Baɛpɛsɔ 2:2 - Nouveau Testament en Ngombe 1961

² Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Baɛpɛsɔ 2:2 ပူးပေါင်းရင်းမြစ်များ

Matayo 11:19

Mwana ’Moto ko adoi, akayake na akamwake, na babalaka bo, Anjani moto omogbuko na molangoi; apanganaka na baputeja batako na bato babe. Bowɛi bodi bolonga oko na bilomu bibowɛi.

Matayo 13:22

Ngua jia jikwa a bisika bidaka njani jidi oko mwako mokaka moto, Mwako ko mogbokaka oko na mikakwano a mojɔ mongando jingondo ye, a mojɔ mobokosea bomakonja, na motabotaka nongo.

Matayo 13:38

Gbie edi ngondo. Ngua jipele jidi bana baBokumu. Njani jidi bana bayona Mobe. Soki yona oji’na adi oko Satana.

Malako 4:19

Ebaeli ko egboki, na edikaka edada, mojɔ bo minɔngɔ mingondo ye, na bokosea bolikonia, na posa engando jitongo, jikweaka a tei ebu.

Luka 16:8

Kumu okapita mobe amosakoa a mojɔ mobowɛi bonde. Mojɔ bo, bana bangondo ye banɔi bana babohu na bowɛi a mojɔ mongando jibu.

Luka 22:31

Kumu abala bo, Simona, Simona, Satana angaka na bopipo bo apee no a bohɛhɛ no o ahɛhɛkɛ moto ndongo.

Yoane 12:31

Ngondo edi bosamba edɛye. Kumu ongondo ye âdumbama bokpa.

Yoane 13:2

Satana ama sa bolɛ a molema moYuda Iskalio, mwana oSimona, bo amokabe. Oko boa, yana ayakaka bo Kola,

Yoane 13:27

Yana asɔ yo molɛmbɛ, Satana akwea a tei ende. Yesu abala na nde bo, Kɔ bokpa Inojɔ mokɛkɛ wɛ akɔe.

Yoane 14:30

Nitabala na nu koko bou, mojɔ bo kumu ongondo ye akɛkɛ adoe; yo ko aditi na kpaci ai mbi.

Yoane 15:19

Akɔki no da bato bangondo, ka ngondo epali no. Ngondo ko edi na nu soki, mojɔ bo oditini bato bangondo, na mojɔ bo mbi nahɔ no a bobɔtɔnɔ na ngondo.

Yoane 16:11

a mojɔ mobosambeja, cina bo kumu ongondo ye asambi.

Yoane 7:7

Ngondo editi na nu soki; edi ko na mbi soki, mojɔ bo mbi namejaka mijɔ mibe mingondo a bohu.

Yoane 8:23

Iyo abala na bu bo, Ino odini bato banase. Mbi ko nahula oho Diko. Ino odini bato bangondo ye. Mbi ko naditi ongondo ye.

Yoane 8:44

Ino odini oko bana basangwa’nu Satana, na opalakani bokɔ ngando jipalaka sangwa’nu. Iyo adaka mowoi oko a bobanga mɛnɛ, na acingiti nongo na ngando jisoti, mojɔ bo Soti editi a tei ende. Yana abalaka yo na bokosea, abalaka oko kɔpi ende mɛnɛ, mojɔ bo adi mokosei, na sange ’bokosea.

Bikɔmɛli 19:35

Mosɔni ongando ko agɔmbeja emumu, na abala bo, lno bami baƐpɛsɔ, bato basusu bajebaka bo ngando eƐpɛsɔ edi mobanei otempelo eDiana na elimo ende yena ehula diko.

Bikɔmɛli 5:3

Pɛtɛlo ko abala bo, Anania, Satana alumejai molema mowɛ bo okosee Mwembo Mosɛnɔke, na bo obombe ekenge elikonja ligbie mojɔ moye?

Baloma 12:2

T’odaeni oko na ekɔmɛli ebato bangondo ye. Toma dani na milema miyene bo okindoeni elimo etongo; oko boa odini bojeba bolulea boNjambe na soti, bolulea bonde bopele, bobɔngɔke na bobwanake.

1 Bakolinto 5:10

Cina emina editi bo obambaeni bato balisɔngi bangondo ye, na bato bambengea, na bato baliba, na bato babole. Ekada boa, ka odini bodonga a ngondo oko bodonga.

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

2 Bakolinto 4:4

Mojɔ bo njambe ongondo ye ahua milema mibato bamina baya badi pɛ bojima, bo bata’nɛ bohu boMwako Mopele moekumu eMasiya yona odi elimo eNjambe.

Bagalata 1:4

Iyo asapa a mojɔ mojibe jisu bo asikoe so a ngondo ye ebe, o akana Njambe Sangwa’su.

Baɛpɛsɔ 1:21

bo anɔe bakumu basusu bou mɛnɛ, na kpaci jisusu, na ngulu jisusu, na makumu masusu, na kombe jisusu boya jia jidi a ehole ye, na a ehole ebodoa.

Baɛpɛsɔ 2:11

BaYuda baya basɔkɔ embete ubolena-ganda a mokuku oko a mɔmɔ mabato, babeaka no bamwea. A mojɔ momina obwanitini bobosa bo obotamani oko bapakano.

Baɛpɛsɔ 2:13

E dɛye ko, a tei eMasiya, mo baya badaka boso bohali, obatamani hulelu a mojɔ momakia maMasiya.

