Baɛpɛsɔ 2:14 - Nouveau Testament en Ngombe 1961

¹⁴ Mojɔ bo yo adi mokongo mosu mobosiili. Iyo akataneja so baya badaka babae bo bodae oko omɔci pɛ, na abuka ngbungbu ebobɔteja a tei esu.

Baɛpɛsɔ 2:14 ပူးပေါင်းရင်းမြစ်များ

Luka 1:79

Bo ahojae baya badi a modidi na a esie ebogwa, Na a bodaleja mako masu a njea ebowi.

Luka 2:14

Ekumu ai Njambe oho Diko; Bowi a ngondo a tei ebato bapalaka Yo.

Yoane 10:16

Nadi koko na bata batongo baya bacingiti na likutu di. Nadi bodoa na bu pongono, na bâka monɔkɔ mombi. Oko boa bwela bôda oko omɔci, na mobanei omɔci.

Yoane 11:52

te a mojɔ molikota limina pɛ, oko bo abolee bana basusu baNjambe baya banangana a esika emɔci.

Yoane 16:33

Mbi nabali na nu ngando ji, bo odaeni na bowi a tei embi. Odani na monɔngɔ a ngondo; pɛ mojɔ; dani oko na sepi, mojɔ bo mbi nagbokejai ngondo.

Bikɔmɛli 10:28

Abala na bu bo, Ino ojebakani bo MoYuda adi na mobeko bo atakatana na moto ombota etongo, na atakwea nongo a ndako ende. Njambe ko anejai mbi bo nabwaniti bonyamoa nongo moto, pɛ bolona moto o eka ebokia.

Bikɔmɛli 10:36

Njambe aloma bwɛnji bonde ai bana baYisalaele, oko Mwako Mopele mobowi, na Yesu Masiya yona odi Kumu obato basusu.

Baloma 5:1

Oko boa, adi so na lilonga a mojɔ moejimeli, bodi na bowi a tei esu na Njambe, a mojɔ moKumu osu Yesu Masiya.

Bagalata 3:28

A tei ende, moto aditi MoYuda isa MoEla, isa mobuli isa sɔmi, isa momi isa mwali, mojɔ bo odini no basusu moto omɔci a tei eMasiya Yesu.

Baɛpɛsɔ 2:15

Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Baɛpɛsɔ 2:17

Iyo adoa, na atɔndɔ mwako mobowi ai no baya badaka bohali, na ai baya badaka hulelu.

Baɛpɛsɔ 3:15

menga masusu, isa oho Diko, isa ya nase, masɔkɔ kombe oko ai yo),

Baɛpɛsɔ 4:16

Edi oko a mojɔ monde na bokatana bongulu ende, bo mokuku mosusu mocingami o eyoeli emɔci, na mopingi na macinga masusu; elomu ebinama bisusu epingejaka mokuku bo mokandoe na mosapingejae na epaeli.

Bakɔlɔsai 1:20

bo yo adae mosili, na abakea mokongo mobosiili na makia mande a mole-mobokea, a bohuleja ngando jisusu ai yo mɛnɛ, isa oho Diko isa ya nase.

Bakɔlɔsai 2:20

Isa ogwani na Masiya a mijɔ mingondo, odini na ekɔmɛli ebato bangondo mojɔ moye?

Bakɔlɔsai 3:11

A eyoeli emina, bato baditi BaEla isa BaYuda, bato babolena-ganda isa pɛ bolena-ganda, isa bato babohali, isa BaSukutea, isa babuli, isa basɔmi; mojɔ mosusu modi Masiya a tei ebato basusu.

Bakɔlɔsai 3:15

Kinani bowi boMasiya bodae na bokumu a milema minu; obeamani bo odaeni mokuku momɔci oko a mojɔ momina. Dani koko na bosakoa.

Baebele 13:20

Njambe obowi angɔjɔ koko Kumu osu Yesu a bogwa, Monjeli Monɛnɛ obata, na makia maMokongo mua modi na bosusu.

Baebele 7:2

Abalayama amokaba libondo lidomi lileka losusu. Cina ekombe ende edi boso Kumu oBodongo; na adi koko Kumu oSalema; cina emina edi Kumu oBowi.