Baɛpɛsɔ 5:27 - Nouveau Testament en Ngombe 1961

²⁷ Akɔ boa bo Denga dimae a boso bonde na ekumu enɛnɛ, lihɛngɛmɛke na lisɛnɔke, pɛpɛ nongo litɔnɔ, isa maninginingi, isa mojɔ motongo.

Baɛpɛsɔ 5:27 ပူးပေါင်းရင်းမြစ်များ

2 Bakolinto 11:2

Nadi na likaka a mojɔ monu, na likaka limina lihuli ai Njambe, mojɔ bo mbi nahanga no moki o moseka mosɛnɔke ai muma’nde omɔci, bo napɛ no ai Masiya.

2 Bakolinto 4:14

mojɔ bo bojebaka bo yona ongɔjɔ Yesu a bogwa, adi bongɔjɔ so na Yesu, na adi bokweja so na nu a boso bonde.

Baɛpɛsɔ 1:4

Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Bakɔlɔsai 1:22

Iyo ko akwea bosiili, na akataneja no koko a njea ebogwa bomokuku monde, bo amejae no a boso bonde na bosɛnɔ, pɛpɛ nongo litɔnɔ, pɛpɛ nongo mojɔ,

Bakɔlɔsai 1:28

Iso botɔndɔkɔ mwako monde; bolehaka bato basusu, na bokojaka bato basusu na bowɛi bosusu, bo bokwejae a boso boNjambe moto na moto mobɔngɔke a tei eMasiya.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

Baebele 9:14

esingaiti makia maMasiya yona osapa lisiko, pɛpɛ nongo litɔnɔ, ai Njambe a njea eMwembo mua modi na bosusu; madi bosɛnoja milema minu a bilomu bigwake, bo okɔmɛeni Njambe obomɔ.

1 Pɛtɛlo 1:19

osikoamani oko na makia mayumu maMasiya, o makia mamwana-bata yona opeliti nongo litɔnɔ, pɛpɛ nongo ehuli.

Mokanda Momibae Mosɔnɔ Pɛtɛlo - 2PE 3:14

A mojɔ momina baninga, alɛndɛkɛ no ngando jimina, kɔni na bingi bo yo abolojae no, pɛpɛ nongo litɔnɔ, pɛpɛ nongo mojɔ, oko na bowi.

Yuda 1:21

Sabaneani a ngɛnjɔ eNjambe, ena ko ombakani monganji moKumu osu Yesu Masiya oko a bomɔ bua bodi na bosusu.

Yuda 1:24

Iyo adi na ngulu a bobanea no bo otakwani, na a bomeja no, pɛpɛ nongo litɔnɔ, a boso boekumu ende na sepi;

Boboloja 14:4

Ibo badi oko baya baisabeja na bali, mojɔ bo batajebaka mojɔ momwali. Bacingamaka na Mwana-Bata bisika bisusu bikɛkɛ yo. Basikoama a tei ebato bo badae mbuma jiboso ai Njambe, na ai Mwana-Bata.