Baɛpɛsɔ 2:10 - Nouveau Testament en Ngombe 1961

¹⁰ Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 2:10 ပူးပေါင်းရင်းမြစ်များ

Matayo 5:16

Oko boa, kinani eyoi enu eyoe a boso bobato. Baka’nɛ bikɔmɛli binu bipele, badi bokumeja Sangwa’nu yona odi oho Diko.

Yoane 3:21

Moto ko yona odi na ekɔmɛli esoti amanaka a bohu, na anejaka bo bikɔmɛli binde bihulaka ai Njambe.

Bikɔmɛli 9:31

Denga didaka na bowi a ehole emina, a ngondo eYuda, na Galile, na Samalia, na limbilima. Denga didaka na lisuma ai Kumu, na dinɛngɛ a mojɔ mongulu eMwembo Mosɛnɔke.

Bikɔmɛli 9:36

Okina mocingami adaka a Yopa, kombe ende Tabita. (Cina ekombe emina edi Dɔkasi.) Mwali omina adaka na bingi enɛnɛ a mojɔ mobilomu bipele, na akɔkɔ bato monganji bou mɛnɛ.

Baloma 8:1

Bodumba boditi koko edɛye a mojɔ mobato baya badi a tei eMasiya Yesu.

Baloma 8:29

Mojɔ bo ajeba bosoboso baya badi boda bato bande. Akolea eyou bo badae na elimo eMwana’nde, bo yo adae Mwana-sɔmi a tei ebananango banɛnɛ.

1 Bakolinto 3:9

Iso bodi bakɔmɛli baNjambe, na bokɔkɔ elomu na nde. Ino odini gbie eNjambe; odini eyoeli endako eNjambe.

2 Bakolinto 5:17

Mojɔ bo, isa moto adi a tei eMasiya, adi moto moyene. Ngando jiyou jisia. Ngando jisusu jidi oko jiyene.

2 Bakolinto 5:5

Njambe yo mɛnɛ asɛlingoa so a mojɔ momina, na abopa Mwembo o ndanga.

2 Bakolinto 9:8

Na Njambe abwani bojongoa no na majongoa manɛnɛ mɛnɛ, bo otatakani nongo eka, na bo odaeni na libondo linɛnɛ a mojɔ mobilomu bisusu bipele.

Bagalata 6:15

Bolena boganda, isa bodi isa boditi, bodi mojɔ mongasa; mojɔ momɔci mua mobwani modi oko moto moyene.

Baɛpɛsɔ 1:1

Njɛbɛ embi Paulo, obwɛnji oMasiya Yesu a mojɔ mobolulea boNjambe, ai baMasiya baya badi oho Ɛpɛsɔ, na baya badi na lisuma ai Masiya Yesu.

Baɛpɛsɔ 1:4

Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Baɛpɛsɔ 2:13

E dɛye ko, a tei eMasiya, mo baya badaka boso bohali, obatamani hulelu a mojɔ momakia maMasiya.

Baɛpɛsɔ 2:15

Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Baɛpɛsɔ 4:1

Oko boa, mbi lisungu liMasiya, nangɔɔnɔkɔ no bo odaeni na mida mia Mibwani na bobea bobeama na nu,

Baɛpɛsɔ 4:24

Toma lwani moto moyene yona oyoama a elimo eNjambe, na bodongo, na bosɛnɔ bosoti.

Bafilipoi 1:6

Mbi najebaka na soti bo yona obanga elomu epele a tei enu âesukeja bopele a mojɔ mobusa boYesu Masiya.

Bafilipoi 2:13

Mojɔ bo Njambe yo mɛnɛ akɔkɔ elomu ende a tei enu, bo opaleni na okɔeni bolulea bonde bopele.

Bakɔlɔsai 1:10

bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Bakɔlɔsai 3:10

na olwani moto moyene yona odi na elimo eyene, oko elimo ende yona omoyoa a mojɔ moejebeli ende.

1 Timoteo 2:10

Elwali yena ebwani na bali baejimeli edi oko bikɔmɛli bipele.

1 Timoteo 5:10

Adi boda na esako epele a mojɔ mobikɔmɛli binde bipele, mwali yona obɔkɔ bana, yona odaka na monganji ai bakɛndɛli, yona ososa bibota bibato baDenga, yona okɔmeja bato baya badaka na monɔngɔ, na odaka na bingi a ngando jisusu jipele.

1 Timoteo 5:25

Bikɔmɛli bipele bidi koko a bohu boa, na bia biditi a bohu biboloa ngɔngɔ.

1 Timoteo 6:18

Baleha bo bakɔe bopele, bo bahɛe na bikɔmɛli bipele, na bo badae na monganji na likabo.

2 Timoteo 2:21

Moto akasabanea na bosɛnɔ, na akabɔtɔnɔ na ngando jimina, yo ada esɛi eekumu yena esɛnoi a mojɔ moelomu emoswa’nde, na ebwani na bilomu bisusu bipele.

2 Timoteo 3:17

bo moto yona odi moto oNjambe adae mobɔngɔke, na adae na molilo mosusu a bokɔ bilomu bisusu bipele.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Tito 2:7

Aneja wɛ mɛnɛ ekoaneli epele na bikɔmɛli biwɛ bisusu. Kina bokoja bowɛ bodae bokoja bosoti, bobwanake; kina ebaeli ewɛ edae ebaeli esoti.

Tito 3:1

Lɛjɛ bato bo badi bosuma bakumu na basuku. Babwani boda na lisuma; badi boda na mosɛlingo a bokɔ bilomu bisusu bipele.

Tito 3:14

Bato basu badi bokoa bo bakɔe bilomu bipele.

Tito 3:8

Ekenge emina edi soti, na mbi napalaka bo okojae ngando jimina na bingi, bo bato baya bajimaka Njambe badae na bingi a bikɔmɛli bipele. Mijɔ mi midi mipele mɛnɛ na Mibɔngejaka bato.

Baebele 10:24

Kinani bodae na mbambano a mojɔ moepaeli na bilomu bipele.

Baebele 13:21

Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

1 Pɛtɛlo 2:12

Dani na mida mipele a tei ebapakano. Oko boa, nongo bakalɔngɔ no o bato babe, badi bonɛ bikɔmɛli binu bipele, na bakumeja Njambe a busa bobo-doa bonde ai bo.

1 Yoane 1:7

Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.

1 Yoane 2:6

Moto yona obalaka bo adi a tei ende abwani bodala a njea edalaka yo.