batɔndɔ mwako a bisika bisusu.

1 Bakolinto 12:28

Njambe akolea bato a tei eDenga, boso oko babwɛnji, na ngɔngɔ jibu oko batɔndɔi. Bacingi na bu ngɔngɔ oko bakoja, na bato baya bakɔkɔ mindumba, bato basengo, bakɔmeja, bato babilomu, bato bakɔpi jinɛnɛ.

1 Bakolinto 15:10

Nadi adi mbi, oko a mojɔ momonganji moNjambe, na monganji monde ai mbi moinama. Mbi nakɔ elomu epipo, pɛpɛ nongo okina obu obwana na mbi a njea emina; mbi mɛnɛ ko naikɔ, oko monganji moNjambe mua modi ai mbi.

2 Bakolinto 6:1

Akɔkɔ so elomu na Njambe yo mɛnɛ, bongɔɔnɔkɔ no bo otasɔni monganji moNjambe esɔ’sɔ.

Bafilipoi 2:21

Ibo batongo balɛkɛ oko ngando jibu bɛnɛ pɛ, te nongo jia jiMasiya.

Bafilipoi 2:25

Mbi ko najimi bo nalomee no e dɛye mwangwa’mbi Epapu-lodito yona ocingami na mbi a elomu na a bila, obwɛnji onu ai mbi na toma jinu a bokɔmeja mbi a taka embi.

Bafilipoi 2:30

Mojɔ bo yo apaka gwa a elomu eMasiya; na apa njupi bo akɔmɛe mbi a kombe enu.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

1 Batɛsalɔnike 2:9

Baninga, otabosakani elomu na monɔngɔ mosu. Yana atɔndɔkɔ so Mwako Mopele moNjambe a tei enu, bokɔkɔ elomu mabulu na mei bo botada nongo muna ai no.

1 Batɛsalɔnike 5:12

Iso bongɔɔnɔkɔ no baninga bo odaeni na lisuma ai bato baya bakɔkɔ elomu a tei enu, baya badi basuku banu a tei eKumu na balehaka no.

2 Batɛsalɔnike 3:1

Mojɔ motongo baninga,—mgakani a mojɔ mosu, bo Ebaeli O eKumu enangane na egbokejae o akɔi yo a tei enu.

1 Timoteo 4:10

A mojɔ momina so bokɔkɔ elomu na bosamboaka, cina bo njingo esu edi ai Njambe obomɔ, yona odi Moheleja obato boya, gbo oko baya bajimaka.

2 Timoteo 4:5

Wɛ ko, sabekea bihole bisusu. Da na eci a tei ebodingoa. Kɔ elomu emotɔndɔi oMwako Mopele. Kɔ ngando jisusu jia jicingi na elomu ewɛ.

Pilemona 1:1

Mbi Paulo, lisungu liMasiya Yesu, na Timoteo mwangwa’su ai Pilemona moninga osu a elomu,

Baebele 3:6

Masiya ko adaka na lisuma limwana a ndako eNjambe. Ndako emina edi oko so, bokapea boku oko a suka ejimeli esu, na njingo esu yena edi ekumu esu.

Boboloja 2:1

Sɔnea obwɛnji oDenga diƐpɛsɔ bo, Iyona opeaka njɔtɔ sambo a ebɔ ende ebami, yona odalaka a ndanda epaka jiwɔlɔ sambo, abalaka mijɔ mimi.