Baɛpɛsɔ 6:13 - Nouveau Testament en Ngombe 1961

¹³ A mojɔ momina, toma tombani molilo mosusu mobila moNjambe, bo ohɔneni bila a busa bua bobe; na omaka gbokejani, osa ko odikaeni oko bambilimake.

Baɛpɛsɔ 6:13 ပူးပေါင်းရင်းမြစ်များ

Luka 21:36

A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.

Luka 8:13

Ijia jidi a litai, oko baya bakaka na basɔkɔ ebaeli na sepi. Bapeliti ko njeli; ejimeli ebu etayeyoaka ehole eyai, na bangwaka a ehole ebomeka.

Baloma 13:12

Bulu bobengi bosia, na busa bobengi bohoa. Yɛni so bobulɛe ngando jimodidi bo bolwae molilo mobohu.

2 Bakolinto 10:4

Mojɔ bo molilo mosu mobila moditi molilo mongondo; molilo momina ko modi na ngulu eNjambe a bogbokeja bisika bipipo bisoki.

Baɛpɛsɔ 5:16

Pɛ bonamejani masu manu, mojo bo masu ma madi mabe.

Baɛpɛsɔ 5:6

T’ojimeni oko bo moto akosee no na ebalabala, mojɔ bo kɛlɛ eNjambe edi ai bana balipanga a mojɔ mongando jimina.

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

Yakobo 4:7

Oko boa toma sumani Njambe. Imani a bona na Satana na adi bocia no.

1 Pɛtɛlo 4:1

Masiya adingoa a mokuku; oko boa sapingejani koko na bolɛ bomina. Mojɔ bo moto yona odingoi a mokuku akini bokɔ bobe,

Boboloja 3:10

Ehole ebomeka ekɛkɛ adoe a ngondo esusu a bomeka bato bangondo. Mbi ko nadi bobanea wɛ a ehole emina, mojɔ bo obanea ebaeli embi na lingbangba.

Boboloja 6:17

Mojɔ bo busa bonɛnɛ bolikundu libu bomei; odi bohɔnɔ husa bomina nda?