Baɛpɛsɔ 1:7 - Nouveau Testament en Ngombe 1961

⁷ Lisiko lisu lidi oko a tei ende a mojɔ momakia mande, na bo yɛ bojibe jisu a mojɔ momonganji monde mua monɔi.

Baɛpɛsɔ 1:7 ပူးပေါင်းရင်းမြစ်များ

Matayo 20:28

o adi Mwana ’Moto yona odoa bo apɛ mohelo monde o lisiko libato banɛnɛ, te bo bato badi bomokɔmɛ.

Matayo 26:28

Mojɔ bo kɔpɔ ye edi makia mambi maMokongo, maya masopei a mojɔ mobato banɛnɛ, a bobacingoa a jibe.

Matayo 6:12

Boyɛ so nongo jisu ai wɛ o ayɛkɛ so baya badi na nongo ai so.

Malako 14:24

Iyo abala na bu bo, Iye edi makia mambi mamokongo, maya masopei a mojɔ mobato banɛnɛ.

Luka 1:77

Bo ojebejae bato bande mojɔ moboheleja, Oko na boyɛ bojibe jibu,

Luka 24:47

na bo batɔndɔe mwako a kombe ende a Yelusalema boso, na a makota masusu, a mojɔ mobokina bojibe na bohekoja bomilema.

Yoane 20:23

Okacingoani bato a jibe jibu, bada bacingoamake. Okabakinani a mbɔci, bada oko a mbɔci.

Bikɔmɛli 10:43

Batɔndɔi basusu badi batati bande, na batɔndɔkɔ bo moto na moto yona omojimeaka asɔkɔ boyɛ bojibe a kombe ende.

Bikɔmɛli 2:38

Pɛtɛlo abala na bubo, Hekojani milema minu, na batisamani ino basusu a kombe eYesu Masiya, a mojɔ moboyɛ bojibe jinu, nongo osɛni epeeli eMwembo Mosɛnɔke.

Bikɔmɛli 20:28

Mwembo Mosɛnɔke mohɔ no habanei babwela a bobɔkɔ Denga diNjambe dia disikoa yo na makia mande mɛnɛ. A mojɔ momina toma sabaneani no bɛnɛ, na baneani bwela bosusu pongono.

Bikɔmɛli 3:19

Oko boa toma jasani dosa; toma hekojani milema, bo jibe jinu jihakoame, bo Kumu alomee no masu mabomɔ boyene,

Baloma 2:4

Isa osɛtojaka monganji monde monɛnɛ, na lingbangba linde, na yongi ende? Otajebaka bo monganji moNjambe mobeaka wɛ a bohekoja molema?

Baloma 3:24

Balongaka ko na monganji moNjambe o epeeli, a mojɔ molisiko lia lidi a tei eYesu Masiya.

Baloma 3:25

Njambe amoloma bo adae lisiko a mojɔ momakia mande, ai baya bajimaka. Oko boa Njambe aneja bodongo bonde, mojɔ bo akina jibe jia jikɔɔmɔ ehele, pɛ bosambeja.

Baloma 9:23

Isa apalaka boneja ekumu ende yena enɔi, ai baya bamokejaka wa? mojɔ bo abahɔ ehele a mojɔ moekumu, oko so;

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

2 Bakolinto 8:9

Ojebakani monganji moKumu osu Yesu Masiya; nongo adaka yo konji, akindoa moto obokwali a mojɔ monu, bo bokwali bonde bopɛ no makonja manɛnɛ.

Baɛpɛsɔ 1:14

mua modi ndanga elisango lisu, oko a ehole ebosɔ lisango limina, a mojɔ mobosakoa ekumu ende.

Baɛpɛsɔ 1:18

na bo ahojae miso mamilema minu, bo ocingeeni njingo ebobea bonde, na ekumu enɛnɛ mɛnɛ elisango linde a tei ebasɛnɔke,

Baɛpɛsɔ 1:6

bo angamejae ekumu emonganji monde, na akɔ so monganji momina a tei eMwana’nde ongɛnjɔ.

Baɛpɛsɔ 1:8

Iyo anɛngeja monganji monde ai so boa cina ebowɛi na bocingea bonde.

Baɛpɛsɔ 2:4

Njambe ko anɔi na wa, na apalaka so na ngɛnjɔ enɛnɛ;

Baɛpɛsɔ 2:7

bo anejae monganji monde pɛ njɛngi, na likabo linde ai so, a tei eMasiya Yesu, a bilulu bia bidoakini.

Baɛpɛsɔ 3:16

bo apɛ no bopingeja bongulu eMwembo monde a tei enu, moto namoto, oko nalikabo liekumu ende yena enɔi.

Baɛpɛsɔ 3:8

Mbi nasɔ monganji mu, bo nabolojae ai bapakano mijɔ miyumu miMasiya mia midi na bonɛtɔ, oko mbi yona odi ngɔngɔ jibasɛnɔke basusu,

Bafilipoi 4:19

Njambe ombi adi bopa no ngando jisusu jia jitakaka na nu, oko na mwɛngi momakonja maekumu ende a tei eMasiya Yesu.

Bakɔlɔsai 1:14

A tei ende, iso bodi na lisiko, bo yɛ bojibe.

Bakɔlɔsai 1:27

Mojɔ bo Njambe ajima bo abanejae bo mojɔ mu mobo-mbamake modi mojɔ moekumu enɛnɛ mɛnɛ a tei ebapakano,—cina emina edi Masiya a tei enu, njingo eekumu.

Bakɔlɔsai 2:13

Njambe amopa bomɔ, na apa no bomɔ a tei ende, oko no baya badaka bagwake a tei ejibe, pɛpɛ nongo embete ebolena-ganda a mokuku, na akina jibe jinu jisusu.

Bakɔlɔsai 2:2

Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

1 Timoteo 2:6

yona osapa yo mɛnɛ, lisiko libato basusu. Iyo angameja mojɔ momina a ehole yena ebwana.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Tito 3:6

mosopa yo na likabo linɛnɛ ai so a tei eYesu Masiya Moheleja osu,

Baebele 9:22

Edi Soti bo Mibeko mikojaka bo leka losusu losɛnoaka na makia; makia mamiti sopea, bo yɛ bojibe boditi.

1 Pɛtɛlo 2:24

Iyo alwa yo mɛnɛ muna mobobe bosu a mokuku monde mɛnɛ a mole-mobokea, bo so bogwɛ a bobe, na bo bohele a mojɔ mobodongo. Ino ohelani oko a mojɔ mopola jinde.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

1 Yoane 2:12

Nasɔneaka no bana bambi bakɛkɛ, mojɔ bo jibe jinu jikinama a mojɔ mokombe ende.

1 Yoane 2:2

Iyo adi lisiko a mojɔ mojibe jisu, te jisu pɛ, oko a mojɔ mojibe jingondo esusu.

1 Yoane 4:10

Iye edi ngɛnjɔ, te bo so bodaka na ngɛnjɔ ai Njambe, oko bo yo adaka na ngɛnjɔ ai so, na aloma Mwana’nde bo adae lisiko a mojɔ mojibe jisu.

Boboloja 14:4

Ibo badi oko baya baisabeja na bali, mojɔ bo batajebaka mojɔ momwali. Bacingamaka na Mwana-Bata bisika bisusu bikɛkɛ yo. Basikoama a tei ebato bo badae mbuma jiboso ai Njambe, na ai Mwana-Bata.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;