Baɛpɛsɔ 2:3

Iso pongono, so basusu, bopangana na bu, na lisuma lisu lidaka oko a posa jimokuku. Bodaka babuli baposa jimokuku na jimolema. Bodaka bana bakɛlɛ oko a bobotama bosu, iso na ’bo tungu emɔci.

Baɛpɛsɔ 4:17

Ebaeli embi, na eleho embi ai no a kombe eKumu, edi bo otadani koko na mida Mibapakano baya basumaka mabunga mamilema Mibu.

Baɛpɛsɔ 4:22

Toma hwani moto moyou yona odaka na ekɔmɛli eyou, yona odi mopɔke mɛnɛ a mojɔ moposa jibokosea.

Baɛpɛsɔ 5:6

T’ojimeni oko bo moto akosee no na ebalabala, mojɔ bo kɛlɛ eNjambe edi ai bana balipanga a mojɔ mongando jimina.

Baɛpɛsɔ 5:8

Odakani bosoboso modidi; e dɛye ko odini bohu atei eKumu; oko boa, toma dani na bikɔmɛli bibana babohu.

Baɛpɛsɔ 6:12

Mojɔ bo, bila enaka so editi na mini na makia; edi oko na makumu, na kpaci, na bakumu bangondo ye emodidi, na mandundu mamiembo Mibe a bisika bidiko.

Bakɔlɔsai 1:21

Ino odakani na lipɔlɛ ai yo; odakani na nde soki a milema minu, bato babikɔmɛli bibe.

2 Timoteo 4:10

Iyo adi oko na posa engando jingondo ye, na akɛi a Tɛsalɔnike. Kulusene akɛi a Galatia. Tito akɛi a Dalamatia.

Yakobo 1:27

Ejimeli esoti yena edi na bosɛnɔ a miso maNjambe Sangwa’su edi oko ye,—a bonja bana-bamalike na bali-babogwa a minɔngɔ Mibu, na a bosabanea, pɛpɛ nongo litɔnɔ lipita jingondo.

Yakobo 1:7

Moto omina abwaniti bolɛ bo adi bosɔ eka ai Kumu,

Yakobo 4:4

Ino Bali bandukeli! Otajebakani bo limbaci lingondo lidi lisoki ai Njambe? Oko boa, moto yona opalaka bo apande limbaci na ngondo adi na Njambe oko soki.

1 Pɛtɛlo 1:14

Dani bana balisuma; pɛ bogbokani na posa jibe, jia jidaka na nu a ehole elibumi linu.

1 Pɛtɛlo 4:3

Ehole yena edaka no na bikɔmɛli bibapakano esii edɛye; mojɔ bo odakani na lisɔngi, posa jibe, bolangoa, makita mamana, matanga, na bosakoa bobilimo.

Mokanda Momibae Mosɔnɔ Pɛtɛlo - 2PE 2:14

Miso mabu malumi na bɔɔli na posa ebobe. Milema Mibu milandoi na mbengia, na balɛngɛkɛ bato baya baditi bambilimake. Badi bana bamasingi.

1 Yoane 3:10

Bodi bombetea bana baNjambe na bana baSatana oko na mojɔ momina. Moto amiti da na ekɔmɛli ebodongo aditi moto oNjambe, na moto yona odi na mwangwa’nde soki koko boa.

1 Yoane 3:8

Moto yona okɔkɔ bobe adi moto oSatana, mojɔ bo Satana akɔ bobe a bobanga mɛnɛ, na akɔkɔ bobe oko e dɛye. Cina ebodoa boMwana ’Njambe edi oko bo abejae bilomu biSatana.

1 Yoane 4:4

Bana bambi, ino odini bana baNjambe, na ogbokejami miembo mimina, cina bo, na yona odi a tei enu, na yona odi a ngondo, yona odi a tei enu anɔi na ngulu.

1 Yoane 5:19

Iso bojebaka bo bodi bana baNjambe, na bo ngondo esusu edi a mɔmɔ mayona Mobe.

1 Yoane 5:4

Moto na moto yona obotama na Njambe agbokejaka ngondo; na lilonga lia ligbokejaka ngondo lidi oko ejimeli esu.

Boboloja 12:9

Dalakona monɛnɛ akwa, njɔ yona moyou yona odi na kombe Jabalo na Satana, mokosei ongondo esusu. Adumbama a ngondo, na babwɛnji bande badu-mbama na nde pongono.

Boboloja 13:14

Na alɛngɛ bato bangondo cina emindumba mikɔkɔ yo a esika eTito, na abatɔndɔ bo bakɔe elimo eTito yona oma hela a pola eabɛnɛ.

Boboloja 13:8

Bato basusu bangondo badi bomosakoa, oko baya baditi na kombe jibu a mokanda moMwana-Bata yona ogwa, kombe jia jisɔnɔmɔ ena oko a libangake lingondo.

Boboloja 16:17

Obwɛnji osambo asopa kɔpɔ ende a pwea. Kɔpi epipo emana a tempelo; kɔpi emina edonga a ngɛndɛ na ebala bo, Mojɔ mosii!

Boboloja 20:2

Apea Dalakona, oko njɔ yona moyou, yona odi Jabalo na Satana, na amo’sa ta mbɔci bo adae ena bianga koto emɔci.