Baɛpɛsɔ 1:4 - Nouveau Testament en Ngombe 1961

⁴ Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Baɛpɛsɔ 1:4 ပူးပေါင်းရင်းမြစ်များ

Matayo 24:22

Masu mamina makayeyoa, pɛpɛ nongo moto omɔci odi bohela; matada ko manɛnɛ, a mojɔ mobato bahɔ Njambe.

Matayo 24:24

Mojɔ bo BaMasiya babokosea bâdoa banɛnɛ a masu mamina. Bâneja bimbete na mindumba mibokamoa, na êdika mweka pɛ bo balabojae bahɔmɔke baNjambe.

Matayo 24:31

Iyo aloma babwɛnji bande a bohuea mondule na doi linɛnɛ, na bâbolea bahɔmɔke bande a pamba jisusu jinɛi, a suka ebusa emɔci, oko a suka etongo.

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Yoane 10:16

Nadi koko na bata batongo baya bacingiti na likutu di. Nadi bodoa na bu pongono, na bâka monɔkɔ mombi. Oko boa bwela bôda oko omɔci, na mobanei omɔci.

Yoane 15:16

Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no.

Yoane 17:24

Sesa, posa embi edi oko bo baya bapani wɛ badae na mbi a esika edi mbi, bo banje ekumu embi, oko ekumu epani wɛ; mojɔ bo odaka na mbi ngɛnjɔ oko ngondo epetakini yoama.

Bikɔmɛli 13:48

Bapakano basepa yana aka bo mojɔ momina, na bakumeja Ebaeli eKumu. Na basusu bajima baya bama hɔmɔ a mojɔ mobomɔ bua bodi oko na bosusu.

Bikɔmɛli 15:18

Kumu abali boa. Iyo akɔi ngando jimina, Na ajeba ngando jimina eyou.

Bikɔmɛli 18:10

Mbi nadi na wɛ; pɛpɛ nongo moto odi bobakea ebɔ ai wɛ a bobeneja wɛ, mojɔ bo mbi nadi na bato banɛnɛ a ngando ye.

1 Bakolinto 1:8

Iyo adi bombihmeja no oko a suka mɛnɛ, bo otadani na mojɔ nongo momɔci, a busa boKumu osu Yesu Masiya.

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

Bagalata 5:22

Mbuma jiMwembo ko jidi oko jiji,—ngɛnjɔ, sepi, bowi, lingbangba, monganji, bodongo, likabo, bosangbindea.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Baɛpɛsɔ 4:2

oko na bosatiteja bonɛnɛ, na bombɔki, na lingbangba. Moto adi boda na moto otongo oko bowi a mojɔ moepaeli.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Baɛpɛsɔ 5:27

Akɔ boa bo Denga dimae a boso bonde na ekumu enɛnɛ, lihɛngɛmɛke na lisɛnɔke, pɛpɛ nongo litɔnɔ, isa maninginingi, isa mojɔ motongo.

Bafilipoi 2:15

bo odaeni bana baNjambe baya baditi nongo na mojɔ, baya badi na milema mi yɛmbu, pɛpɛ nongo litɔnɔ a tei eelulu ye engulumake elipanga. Ino odini a tei ebu o paka jia jihojaka ngondo.

Bakɔlɔsai 1:22

Iyo ko akwea bosiili, na akataneja no koko a njea ebogwa bomokuku monde, bo amejae no a boso bonde na bosɛnɔ, pɛpɛ nongo litɔnɔ, pɛpɛ nongo mojɔ,

Bakɔlɔsai 2:2

Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

Bakɔlɔsai 3:12

Njambe ahɔ no, basɛnɔke na bato baepaeli. A mojɔ momina kwani elwali enu edae milema miwa, na peye, na bosatiteja, na bo yɛmbu, na bowi.

1 Batɛsalɔnike 3:12

Yɛ Kumu ahɛjɛe epaeli enu egbasoake mɛnɛ, moto ai mina’nde moto, na ai bato basusu, o apalaka so no.

1 Batɛsalɔnike 4:7

Njambe aibea so bo bodae na bosɔtɔ; abea so bo bodae na bosɛnɔ.

2 Timoteo 1:9

Iyo abohelejai na abobei a elomu esɛnɔke, te a mojɔ mobilomu bisu bɛnɛ, oko a mojɔ momokano monde mɛnɛ, na monganji monde mopa yo so a tei eMasiya Yesu oko a libangake mɛnɛ.

2 Timoteo 2:10

Na mbi nahɔnɔkɔ ngando ji jisusu a mojɔ moBahɔmɔke, ho ’bo pongono basɛ mohelo mua modi ai Masiya Yesu, na ekumu yena edi na hosusu.

2 Timoteo 2:19

Pɛ mojɔ; eyoeli-ecina embilimake eNjambe eyeyoaka, yena edi na mosɔnɔ mu, Kumu ajebaka bato bande mɛnɛ. na Yɛ moto na moto yona ongaka a kombe eKumu acie bobe.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

1 Pɛtɛlo 1:2

ai bato bahɔ Njambe na mbuno ende mɛnɛ, bato bahɛngɛ yo na Mwembo bo badae na lisuma ai Yesu Masiya, na bo bamɛsɛme na makia mande. Yɛ monganji moNjambe na bowi bohɛe ai no bou mɛnɛ.

1 Pɛtɛlo 1:20

Iyo ahɛngɛmɛ a mojɔ momina oko ngondo epe-takini yoama, na adoa a masu masuka a mojɔ monu.

1 Pɛtɛlo 2:9

Ino ko odini mbota ehɔmɔke, nganga babokumu, likota lihɛngɛmɛke, bato baNjambe, bo onejaeni bilomu bipele binde yona obea no bo omaneni a modidi, a boda a bohu bonde bua bodi mojɔ mobokamoa.

Mokanda Momibae Mosɔnɔ Pɛtɛlo - 2PE 3:14

A mojɔ momina baninga, alɛndɛkɛ no ngando jimina, kɔni na bingi bo yo abolojae no, pɛpɛ nongo litɔnɔ, pɛpɛ nongo mojɔ, oko na bowi.

1 Yoane 4:16

Iso bojebaka na bojimaka ngɛnjɔ eNjambe ai so. Njambe adi ngɛnjɔ. Moto yona odi a tei engɛnjɔ adi a tei eNjambe, na Njambe adi a tei ende.

Boboloja 13:8

Bato basusu bangondo badi bomosakoa, oko baya baditi na kombe jibu a mokanda moMwana-Bata yona ogwa, kombe jia jisɔnɔmɔ ena oko a libangake lingondo.

Boboloja 17:8

Tito onɛki wɛ adaka, na aditi. Adi bomana ko a mombɔndɔ monase, na adi bonɔ oko a bodimoa. Na bato bangondo, oko baya badi pɛ bosɔnɔmɔ kombe a mokanda mobomɔ a bobanga bongondo, badi bokamoa yana anɛkɛ bo Tito yona odaka, yona oditi, na yona odi bodoa koko.