Baɛpɛsɔ 4:2 - Nouveau Testament en Ngombe 1961

² oko na bosatiteja bonɛnɛ, na bombɔki, na lingbangba. Moto adi boda na moto otongo oko bowi a mojɔ moepaeli.

Baɛpɛsɔ 4:2 ပူးပေါင်းရင်းမြစ်များ

Matayo 11:29

Tombani mosongo mombi. Ikoani na mbi, mojɔ bo mbi nadi na molema motitake.

Malako 9:19

Yesu abala na bu bo, Elulu ye epɛndɔ! Mbi nadi boda na nu ekoka? Nadi bohɔnɔ no ekoka? Doani na mwana ai mbi.

Bikɔmɛli 20:19

Nakɔmɛkɛ Kumu na lisuma lmɛnɛ na mbisoli pongono, cina eminɔngɔ minɛ mbi na ndungu jiBaYuda.

Baloma 15:1

Iso baya badi na ngulu bobwani bolwa mina mibato bayɛmbu. Bobwaniti bokɔ oko ngando jipalaka so bɛnɛ pɛ.

1 Bakolinto 13:7

Epaeli ehɔnɔkɔ ngando jisusu; ejimaka ngando jisusu; edi na njingo a tei engando jisusu, na edi na lingbangba a tei engando jisusu.

Bagalata 6:2

Kamoanani mina, moto na moto akamoe muna momina’nde; oko boa odini bosuma Mibeko miMasiya.

Baɛpɛsɔ 1:4

Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Bakɔlɔsai 1:11

Yɛ ngulu ende yena enɔi, epingejae no na ngulu esusu, bo ohɔneni mijɔ misusu na lingbangba, na eci, na sepi pongono.

1 Timoteo 6:11

Wɛ ko, moto oNjambe, toma bulɛ ngando jimina. Dala a njea ebodongo, na yongi epele, na epaeli, na lingbangba, na bombɔki.

2 Timoteo 2:25

Adi boleha baya badi na nde soki oko na bo yɛmbu, na njingo bo Njambe abasɛ dosa bo bajɛbɛ Soti.

Yakobo 1:21

Oko boa, toma dumbani bosɔtɔ bosusu, na njani jinɛnɛ jibobe. Kinani Ebaeli ekwee o ngua a tei emilema minu mi yɛmbu, Ebaeli yena ebwani boheleja miembo minu.

1 Pɛtɛlo 3:15

Bakeani Masiya o Kumu a tei emilema minu. Isa moto adi bokokeleja no a mojɔ monjingo yena edi a tei enu, dani na mosɛlingo bihole bisusu a bosalongeja; mosɔnibejani na ebaeli e yɛmbu elisuma.

1 Pɛtɛlo 3:8

Mojɔ motongo; dani no basusu na molema momɔci, na peye na epaeli ai baninga, na wa, na bombɔki.