Baɛpɛsɔ 2:8 - Nouveau Testament en Ngombe 1961

⁸ Mojɔ bo ohelini a mojɔ moejimeli, cina emonganji moNjamhe; mojɔ momina mocingiti na nu bɛnɛ; modi oko epeeli eNjambe.

Baɛpɛsɔ 2:8 ပူးပေါင်းရင်းမြစ်များ

Matayo 16:17

Yesu amosɔmbeja bo, Odi na bojongoa, wɛ Simona mwana ’Yona. Cina bo obolojaiti nongo mojɔ momina na bowɛi bomoto. Sangwa’mbi ko yona odi oho Diko amobolojai ai wɛ.

Matayo 20:9

Adoa basali baya bakwea a elomu a cinq heures, basɔ tu moto pata-pata.

Malako 16:16

Yona ôjima na ôbatisama a kombe embi âhela. Yona odi pɛ bojima ko âdumbama.

Luka 7:50

Yesu ko abala na mwali bo, Ejimeli ewɛ ehelejai wɛ; yana na bowi.

Yoane 3:36

Iyona ojimeaka Mwana adi na bomɔ na bosusu. Iyona ko olonaka bojimea Mwana atanɛ nongo bomɔ, na kɛnjɔ eNjambe edi oko ai yo.

Yoane 4:10

Yesu amosɔmbeja bo, Akɔki wɛ jeba epeeli eNjambe na yona ongaka wɛ madiba, ka omongi yo, na yo api wɛ madiba mabomɔ.

Yoane 5:24

Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.

Yoane 6:35

Yesu abasɔmbeja bo, Mbi nadi molɛmbɛ mobomɔ. Moto akadoa ai mbi ata’ka koko nja. Yona ojimeaka mbi atada koko na ekangola.

Yoane 6:37

Ibaya basusu bapakani Sango bâdoa ai mbi, na mbi nitalona nongo moto yona odoaka ai mbi.

Yoane 6:40

Bolulea boSangwa’mbi bodi oko bo moto na moto yona onɛkɛ Mwana na omojimeaka, adae na bomɔ bua bodi na bosusu; na mbi namongɔjɔbí a busa bosuka.

Yoane 6:44

Sango yona olomani amiti bilea moto, atadoa nongo ai mbi; na mbi namongɔjɔbí a busa bosuka.

Yoane 6:65

Abala koko na bu bo, Mojɔ mu mocingi na ekenge emi mbi bala na nu bo, Pɛpɛ nongo moto odi bodoa ai mbi, isa Sango atamopa njea.

Bikɔmɛli 13:39

A tei ende, moto na moto yona ojimaka acingoami a ngando jisusu, mojɔ bo Mibeko miMose miditi na ngulu a bocingoa no a ngando jimina.

Bikɔmɛli 14:27

Yana amea bo, babolea likita liDenga, na babatɔndɔ ngando jisusu jima kɔ Njambe na bu, na bo ama dipoa njea eejimeli ai bapakano.

Bikɔmɛli 15:11

Iso bojimaka bo bodi bohela oko a mojɔ momonganji moKumu, iso na ho oko njea emɔci.

Bikɔmɛli 16:14

Okina obu adaka mwali ongando kombe Twatila, kombe ende mɛnɛ Ludia. Iyo akɔkɔ bwasa na bisenja bikpetu bibobuno bonɛnɛ. Adaka mosakoi oNjambe, na ahokea so. Kumu adipoa molema monde ho alɛe mijɔ mibalaka Paulo.

Bikɔmɛli 16:31

Ibo babala bo, Jimea Kumu Yesu na ôhela, wɛ mɛnɛ na bato bandako ewɛ.

Baloma 10:14

Isa bamojimeakini ko, badi bomongɔɔnɔ na ye? Isa bakakini mwako monde, badi bomojimea na ye? Isa motɔndɔi aditi, badi boka na ye?

Baloma 10:17

Oko boa bato bamiti ka, batada na ejimeli, na badi boka oko na Mwako Mopele moMasiya.

Baloma 4:16

Mojɔ mosusu mocingi oko na ejimeli pɛ. Oko boa koko, sako emina edi mojɔ momonganji moNjambe, na edi ai bana basusu baAbalayama—te nongo ai baya bajimaka Mibeko pɛ, oko ai baya badi na ejimeli eAbalayama; mojɔ bo, yo adi tata osu basusu.

Baloma 4:5

Endele ko, moto akada na ejimeli ai Njambe yona longejaka bato babe, alongaka a mojɔ moejimeli ende, te a mojɔ moelomu ekɔkɔ yo.

Baloma 9:16

Oko boa mojɔ mosusu mocingi na monganji moNjambe, te nongo na bolulea bomoto, isa na bingi emoto.

Bagalata 3:14

Modaka boa bo bojongoa boAbalayama bodae ai bapakano oko na Masiya Yesu, na bo so bosɛ Mwembo mua modikejama oko a cina eejimeli.

Bagalata 3:22

Misɔnɔ ko minejaka bo bato basusu badi cina ebobe, bo baya bajimaka basɛ njikano, oko na ejimeli ai Yesu Masiya.

Baɛpɛsɔ 1:19

na ndangasa ende pɛ njɛngi ai so baya bajimaka; mwɛngi momina modi oko elomu ekɔ yo na bopipo bongulu ende

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 2:5

a mojɔ momina, nongo adaka so bagwake a mojɔ mojibe jisu, iyo apa so bomɔ yana apa yo Masiya bomɔ (ohelni oko a mojɔ momonganji moNjambe), na angɔjɔ so na Masiya, na adeja so na nde a bisika biDiko, a tei eMasiya Yesu,

Bafilipoi 1:29

Mojɔ bo libondo linu liditi ejimeli ai Masiya pɛ; lidi oko bo odingoeni a mojɔ monde.

Bakɔlɔsai 2:12

na opuseamani na nde a batisimo, na ongɔni koko a bogwa oko na nde, a mojɔ moejimeli a ngulu eNjambe yona omongɔjɔ a bogwa.

2 Batɛsalɔnike 1:9

Ibo bâdingoa na bodumba bua bodi na bosusu, na bâda na boso boKumu na ekumu engulu ende, kanga bohali mɛnɛ

Baebele 6:4

Mojɔ bo, isa bato basi bohu, na balɛli epeeli eDiko, na basi epeeli eMwembo Mosɛnɔke,

1 Pɛtɛlo 1:5

Njambe abaneaka no na ngulu ende cina eejimeli, a mojɔ momohelo mosɛlingoa yo, mua modi boboloa a bohu a ehole esuka.