Baɛpɛsɔ 1:5 - Nouveau Testament en Ngombe 1961

⁵ Ahɛngɛ so na ngɛnjɔ ende bo bodae bana bande mɛnɛ balisango cina eYesu Masiya. Mokano monde modaka boa na sepi,

Baɛpɛsɔ 1:5 ပူးပေါင်းရင်းမြစ်များ

Matayo 1:25

Iyo ko aijebeana na nde oko adaka yo pɛ bopeta bota mwana’nde, na amobakea kombe Yesu.

Matayo 11:26

Ee Sesa; bolulea bowɛ bopele bodaka boa.

Luka 10:21

Yesu aluma na sepi eMwembo Mosɛnɔke a ehole emina, na abala bo, Sesa, Kumu oDiko na nase, mbi nasakoaka wɛ, cina bo obomba ngando ji ai bato babowɛi na bato baejebeli, na ojibolojai ai bana bakɛkɛ. Ee Sesa, monganji momina modaka bolulea bowɛ.

Luka 11:32

Bato baNinewe badi bongɔ na bato baelulu ye a Esambi, na babadumbabí. Mojɔ bo, ibo bahekoja milema mibu a mojɔ momwako motɔndɔ Jona. Okina ko yona onɔi Jona adi yaya.

Luka 12:32

Yɛni bobanga, bwela bokɛkɛ, mojɔ bo mokano mopele moSangwa’nu modi bo apɛ no Bokumu

Yoane 1:12

Ibaya ko bamosɔ, oko baya bamojimeaka, yo abapa kpaci bo badae bana baNjambe.

Yoane 11:52

te a mojɔ molikota limina pɛ, oko bo abolee bana basusu baNjambe baya banangana a esika emɔci.

Yoane 20:17

Yesu abala na nde bo, Yɛ bobandani na ebɔ, mojɔ bo naweakini ai Sango. Wɛ ko, kɛ ai baninga bambi; bala na bu bo mbi nakawee ai Sangwa’mbi na ai Sangwa’nu, ai Njambe ombi na ai Njambe onu.

Bikɔmɛli 13:48

Bapakano basepa yana aka bo mojɔ momina, na bakumeja Ebaeli eKumu. Na basusu bajima baya bama hɔmɔ a mojɔ mobomɔ bua bodi oko na bosusu.

Baloma 8:23

Te leka lokɔ Njambe pɛ, oko so bɛnɛ baya bajui mbuma jiboso jiMwembo, bobemaka a tei esu yana ambaka so lisiko limikuku misu, oko bosɔmi bosu.

1 Bakolinto 1:1

Njɛbɛ esu Paulo yona obeama na bolulea boNjambe bo adae obwɛnji oYesu Masiya, na mwangwa’su Sosotene,

1 Bakolinto 1:21

Mojɔ bo Njambe akolea na bowɛi bonde, bo ngondo etamojeba na bowɛi bongondo; na ajima bo ahelejae bato baya bajimaka, a mojɔ moyebe eetɔndɔli eMwako Mopele.

2 Bakolinto 6:18

Mbi nâda sangwa’nu; Ino ôdani bana-bami bambi na bana-bali bambi. Kumu ongulu ebonɔ abalaka boa.

Bagalata 3:26

Mojɔ bo odini no basusu bana baNjambe a mojɔ moejimeli ai Yesu Masiya.

Baɛpɛsɔ 1:11

Lisango lisu lidi a tei ende, lia lihɛngɛmɛ na mokano monde yona okɔkɔ ngando jisusu na bowɛi na bolulea bonde mɛnɛ.

Baɛpɛsɔ 1:9

Ajima bo ajebejae so cina ebolulea bonde, na aneja so bo cina emokano monde edi bo

Bafilipoi 2:13

Mojɔ bo Njambe yo mɛnɛ akɔkɔ elomu ende a tei enu, bo opaleni na okɔeni bolulea bonde bopele.

Bakɔlɔsai 1:19

Mojɔ bo Njambe ajima na bolulea bonde bopele bo bonjambe bonde bosusu bodae a tei ende,

2 Batɛsalɔnike 1:11

A mojɔ momina, so bongaka bihole bisusu a mojɔ monu, bo Njambe abɔngejae no a mojɔ mobobea bonu; yɛ abɔngejae na ngulu ende mikano minu misusu mipele, na bilomu bisusu biejimeli enu,

Baebele 2:4

Na Njambe aneja bo tati ebu edi soti, oko na bimbete, na mindumba, na mijɔ Mibokamoa, na bipeeli biMwembo, o ajima yo na bolulea bonde.

1 Yoane 3:1

Anjani ngɛnjɔ enɛnɛ epa Njambe so, bo so bodae na kombe jibana baNjambe. Na bodi bana baNjambe. A mojɔ momina, ngondo Pejebake so, mojɔ bo eimojeba yo.

Boboloja 21:7

Moto akagbokeja, adi bosangoa likwa. Mbi nadi boda Njambe onde, na yo adi boda mwana’mbi.